((الغائب)) البارت الأول
_ ياااه يا جماعة بجد وحشتوني اوي مش مصدقة اننا اجمعنا تاني
_ مش مصدقة اننا فضلنا صحاب لحد دلوقتي اصلا يا ديچا! على الرغم اننا مكوناش على تواصل دايماً وانشغلنا كلنا ف حياتنا كأننا اتخطفنا من بعض نفسي اوي نرجع لأيام اللعب فالشارع وحشني وجودنا مع بعض لما كنا عيال
_ لأ معلش اتكلمي عن نفسك يا زهرة انا مازلت طفلة وهفضل طفلة العمر مجرد رقم يا ماما انتو هتكبروني ولا ايه
_ ياسين بضحك... يخرب عقلك يا اسماء لسة زي مانتي معترضة على أي جملة بتتقال!
_ يبني لو اسماء معترضتش يحصلها حاجة
_ سيلم!!
_ياساتر يا رب ايه الريأكشنات دي! بقى دي خلق تستقبل الواحد اول مايرجع من السفر
_ انت يلا انا مش مكلمك من نص ساعة بالظبط وقايلي انك لسة صاحي ف لندن ورايح ميتنج! وكلمني فيديو كول يا ياسين.. العيال وحشوني يا ياسين.. اوعوا تنسوني يا ياسين.. دا انت عيل نصاب وربنا
انفجروا ضاحكين جميعا على ياسين عندما قام بتقليد سليم
_ منا كنت عايز اعملها مفاجأة بقى وكدة
_ حمدلله ع السلامة يا سليم ولا اقولك يا مستر سليم
_ لأ بقى انا عايز انسى المسمى دا خالص يا سمكة ماصدقت بعدت عن لندن والشركة والشغل والاجتماعات انا كان مالي ومال حاجات الكبار دي
_تعيش وتاخد غيرها يا صاحبي مش انت اللي كنت من زمان عايز تبقى بيزنس مان كبير اشرب بقي
_ يسطا وعهد الله انت لو مرات ابويا مش هتشمت فيا كدة
_ اهو ع الاقل حققت حلمك
_ احم.. مين الآنسة؟
_ جرا ايه يا ابو شخة انت لندن نستك عيشتك ولا ايه
_ ابو شخة!!... ازااااي؟!
_ همووووت مش قااادر... يسطا دي زهرة
_ لأ هو واضح ان استايل اللبس دا عمله ايرور معلش بردو يا زهرة مانتي اتغيرتي اوي
_ وزة! مش معقول
_ يادي النيلة يبني بطل وزة دي هزعلك اسمي زهراء أو زهرة
_ اهدي بس يا وزة أعصابك
_ ناوليني السكينة اللي هناك دي يا سمكة
_ يوووه ابتدينا انتو مش هتعقلوا انتو الاتنين ابدا
_ ديچا... ديچاااااا
_ هااا؟ ايييه بتزعق ليه؟؟
_ بزعق عشان انتي مش معانا خالص منطقتي حرف حتى مقولتيش لسليم حمدلله ع السلامة حتى.. انتي سرحانة ف ايه هناك كدة؟؟
أنت تقرأ
((الغائب))!
Horrorألم تكن السنوات كافية حتى تصفي القلوب؟!.. ألم يحن الوقت لنسيان الماضي الأليم والبدأ من جديد؟!... لا... والف لا!!.. فكل ظالم له عقابه وانا هنا لاحقق المعادلة الانتقامية.. فلتحذروا فأنا هنا لتحقيق مخاوفكم! 😈
