أول مَرة أجيب عيوني للضيم
و أول مَرة أكسر واهِس الغيم
أول مَرة أجر بروحي لهناك
مو آنهَ التگلهَ فلان يسواك
أول مَرة روحي تغثها الشبيج
أول مَرة أبوس أيد الشبابيچ
أول مَرة گلبي يكضني بأيدة !
القَصيدة المَاتجيبك مو قَصيدة .
أول مَرة أرضى عيوني يبچن
أول مَرة أتيه گلبي عِد مَن
أول مَرة أوصل وجهي للگاع
وأنتَ منين مَا تندار تنباع
شلون أنساك ! ، رايح راد بية
أذكرك وين مَا أسمع أُغنية
و أعيش شلون ..!
حَاچيني أعله بختك
مَاحطو الزاد و مَاذكرتك
أول مَرة أگود الطِيف للرَاس
أول مَرة أكسر خَاطِر النَاس
أنهَ المِن طِحت گبل النِعمة شَالك
أنهَ المَا مَرة غَنة و مَا بچَالك
جَاس ضلوعي بس تگول جَس مَاي
بأصبعهَ أنوب گام يريد جَس مَاي
مِتت بَس طولي طول العود جسمي
على ورگة وردة ويشعيون بية
ماذا لو لم تكن انا
زهراء مهند الموسوي
—————
دموع :صباح جميل بصوت محمد هو يجود بالقران الكريم وضحكات ميار تتعالى صوت استكانات الچاي وريحة القداح الي مالي حديقتنا ونمسة برد خفيفه لكن سرعان مانقلبت كل هذا لا ميار موجوده ولا محمد ولا اي شيء كلشي صار عباره عن دم واعلام سود و...
:اقعدي بنتك قاعد تبكي اقعدي
دموع :اخخ اني وين
:انتي بمستشفى تابعه التنظيم
دموع :انتي منو
هيام :انـــيِّ هيام تابعه الدوله الاسلاميه
دموع:اخذت منه ميار
هيام :لاتخافي
دموع :لهجتها تختلف عنا لو مصلاويه او سوريه
دموع :الله ياخذكم زين وين اعيالي زوجي
دموع :اخخخ راسي
هيام :عندك اصابه براسك وعالجتها
هيام :انتو سويتو حادث بعد ماحاول زوجج اللعين الهرب منه
دموع :وهسه زوجي وين
هيام :اسرو واخواتج بالحرم النسائي
هيام :اشوفج صرتي احسن امشي يلااا
دموع :الله ياخذكم ياسفله انتو مجرمين حرام اتسمون نفسك دوله اسلاميه تفوو عليكم
:سكت هاي العاهر لا اجي اسكته
دموع :ههههه اذكرت مو صوت المراة عوره
هيام :تمشين لا اخليهم يبيعونج بسوق السبايا
دموع :وصلنا المكان كوم نسوان بي ويجنننن يخبلن يعجز لساني عن وصف جمالهن استحيت من نفسي واني بنصهن
هيام :يله انكلعي هنا
دموع :جان استحيتي اسوين هيج واني من لحمج ودمج وبنت بلدج وتعاونين الارهابيين
هيام :اشششش قديش ثرثارة
زينب :ها دموع شفتي حظنا وين جابنه
دموع :اني راسي مضمد وثكيل وشايله ميار
زينب :شبيج يمعوده
دموع :عمتي وايسر وين راسي موتني دايخه
زينب :شو تعاي
دموع :زينب اخذت مني ميار و
زينب :اختي ممكن تنام البنيه هنا شويه لان راسه
:ياهلا فيها
زينب :سوريه
:اي من حمام
زينب:اتشرفت
:الي الشرف خل ترتاح الصبيه
دموع :خطيه انطتني مكانه ونمت بي وبعد مادري شصار بالدنيه
محمد:اخخ يابه
:هسه تتعاود حتى ذا يضربوك يكوم بعد ميوجعك لان شيء ماتت
محمد:اني سويت باهلي
:لا اذب اصوج بيك ولا تلوم حظك هوه هذا كله مكتوب علينا
محمد:اووووف
:اتنخئى ابو الحسنين بدل جرت الحسره
محمد:دخيلك يابو الحسن
دموع :المكان مزدحم وكله نسوان وناس تبچي وناس اتسولف وهي الي اسمه هيام تاخذ النسوان وتتطلع سئلت البنيه الي بصفي
دموع :هاي هيام شسوي بالبنات الي طالعهم
:اتبيعهم للمجاهدين
دموع :يعني يصيرون نسوانهم
:اي ومن يموتون يرجعن
دموع :استغفر الله العلي العظيم شهل لعبان نفس يعني جسدهم ح ينسجم ويه هذولي الوصخين
:اششش اسكتي لايؤذج استري ؏ بنتج
دموع :زين احنا هم راح ياخذونه ويبيعونه المجاهدين
:مادري
دموع:اخذت ميار ورحت ادور بين النسوان ؏ عمتي والبنات وشفتي مجموعه مال نسوان ملتمه ومره اصيح محمد ...محمد
دموع :هاي عمتي اي هذا صوته ركضت لها
دموع :ها عمه
ام محمد:بنتي يمه زلمتج راح
دموع :مابي شيء عمه ولله هسه نطلع مابي شيء
ام محمد:يمه هسه عدموهم يمه
دموع ؛انـي مصدكت وضليت رافضه هاي الفكره
