لعنة الحب

part 2

دي لسه بدايتي وانا لسه بحاول عارفة أنها مش هتوصل لعدد كبير بس اي حد يقرأها اتمني يدعمني واوعدكم بحاجة فوق العظمة انتوا بس شجعوني وهتشوفوا 👀
• 2 •
( لم يكن سلاما فقط بل كانت لمسة لروحك قادرة أن تحييها من جديد 🍂 )
- فارس
-ميرا صح ؟
مد أيده يسلم عليها ليجلس كلا منهم في مكانه
فارس : تشربي ايه ؟
ميرا : ممكن لاتيه
ليه فارس رأسه مع ابتسامه مجاملة ليطلب لكل منهم في نفس الوقت كانت تتأمله كعادتها فرغم الحزن البادي علي ملامحه قادر علي ابهارها بلا أي مجهود يذكر
ميرا : انا زينة قالتلي اللي حصل بس انا محتاجه انت تحكيلي واعتبر نفسك بتفضفض مع صديقة مش اكتر انت مش محتاج اكتر من كدا
فارس: طب نتكلم في تفاصيل مبدأية الاول انا ممرمطك معايا و جيتي مخصوص واكيد يعني مينفعش تضيع وقتك كدا
لتفهم ميرا ما يحاول ايصاله لها : فارس متحاولش تكمل عشان انت كدا بتشتمني وبعدين انا مش جاية ك life coach او اي حاجة اعتبرني صديق اجباري ليك هو مش اعتبرني انا صديق اجباري حاليا لتحاول مشاكسته وهي تمد يدها له قائلة :معاك ميرا سامح ٢٤ سنة وسنجل
ليضحك فارس علي مشاكستها بهدوء فتتظر له رافعة حاجبيها تنتظره أن يكمل مزحتها ليقول باستسلام: فارس احمد ٢٨ سنة وسنجل برضه للاسف
قال اخر حملة بحزن واضح
ميرا بشكل مباشر : احكيلي عنها يا فارس
ليبدأ : كانت احلي حاجة في حياتي كنت احسن ما يكون عشانها كنت فاكر أنها بتحبني معرفش ايه اللي حصل فجأة.....عارفة لما تبني أحلامك كلها اعتمادا علي شخص معين و فجأة تلاقيه مش موجود فتلاقي أحلامك كلها اختفت معاه دا اللي حصل معايا انا فجأة لقيت حياتي كلها اتدمرت فوق راسي حبيبتي سابتني عشان محبتنيش ودلوقتي ارتبطت بصاحبي شغلي بيضيع من ايدي انا معنتش عارف اكون زي الاول انا حاسس بالضعف بس كأن كل حاجة اتفقت عليا
كانت تنظر له بحزن فألمه ظاهر في عينيه ونبرته لتحاول ايجاد حديث مناسب قائلة : انا عارفة احساسك كويس صدقني فيه جزء من وجعك انت قادر تسيطر عليه والتاني هنتعامل معاه أنها تسيبك ومتحبكش دي مش محتاجه انت تقدر تتحكم فيها بس تقدر تتحكم في حياتك الحالية اللي ممكن تخليها تضيع بزعلك وقتها مش هتقدر تلوم حد غير نفسك ...يمكن غلطك الوحيد انك حطيت أحلامك كلها اعتمادا علي شخص واحد عشان كدا دي كانت الصدمة الأكبر ليك بس في الحالتين هتتخطاها وتتعلم منها ....ممكن تديني فرصة نحاول مع بعض!
لينظر لها باستفهام لتجيبه : اول حاجة هتحاول تنقذها هو شغلك لازم تحط نفسك قدام الأمر الواقع لا تعافر وتلحقه وتفضل في وظيفتك لا تخسره ووقتها مش هتقدر تلوم حد تاني علي خسارته
فارس : دي المشكلة انا محدش حاسس بوجعي انا زعلي اكبر من اني اقدر اركز في أي حاجة
ميرا : انا مقولتش اني مش حاسه بيه ومطلبتش منك انك تتجاهل زعلك....الطبيعي انك تدي كل مشاعرك وقتها الكافي الزعل الفرح اليأس في حياتك هتحس بيهم كلهم مينفعش تدي واحد فيهم وقت اكبر أو اقل من حجمه عشان وقتها هتضيع الباقي انت زعلك اخد اكتر من ٥شهور تقريبا حتي لو لسه مستمر معاك بس بيأثر علي حياتك ولو استسلمت ليه هيدمرها عشان كدا بقولك لازم تقاومه وتحافظ علي شغلك وعلاقاتك اللي بينتهوا.
