الكاتبه .. رندا الموسويه
احب ذاكه رتباكج من ألاكيج
عكس ذيج لوكاحه لبرسايل
مليكه.. ليوم ضايجه كلش اباوع روحي واني ميته قهر معقوله اخذ عباس لخبن اذا نام فوكاي اموت شكد سمين وجها كلها لحم عبالك خنزير معقوله هاذه جمال كله ياخذ عباس لخنزير
خل انزل ويه لبنات لاتجيني حوراء تسحلني
نزلت جوه ودنيه مخبوصه ليوم اجو خطابه اهل حوراء لاسماء ومكيفه من اخو عباس ياسر ومكيفه طايره من لفرح عاشكته امفلوكه ومحد يحجي والله لو مليكه لعاشكه اله ذبحتوها
سلمت عليهم وكلها ردت عليه واجتني ام عباس تبوس بيه وتباركلي مدري عليمن
شلونج يمه مليكه ماصدكت من كلولي لخبر طرت من لفرحه واخيرا راح اشوف جهال عباس
مليكه الحمد الله خاله بخير انتي شلونج بقيت ساكته هاي تفكير وهيج مكيفين اذا اوافق شيسون غلست عنها ورحت اجيب لعصير الهم وقدمته واسماء طايره من لفرحه اسماء جانت لابسه بنطرون قماش وقميص ابيض ستوه نازل وكلها اشترت منه حته اني
وكوثر هم لابسه مثلها واني جنت لابسه فستان ناعم جوه ركبه احمر وضافره شعري واصل لركبي ولابسه حجل برجلي من اني زغيره لابسته ابد منازعته احبه
اني بغداد لبسي كله هيج فساتين قصيره وحجاب مالبس واذا رحت للبستان بس اشمره علا راسي من شمس
نرجس .. مليكه باجر نروح للبستان لمي غراضج بليل وهسه تعالي ساعديني بلم غراض لان لخطبه راح صير مال اسماء بل بستان يم حبوبتج تريد هناك لخطبه نبقه بشهر نغير جوه
تعالي هسه ويايه يمه خل نطبخ لغده ليوم لغده اريدج انتي سوينه
حسين جاب سمج عشر سمجات كبارت اريدج تشوينهن اني نضفتهن وانتي عليج تملحيهن وسوين خلطتج وااريدج طلعين طرشي لمسويته انتي وطبخين تمن من تمن لعنبر واريدج طلخينه طبخ زين لان خطار يمنه لان نفسج بل اكل طيبه واني اساعدج واريد ترتبين روحج من تخلصين طبخ وتحطين شويه بوجهج مكياج
مليكه ..ميخالف خاله تدللين بس منو خطارنه
نرجس معليج روحي لطبخج
مليكه... باوعت للمطبخ وبديت نكعت تمن وبديت اسوي تتبيله لسمج ولكيت خالتي مطلعتلي دجاج عشر دجاجات كبار سويتله تتبيلا وزرفته للدجاج حته يمص لحموضه بديت ستوت تمن خلصته عفته عل تهدير وبديت بدجاج طلعتها وملحته ودهنته بتتبيلا وحطيتهن عدنه فرن مثل تنور وتانيتهن يستون وطلعت سمج ملحته وشويته ذ
