الظل

الحلقة الثالثة

الحلقة الثالثة

فى الصعيد

في مكتب صقر

كان صقر و جومانا يجلسون يعملون و لا يهتمون بشي يحدث حولهم الي ان استمع صقر لصوت خبط على الباب و سمح للطارق بالدخول

سما بشقاوة : فى حد خالع راسة
صقر بابتسامة : لا تعالي
سما : ايه يا برنس هو يومين بتجيهم هنا هتقضيهم شغل و ارف
صقر : عندك حق الواحد تعب من كتر الشغل
سما : اشطا تعالي بقي كلم بطوط
صقر : حاضر استني بس ٥ دقايق نخلص اللي فى ادينا و جاي معاكي
جومانا : خلاص صقر احنا كده فنشنا كل حاجة
صقر : تمام يالا بقي أجمعي الورق و شليه

جمعت جومانا الأوراق و حملتهم و حملت الاب و خرجت برا المكتب و صعدت الي غرفتها و عادت للنزول مرة اخرج

صقر بابتسامة : تعالي نخرج شوية
جومانا : تما

قطع كلامهم صوت رنين هاتف جومانا و كان احدي العملاء الذي أخبرها عن رغبته فى زيارة الاقصر بعد افتتاح طريق الكباش الجديد

جومانا : ده مستر ماركس هيوصل مصر بكرا بس عاوز المقابلة هنا فى الاقصر
صقر : يعني لازم هنا
جومانا : معلش يا صقر الحمد لله احنا كده كده هنا و هو جاي مع عيلتة علشان يتفرج على طريق الكباش
صقر : يعني لازم نفضل هنا و الشركة هنعمل فيها ايه
جومانا : متقلقش انا ممكن اسافر يوم الاتنين اجهز الأوراق المطلوبة و رجع تاني
صقر بابتسامة : هتعبك معايا
جومانا بابتسامة : مفيش تعب حبيبي بس يعني
صقر : فى ايه جومانا
جومانا : ممكن تحجز ليا فى اي فندق علشان كل مرة باجي هنا تيتة مش بتحبني
صقر بحنان : لا حبيبتي هي تيتة كده مش بتثق بسرعة فى الناس بس اكيد بتحبك ايه رايك تروحي ليها و تتكلمي معاها
جومانا : لا يا عم انا خايفة منها
صقر بضحك : متخفيش مش هتاكلك
جومانا بدموع مزيفة : ابقي اسأل عليا لو جرالي حاجة
صقر بضحك : يا بنتي انتي رايحة تحاربي
جومانا : اكتر يا بني اكتر

ضحك صقر عليها و توجهت إلى جناح الجدة و خبطت و دخلت

جومانا بابتسامة : تيتة اذي حضرتك
الحاجة ورد : الحمد لله يا بتي خير
جومانا بابتسامة : ممكن اقعد معاكي شوية
الحاجة ورد : اقعدي يا بنتي

جلست جومانا أمامها على الكرسي

جومانا : هو ليه حضرتك مش حباني
الحاجة ورد : علشان عرفاكي كويس هتجرحي قلب ولدي و انا لو حصل كده و عزة و جلالة الله اقتلك و شرب من دمك و هخلي اليهودي يشتاع لموتك اوعي يا بت ألفت تفتكري اني سهلة و لا كبيرة فى العمر الكبر علمني قراية الناس و انتي مش سهلة و انا عرفي نوعك
جومانا بابتسامة : متقلقيش علي صقر انا بحبه و مش ناوية اسيبه
الحاجة ورد : هنشوف

الباب خبط و دخل صقر و جلس بجوار جدته التي ضمته لحضنها فقبل رأسها

صقر بحنان : حبايبي عملين ايه
الحاجة ورد : الحمد لله يا حبيبي عندك قاعدة النهاردة
صقر : اه حبيبتي
جومانا : هي مامي فين
صقر : ممكن تكون برا او فى الأوضة
جومانا بابتسامة : تمام هروح اشوفها بعد اذنكم