((الغائب))!

البارت التالت

((الغائب)) البارت الثالث

_ البقاء لله شد حيلك

_ البقاء لله

_ ربنا يرحمها ويغفرلها

كان ياسين يجلس بمنزل اسماء وحوله جميع اصدقاؤه ولكنه منعزل في عالم آخر غير مصدق انه الان يقف في عزاء حبيبته! كيف حدث هذا!! لقد كان معها صباح أمس وكانت تضحك وتمرح ويمازحها كعادتهم ولكن انقلب كل هذا لكابوس مريع.. لا يستطيع أن ينسى مظهرها وهي تقف أعلى البناية ولا يستطيع أن ينسى صوت صراخها واستغاثتها به وماذا فعل هو؟ لم يستطيع حتى إنقاذها وهي أمامه! مازال مشهد سقوطها يراه أمام عينيه حتى الآن...اعترافها له بحبها الذي كلما يتذكره يبكي بداخله على فراقها المفاجئ والصادم له استفاق من شروده على صوت زهراء التي كانت تتكلم بغضب وانفعال وهي تبكي

_ انا بجد مش مصدقة!.. هو أهلها دول ايييه؟؟

_ فيه ايه يا زهرة؟ هم قالولك ايه؟

_ بكلم امها فالفون يا ديچا وبقولها عشان ييجوا حتى يحضروا عزاها تخيلي بتقولي ايه؟ البقاء لله ربنا يرحمها هنبقي نزورها ف قبرها لما ننزل القاهرة!!!

_ نعم!! دول حتى ماجوش يدفنوها! هم بجد ازاي كدة؟ يعني ايه هي مش بنتهم!

_ جماعة!... هو أهلها محدش اتصل عشان كل شوية يسألوني عليهم فالاجراءات

_ لأ يا سليم! انا لسة مكلمها امها وحقيقي لو شوفتها قدامي هخنقها دي بجد ست مش طبيعية!

_ اهدي يا زهرة الناس بتتفرج علينا

نطق ياسين اخيرا بعد مشاهدة كل ما يحدث بصمت

_ احنا موجودين.. احنا اللي هناخد عزاها واحنا اللي دفناها واحنا أهلها ومش عايز اسمع كلام فالموضوع دا تاني

_ احم ديچا روحي انتي وزهراء اعملوا قهوة عشان الناس

ذهبت خديجة وزهراء إلى المطبخ فهو كان عزاء صغير قاصر على استقبال الناس في منزل اسماء الذين لم يكونوا سوى جيرانها فقط! ولا أحد من أهلها حتى ولكنهم كانوا كأهلها وحزنوا عليها كثيراً خصوصاً بعد معرفة طريقة موتها التي اشاع البعض منهم انها انتحرت! والبعض الآخر انها سقطت بدون قصد والبعض الآخر أن هناك من دفعها وأنها بفعل فاعل لوجود آثار ضرب عليها! ولم يتم اخراسهم الا حين صاح ياسين بهم جميعاً حتى يصمتوا فالبعض منهم انسحب بهدوء ورحل والبعض صمت وجلس بمكانه في هدوء تقديراً للوضع... جلس سليم بجانب ياسين ووضع يده على كتفه يحاول مواساته فهو كان يعلم كم كان ياسين يعشق اسماء منذ الطفولة...

_ اهدي يا ياسين مش كدة

_ محدش يجيب سيرتها بالشكل دا وهسكت يا سليم! اسماء منتحرتش

_ ياسين انا بصراحة عايز اتكلم معاك بس عارف انه مش وقته فعشان كدة ساكت بس فعلا احنا محتاجين نفهم اللي حصل بما انك آخر واحد كنت معاها