(أحيانًا يخون الإنسان ذاته ولقد خنت ذاتي)
ماذا لو لم تكن انا
الـــڪاتـبه زهــراء مهــند الموسوي
ﻼ تنسون لايك والكومنت بين الفقرات وعذرًا عن الاخطاء الاملائية ان وجدت قراءة ممتعه جميلاتي 🤍
--
دموع:
رجعت من المدرسه وشفت اثنين نسوان طلعن من بيتنه ردت ادخل لبيت وحده جرتني من ايد.
وكالت
:هلو حبيبتي دموع شلونج...... استغربت منها اني ماعرفه هي منين تعرفني
دموع :هلو خاله؟
اندارت ؏ ثانيه وهي تلزم بشعري بوجهي وتكول :
شوفيها شلون حلوه
عافتهن و دخلت البيت
ام دموع :ها امي اجيتي
دموع :هلو ماما منو هذن النسوان؟
ام دموع :اكولي لكمه كولي يالله بسرعه تردين تعرفين
دموع :هيج بس من طلعت شافتني وكالت حلوه وبقت تلزم بوجهي وبشعري
ام دموع :اي بنيتي هيج نسوان عليه
-قبل مرور ثلاثة ايام -
ام دموع :يله مكملتن
دموع :يلا بنات كملن
راحنه لخطبة بنت عمتي زمن هناك دخلن وبنت عمتي طلعها حلوه وقريبه بنسبه الي ضلينه نضحك وياهه كالو
اجوي اهل العريس
دخلو ويهوسون وهناك انتبهت ع الولد الي كان وياهم شاب كولش حلو صاحب ملامح حاده وحنطاوي وجسمه معضل وابتسملي
ورجعت ابتسمتله انتبهت هو ضل يباوع عليه طوال الخطبه الصراحه اني خفت منه ورحت اركص ويه البنت وبنهاية اليوم كالو هذا الولد"محمد" خطبج استغربت ورفضت بسرعه بقى يطلعلي وين ماروح بكل مكان اشوفه
طلعت من غرفه ردت ادخل لاستقبال وسمعت امي تكول
ابو دموع اليوم اجتي ام محمد
ابو دموع:شتريد يابه
ام دموع :تريد دموع لمحمد ابنه
ابو دموع:لا كليلها ماعدنه بنيه الزواج
ترا دموع طفله ماتعرف شنو شي اسمه زواج ولا شي كليلها ابوها يرفض الزواج لها بهذا السن...
دموع : اطمنئت من كلام ابويه ورجعت لغرفه واني فرحانه وباجر جمعه هم ضليت سهرانه ؏ تلفزيون
كعدت ؏ صوت نسوان عالي طلعت وجانن هنه هم
ام محمد :ها عيني شكلتو
ام دموع :ولله يا ام محمد البنيه صغيره وماكدر اتزوجها وتعرفين الزواج مسؤولية مو بس بدله اني اغسلها ملابسها هي كلشي متعرف وهي الصغيره ومتفتهم
أنت تقرأ
ماذا لو لم تكن انا
Romanceالمرتبه رقم ١بالروايات الواقعيه المرتبه رقم ٢ بالحزين حقيقيه 100% ياخذها القدر في مجرى غريب حيث تقلب حياتها رأسًا على عقب وماذا سيحدث لها بعد زواجها و الى اين تسير بها الامور وهل ستكون سعيده ام حزينه كل هذا سنعرفها في رواية ماذا لو لم تكن انا زه...
