.
.
.
.
.
.
لما اتجوزت قعدت حوالي شهرين متوترة وقلقانة "اللي هوا إزاي هقدر أتحمل مسئولية بيت وزوج وأولاد" والموضوع كان مأثر على مودي دايمًا ودايمًا سرحانة.
_أول عزومة لأهل زوجي كانت في الفترة دي وكنت شغالة لوحدي بس لاقيته جاي بدري وبكل براءة بيقولي "هتاكلي من إيدي النهاردة أكل يطعفش الضيوف، يلا قوليلي أعمل اي" بالفعل مسابنيش دقيقة في المطبخ لوحدي، ولما أهله وصلوا قابلهم وجه تاني يكمل اللي كان بيعمله بدون أي إحراج ولما أخته دخلت المطبخ وبتقوله "دا انت عمرك مفقشت بيضة لنفسك" رد عليها وبكل ضحكة سمجة قال "أصل أنا ناوي أوديكوا المستشفى النهاردة".
_فضلت سنة مفيش مؤشر حمل خالص وأهله قالوله روحوا اكشفوا كان بيرد بجملة واحدة "أنا مكتفي بيها"، بعد سنة وشهرين حملت بفضل الله.
_كنا في يوم قاعدين فسألته عن سبب رفضة إننا نروح نكشف رد بجملة كفيلة تخليني أشيلة في قلبي طول العمر" خوفت، أيوا خوفت تكوني انتي السبب وحد يجرحك بكلمة غصب لأني بالفعل كشفت ومفيش عندي أي شيء؛ كشفت عشان لو كنت أنا السبب كنت هقولك واتركلك الأمر، وانتي مطلبتيش في مره نروح نكشف كنت عارف بمخاوفك؛ فسيبتك على هواكي"
_فترة الحمل كانت أصعب فترة مرت عليا وكنت دايمًا دايخة، وبرجع، وبقرف من أي ريحة"شال كل برفاناته وحطهم في بوكس وحطهم في مكان بعيد عني، كان دايمًا منظم مواعيده انه يجي من الشغل على ميعاد الطبخ عشان حالتنا المادية مش عالية فمكناش مقتدرين إننا نشتري أكل جاهز.
_في يوم كان وراه شغل كتير ومش هيوصل غير فجر تاني يوم، ماما جات قعدت معايا اليوم دا ولأول مره لأنه كان بيرفض إن حد يعملنا حاجة غيرة وكان يقول "أنا أخدتها أمانة عندي ولو موفيتش بيها يبقا مستحقهاش" ، وسط اليوم لاقيته باعتلي رسالة مضمونها" وحشتيني"، كنت متأكده إن دا أكتر وقت بيكون مشغول فيه لكن وسط الزحمة منسانيش❤️.
_يوم الولادة صمم إنه يدخل معايا العمليات وبعد إصراره دخل بالفعل، بعد ما فوقت من البينج لاقيته واقف قدام السرير ببنوتتنا ولاقيته بيضحك والدموع في عيونه وبيقولي "جميلة شبهك، فيها ملامحك، تعبك مراحش هدر وجاب بنوتة قمر" بحبك".
_لما الممرضة جات تشيل المحلول ضحكت وقالتلي "جوزك مسابكيش لحظة لوحدك وكان جايب معاه بنبوني وبيوزع على الأطفال ويقولهم ادعوا لحبيبتي تقوم بالسلامة *بهنيكي على اختيارك*❤️"
لما سألته اشمعنا الأطفال قالي "سيدنا عمر كان لما يشوف طفل يقوله _ادعوا لي يا غلام فإنك لم تذنب بعد_"
_هنا افتكرت جملة "حمل الليالي خفيف لما يشيلوه اتنين❤️".
-اختاروا الحنين اللي يشيلكوا في قلبه مش اللي معاه فلوس.
-اختاروا اللي لما يكون في مشكلة بينكوا ميطلعهاش برا إطار بابكوا مش يسيبك تروحي لأهلك بالأسبوع عما يفكر يصالحك.
-اختاروا رجالة صح.
وفي النهاية:
"عاملوا بعض بلطف، خليكوا الركن اللطيف اللي بتتسنِّدوا عليه❤️".