احساس الخذلان اللي جوانا نقدر نلوم الاشخاص اللي اتسببوا فيه بس منقدرش نلومهم علي عواقبه عشان دي في ايدينا احنا
ظهر الاقتناع علي وجهه ليجيبها قائلا : هحاول
ميرا : فيه حاجة كمان محتاج تعمل حاجة كنت متعود تعملها زمان زي الجيم مثلا او اي رياضة أو هواية كنت بتعملها انت محتاج تشغل وقتك علي قد ما تقدر كل ما هتبعد عن الفراغ والتفكير هتتخطي زعلك اسرع .... انا بقا في باقي الوقت فأنت هتكون بتحكي أدق تفاصيل لصديقتك الجديدة واجباري برضه
ليضحك فارس وهو يهز رأسه بالموافقة
ميرا : انا شايفه أن كفاية كدا انهارده كل ذكرياتك هتتخطاها شوية بشوية هتكلمهم فيهم بالتدريج كل شوية لازم تحكيهم عشان تتخلص من تأثيرهم بس واحدة واحدة
فارس : شكرا بجد يا ميرا
ميرا : مفيش شكر بين الصحاب ولا ايه
فارس : طب يلا بقا اوصلك
ميرا : مفيش داعي انا هروح
لينظر لها بجانب عينيه يلا يا ميرا لتقوم ويسيرا سويا للخارج وهي تخبر نفسها قائلة : " شخصيته عليا الطلاق شخصيته قوية ومش هقدر اعترض👀"
____________________________
طوال الطريق كان كلا منهم صامت وهي لم تحاول أن تجعله يتحدث فهي دائما ما كانت تهرب من امامه كانت شخص دائما ما يداري مشاعره ابتسمت بحزن وهي تتذكر
Flash back:
كانت في مراهقتها شخص فاقد الثقة بنفسه فالإنسان تتشكل شخصيته بالدائرة المحيطة به وهي كانت دائما ما تتعرض التنمر والنقد المستمر في طفولتها ربما لا يظهر إثر ذلك في الطفولة لكن كلما كبرت يظهر الاثر اكتر فأكتر وجود فارس في مراهقتها كان له أثر كبير عليها فكانت تراه احيانا لأنه كان صديق لزينة في المرحلة الجامعية لكنها كانت معتقدة دائما أنها ليست كافية ليلاحظها أو يحبها وأنه إذا أدرك مشاعرها نحوه ربما سيسخر منها فكانت مشاعرها نحوه أكثر ما يؤرقها لكنها أحبت نفسها أكثر ما تتخيلت فلم تستلم لكن الأفكار السوداء اللي بداخلها حاولت أن تحب نفسها قبل الجميع أظهرت احسن ما بداخلها لمن حولها فأصبحت شخص اجتماعي محاولة إحاطة نفسها بدائرة واسعة مع دائرة ضيقة محظوظة بهم ليكونوا عائلتها الثانية اصحبت شخص محبوب وهذا يكفيها أثبتت للجميع أنها ليست مهمشة وأصبحت life coach لتساعد من مروا بنفس الظروف ....عند دعمها للآخرين تشعر بالفخر والسعادة معٱ
( أخطأ من قال فاقد الشئ لا يعطيه فاقد الشئ يعطيه بشدة بالطريقة التي تمني أن يحصل عليه 🍂)
Back
استفاقت من شرودها علي صوته يخبرها بوصولهم شكرته لتصعد لمنزلها طرقت الباب لتجد هاتفها يرن
سما: تقوليلي فورا كل حاجة حصلت
ميرا: طب ما تجيلي بليل عشان انا مش شايفة قدامي وهموت وانام دلوقتي
أغلقا سويا لتسألها زينة عما حدث لتجيبها نفس الإجابة
__________________________
دخلت غرفتها ونظرت لمذكراتها تريد الكتابة بها لكن عقلها منهك بما يكفي لتقرر النوم ثم الاستيقاظ وكتابة ما بخاطرها فهذه هي طريقتها للهروب من الواقع