فاق رعد من زكرياته المؤلمه علي دخول عز عزالدين بضحك : نادر الحناوي وابوه هيتجننو بسبب انك الصفقه الالمانيه رعد بصوت قوي : مايولعو ولا يغورو ف داهيه ميشغلونيش وكويس اني ساكت لهم علي الجواسيس بتاعتهم هنا في الشركه بس انا سايبهم بمزاجي ولحاجه في دماغي عز الدين : دماغك اللي تودي في داهيه دي المهم انا خالع عشان مش قادر فصلت رعد بتهكم : خالع !! بقي في مدير شركه محترمه زي دي وتقول خالع انسان بيئه عز الدين : بيئه بقي انا بيئه عجايب ياولاد امال انت تب ولسه هيكمل سمع زمجرة رعد فيه وهو يقول : اقسم بالله لو كنت بس نطقتها لهتخرج علي نقاله عز الدين بخوف : لا لا وعلي اي انا ماشي يامفتري وفر هارباً تاركاً ذلك الرعد يفكر كيف يتخلص من التعابين اللي محوطينه اما وريتك يا نادر الكلب مبقاش انا الرعد وخرج متجها الي قصره
بقلمي جهاد رضا
ف قصر رعد تجمع الكل علي العشاء مريم بتوتر : احم ابيه الكليه طلبه اننا نتدرب علي المحاسبه لو ينفع انا وصحبتي نتدرب في شركته رعد بغموض : تدربي اممم تمام ماشي تدريبك هيكون مع عز مريم وكادت تطير من فرحتها ولكن تداركت نفسها وقالت : تمام يا ابيه شكراً كل هذا امام حنان الذي تنظر لهم بحب كبير وان رعد قادر علي احتواء اخته واخيه ويعاملهم كانهم اولاده نظر رعد لاخيه راه شارد الذهن ولا يبدو انهو استمع لهم رعد : اسر يا اسر فانتبه له اسر : بتقول حاجه يارعد رعد : لا لا خالص مالك يا استاذ اسر انت كمان مش علي بعضك ليه اسر بدون مقدمات : انا قررت اتجوز فرحت حنان بهذا الخبر كثيراً و داخلها يتمني هذا ولكن لرعد اولا حنان بفرحه : بجد يا اسر قولي ياحبيبي هي مين وانا من بكره اروح اخطبهالك رعد بانزعاج : استني بس يا امي هو سلق بيض وخلاص مش لما نعرف هي مين وبنت مين عشان تناسبنا
اسر : احم انا بعت واحد وجبلي عنوانها بعدين انا بحبها وهتجوزها اكيد رعد بصوت قوي فزع له كل من ف الغرفه : ولما انت مقرر كل حاجه جي تقول لنا لي ما حضرتك قررت وفكرت واخدت القرار وجي دلوقت تقول لنا واحنا علينا ننفذ صح اسر : لا مش صح انا من ساعه ما روحت القريه وشوفتها وانا مش عارف اطلعها من دماغي وبفكر فيها ع طول وانا لسه مكلمتش حد غيركو علي اللي في دماغي عشان انتو عيلتي و مفروض تبقو جنبي في كل قراراتي بعدين هي بتشتغل في صيدليه و بباها كان عامل في شركه صغيره وطلع علي المعاش رعد بنفس نبرة صوته القويه : كمان فلاحه واكيد مش متعلمه ومستواهم اقل من الصفر حتي اسر : هي مخلصه ثانوي وبعد كده لو هي عاوزه تكمل انا هدخلها كليه علي طول وبعدين ميهمنيش كل ده كل اللي يهمني اني بحبها و عاوزها في حياتي حنان : خلاص يا رعد مش مهم كل ده اهم حاجه تكون كويسه و اخلاقها عاليه رعد : لا يا امي مهم جدا النسب و العيله انا مش موافق على المهزله دي ويا انا يا البت دي اسر بنبرة صوت لم يسمعها احد من قبل بصوت قوي جدا : انا بحبها وهتجوزها حتي لو انت موفقتش حور مش شاهي يا رعد وخرج اسر من الغرفه تاركا ورائه قنبله سوف تنفجر في اي لحظه
صدمت حنان و مريم من كلام اسر كادت حنان ان تتكلم حتي خرج رعد هو الاخر ووجهه لا يبشر بالخير دخل رعد غرفه الرياضه المجهزه باحدث الاجهزه الرياضيه وافرغ كل غضبه فيها و في كيس الملاكمه الذي امامه وكل ما يتذكر كلام اخيه وطليقته غضبه يتصاعد اكثر و اكثر .
وهنا ينتهي الفصل ياريت تقولولي رايكو بصراحه حبين اني اكملها ولا اوقفها معن عدد المشاهده لحد الان حلو مش وحش اووي كمان هي لسه مكملتش واتمني تعملو متابعه وتتفاعلو مع الفصول وياريت نتكلم مع بعض ونبقي صحاب وانا لسه عامله جروب الفيس ياريت تنضمو ليه وندردش مع بعض وده جروب الفيس اتمني تنوروني فيه وشكرا ليكم يا قمرات 😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