دموع : احنا كاعدين وياخذون النسوان منه هاي الي ياخذوهه تبجي وتملخ بنفسه متقبل تنطي شرفه الواحد نذل عدد النسوان قل وهاي هيام البومه تفتر وتاخذ بيهن انشالله عزرائيل ياخذ روحه
دموع :الى متى ح نظل هيج
ايسر :اني اخاف ؏ بناتي شافن من حياتهن
زينب :بس بناتج اني شفت من حياتي
ام محمد:كافي
دموع :كاعده وصافنه ؏ وحده جان وجه ابيض نور الله كوله بي وحلوه رغم هيه مره جبيره وبيده (عالك)اخضر وكلساع حطته ؏ راسه وشفافته تتحرك رحت اله
دموع :هلو خاله
:هلا بنيتي
دموع :خاله ماعرف شلون اكلج بس من شفتج ارتاحيت
:الحمدلله
دموع :خاله انتي من الشمال
:لا يمه اني من للنجف
دموع :خاله المحافظات الجنوبية امانه اجابج لهنا
:يمه اختي مريضه واجيت اشوفه هنا لان زوجه سني واحنا ساده
دموع :خاله يعني انتي علويه
:ي يمه
دموع :ي خاله كملي
:ي يمه هيه بيها سكر ومعلك عده ورحت شفتها حتى اعينه وهناك بسيطره سلبونه هذول الارهابيين
دموع :الله لا ينطيهم
دموع :كصتلي من علكه
:كضي بنيتي هذا من ابو الحسنين من ولي الله من السبع
دموع :دخيلك يامير المؤمنين
:انتي مزوجه
دموع:ي خاله وهاي بنتي
:يمه صغيره وينج وين للزواج
دموع :حظي المصخم
:الحمدلله ؏ كل حال ادعي ربج يطلعلج من ايد هذولي الظالمين
دموع :انشالله
ام محمد:دموع
دموع:ها عمه
أم محمد:انتي شبيج شنو احنا وين كاعدين علمود كاعد اتسولفين ومنطلقه
دموع:عمه بس
آم محمد:يمه هنآ منظمة وكله تصيح ياروحي يعني بسرعه شو شيذبن عليج ويكتلوج اكعدي واستري ؏ بنتج
دموع :صار عمه
—محمد—-
محمد:شباب بعمر الورد ياخذوهم ويعدموهم كلشي مشافو من حياتهم واني وابويه وابو شمس كاعدين وناس من المنطقه هم بعد ما مر علينه ٣ايام احنا هنا ويجبرونه ؏ صلاة يجبرونه ؏ مراسيم الدينية يجبرونه نردت كلمات واقوال وبالفجر ياخذون ثنين من الشباب يروح انتحاري
ابو محمد:بويه احنا راح نضل احنا هنا
محمد:بويه شبيدي عليك
ابو شمس:عادين نروح شهداء
ابو محمد:هسه امك البنات شكلن شلونهن وينهن
محمد:هاي تاليته ننحصر بيد هذولي الجلاب
ابو محمد:اشششش
آبو شمس:ادعو يدخل الجيش وينقذنه منهم
محمد:الشباب الي ويانه نصهم مصلاوين وسورين ولهجه قريبه فمنعرفهم واكثر المجاهدين والي يعذبون همه مصلاوين بس عود إسلاميين يحجون بالفصحى واسترسلكم بمقطع صار كدامي
:انت قم من هنا
:انت مو علاء ماعرفتني اني صديقك وجيرانك ليش هيج
:اخذوه يجاهد في سبيل الله
:لا علاء لا علاء اني صديقك علاااء عيب عليك اسوي هيج واني اين بلدك واتساعد الارهاب
:اقتلوهه
محمد :راسه اطشر علينا وغدينا دم عليه ولد شكدوته بربيع عمره راح وع يد صديقه هنا محد يرحم لا يرحمون طفل ولا شاب ولا شايب المناظر اتعب حالتج النفسية عباره عن دم والمكان ريحته بس دم ورطوبه وزفره ...
دموع
دموع :نايمه وماحسس غير هاي البومه هيام تنك ؏ راسي
دموع بنتره:شتريدين
هيام :قومي
دموع :ؤخري ايدج مني شتريدين مني عوفيني
هيام :المجاهد ينتظرك
دموع :عوفيني محمد تعال عوفيني بابا ماحس غير ضربتني راچدي فرت وجهي وفر
دموع :حقيره انتي منو وضربيني :جرتني من شعري
دموع :عمه ميار يمج
دموع :طلعتني الحقيره بعد مابوشتني ولبسوني معاصم ودخلتني الغرفه بيها اثنين زلم واحد حجه ...
————————————-
ماذا لو لم تكن انا
زهراء مهند الموسوي
اتمنى ادعموني بضغط زر النجمة وترك كومنت جميل مثلكم ياجميلاتي
جميع الاقتباسات والصور بقناة التلي و زورو صفحاتي بالبايو أحبكم ياجميلاتي 🫀💕
أنت تقرأ
ماذا لو لم تكن انا
Romanceالمرتبه رقم ١بالروايات الواقعيه المرتبه رقم ٢ بالحزين حقيقيه 100% لم تكن تعلم أن القدر سيسوقها إلى حياة تقلب عالمها رأسًا على عقب، تزوجت في عمرٍ صغير، بين فرحة طفلة وأحلام امرأة، لتجد نفسها فجأةً في عالمٍ غريب تكتنفه الأسرار. كل بابٍ يُغلق أمامها ي...
