غضب.. مليكه من عافتني كرهت روحي كرهت كلشي بدنيه صار بكلبي بس لكره ولحقد لهلال وحلفت اله اخلي مليكه صيري الي مو لغيري
مرت لايام واني ادور علا مليكه وكالو شالو بس ميدرون وين روحي وراحت عافيتي وراها وانسانيتي صرت وحش مو انسان علا كد قساوت كلبي واول اشهر ليلي ماانامه بس علا مرور سنه تقبلت فكرت عافتني بس اني متحلف بيها كل يوم وكل ساعه عافتني بيها راح اندمها وازوعها حليب امها من خشمها علا مرت لايام وصرت صدك مجرم ودخلت عالم لاجرام وصرت اعذب بناس فقير غني حباب خبيث مايفرق عندي احد
كلها سوه صرت اتاجر بناس بل اسلحه وصرت شيخ علا منطقتي وصارت عندي منطقه وناس سكنتها واني لاحكم بيها كل سنه تمر اصير اقصه وحقدي يكبر لاهل مليكه واني ليليه افكر بيها واتخيلها يمي ونايمه بحضني ومن شمس تطلع واشوفها مو بحضني اذبل ويغطي لبرود وجهي وارجع غضب لقاسي لبارد كعدت
كعدت ليوم صبح واني روحي رايحه مفرفحه علا مليكه رحت لشجرته واني طول هل سنين اروح لشجره مالتنه وعلا موعدنه بئمل اجذب للحجي ولمرسال وتجي واكعد واحجي لبكلبي الها مثل قبل ليوم رحت مثل كل مره بس جنت مهموم ومشتاقلها احس كلبي يوجعني علا كد لاشتياق عفت لمكان ورحت لختي وحيده
اختي وحيده كبرت وصارت مره وعين ناس عليها وابوي من ذيج لحادثه لسه ميحاجيني اروح اشوف وحيده من لباب وارجع
خل نروح شويه لوحيده تحجينه عن حياتها جاي تمر بيها
وحيده...خل شويه اعرفكم عليه اني وحيده واسمي ينطبق عليه لان صدك وحيده اخويه عايفني بسبب ابوي لميقبل اروح وياه امي عافتني وماتت واني شايفه لوين من مرت ابوي سعديه شما احجي مراح اخلص نقطه بحر اليه مسويته ويايه سعديه خل احجيلكم علا مواصفاتي اني حمطاويه علا بياض وعيوني صفر وخشمي مثل صكر وحلكي صغير واني قصيره وضعيفه
اني اشبه امي الله يرحمها وغضب علا ابويه شكله غريب شويه لان سماره كولش قوي بس كلبه طيب واحبه
خل نرجعلكم علا سوالف سعديه من جنت زغيره وهيه تضرب بيه وبشته طلعني وتخلي لمطر عليه يدك ليل كله مره كبرت وصار عمري عشر سنين دفعتني سعديه عل جلب وكعت عليه وملخني تملخ ماخلا لا ادين وعضاني بزري وابوي اجه تلاحكني ومن شافت ابوي اجه كامت تعيط تكله تلعب ويه جلب
واخذوني لدكتور واني ابجي وشايغه روحي وادعي علا سعديه الله يخلصني منها ومن ضلمها ضالمتنياه مرت لايام وسعديه زود بضلمها عليه ومخليتني ازيد من لخدامه وكل مايجي غضب تهددني اذا كلت لغضب شي توديني اعيش ويه لبدو مرت لايام ولاشهر وسنين بطلاع روح
سعديه .. شيخ قائد شرايك نودي سعديه تعيش ويه لبدو ناس اهل فهم واهل خبره وصير مره رزنه احسن من مامكابلا لحيطان لا شغلا ولا عمله شسوي باقيه هنا هناك لبدويات يعلمنها عل طب لاعشاب وعلا لعرفه وعلا كلشي
