.
.
.
.
عريس متجوز جديد قاعد مع صاحبه وبيقوله:
" أنا استاهل كده؟ طب ليه! "
أنا من صغري مبفهمش حاجة في الدين أوي، مجرد صلاتي والصوم والحلال والحرام عادى زى أي مسلم، أنا دكتور ولسه متجوز من شهرين، ومراتي برضو دكتورة.
" ربنا يجمعني بيها في الجنة يارب "
في الخطوبة كانت إنسانة عادية جدًا بتقيم فروض ربنا ولله الحمد مكنتش منتقبة يعني وكانت بتضحك عادي ودمها خفيف جدًا وحرفيًا مشوفتش في خفة دمها قبل كدا.
وبعد أول أسبوع اتقفل علينا باب فيه، كنت ارجع من الشفت الاقيها بتصلي في الأوضة وكنت ببقى متخيل إن فاتها العشا وبتصليها .. لكن كنت بلاقيها تصلى ركعتين اتنين بأتنين المهم قولت يمكن سنن ولا غيره .. بس لاقيت الموضوع ده بيتكرر فسألتها في مرة:
- مريم بتعملى إيه؟
= أنا بصلي قيام الليل.
- إيه .. قيام !! أنا معملتهاش غير في رمضان.
فقعدت تهزر وتقولي:
طيب نام نام
بس حرفيًا لاقيت الموضوع بيتكرر وبقى " دائم "
بقيت ادخل عليها الاقيها بتقرأ قرآن وتصلي، وبعد كده لقيتها بتقولي تعالى سمعلي الوِرد ده.
- اسمعلك !! انتي بتحفظي كمان ؟!
= آه في حاجة؟
- لا أبدًا
بقيت أقعد أتفرج على المسلسل وأقلب شويه في الفيس ومريم جوا فى الاوضه بتصلي، الموضوع مش مُربك ولا يخوف بس طول عمرؤ مكنتش متخيل أتجوز واحدة كدا.
كمان هيئتها قبل الجواز مكنتش كدا ، أنا معرفش إيه النعمة دي إني لما أجي أدخل الاوضة أحس بأني في الحرم المكي وأحس براحة نفسية بالشكل ده .
بعد كده مريم حسيت الموضوع ده بقى عدوة وبقيت بصلي أنا كمان معاها .. ارجع أصلي زيها، وفي مرة صحيتها للشغل متأخر .. قامت نطت من على السرير عشان تلحق تصلي.
- بتعملى إيه يا مريم إنتي متأخرة على فكرة.
= أصل لازم أصلى ركعتين بنية أن يكون الواحد مش متوتر وهو معاه حاله وربنا يكرمنا ومحدش يحصله حاجة في الدنيا " تقصد على الناس اللي بتيجي المستشفى "
انا اتعلمت منها كده ، اتعلمت منها كل ده، عملتني بهدوئها ومحبتها في الصلاة، مريم مبتعملش حاجه غير بالصلاة. رايحه لصاحبتها فرح تصلي بأن اليوم يعديلها على خير ولو رايحه شغلها، تصلي إن الناس تبقى بخير والحالات تكون كويسة، نازلين أنا وهي تصلي إن ربنا يحفظنا من كل سوء.
أنا بقيت بحفظ قرآن، بقيت اقيم ليل، بقيت كمان لما أشوف حاجة أقول ما شاء الله، مريم محددة يوم نخرجه كل أسبوع نتكلم فيه مع بعض ولازم بره البيت نغير جو.
النكد اللي بيقولوا عليه واللي أنا كنت من أول الناس أقول هنتخانق إمتى، عمره ما حصل غير مثلاً عشان حجات تافهة ويبقى مجرد شد كلام وبنتكلم بعدها عادي 💜
أقسم بالله أنا لو أعرف إن الجواز اللي بيقولوا عليه تقوى وايمان كده، كنت اعددت له من زمان، أنا كنت إنسان تافه لا بحفظ ولا بصلي قيام ومضيع وقتي في السوشيال والشغل والتلفزيون.
متتنازلوش عن حاجه زي دي، والله العظيم ما هتحسوا بكدا غير لما تجربوه بنفسكم 💜
متتنازلوش عن حد كده .. والأهم من الدنيا يارب اجمعني بيها في الآخرة يارب العالمين🌿.
ورفيق أرى من عينيه الحياه جميلة 💜.
لقائله 🤍..."
