بينمــا يُسقــي الـورد بالمــاء ، تُسقــي شوارعنــا بالدمــاء 🩸
رفع حواجبه بـ ملامح عابسه :بتحاربو بعض عادي ؟! كان تقتله ولا قتلك كيف بتكملو حياتكم عادي
بلع ريقه بـ تنهيدت عجز : كان تقابلنا في نفس الجبها نتصل انبهه مايجيش قدامي
وتلفتله مكمل كلامه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
روينا لكم قضايا اجتماعية مختلفة بعناوين مختلفة منها ، الفتنة والثأر ، طــرابـــلس ياغارقة في الدم ، جبار ، 2017 ، شهيد الواجب ، والقفلة ، في السلسلة الاطول بين الروايات الليبية . #سـلسـلــة ... عِــشق فـي بِـلاد حُـروُبِهـــا لا تنتّٰــهي تعود بـ قصة حقيقيه في جزئها السابع لتروي لنا { شارع الدم } ... 2021 / نـــ11ــوفمبر / 7 #إعــلان
رفع يده حطها تحت راسه :انت مكسد وله عبى خدوده بـ الهواء واخد نفسه وطلعه كـ زفير بـ تنهيدة طويله ، متلفت بـ راسه ، وقال : بالحقا بتمشو هز راسه :اني في المية ماشي ، و وحيد ربي يهديه ومايمشيش مانبيش علي خاطر حربهم الخاسرة يخسر روحة
رفع حواجبه بـ ملامح عابسه :بتحاربو بعض عادي ؟! كان تقتله ولا قتلك كيف بتكملو حياتكم عادي بلع ريقه بـ تنهيدت عجز : كان تقابلنا في نفس الجبها نتصل انبهه مايجيش قدامي وتلفتله مكمل كلامه بعد لحظات صمت : وكان قتلته نقتل روحي وراه
قعد مثبت عيونه مدقق فيه وفي نظرات عيونه العاجزة ، وقال: فيها موت يانصر ره وماتعرفوش من الشهيد ومن القاتل والمقتول في النار تلفتله نصر :عارف رجع شبح لـ نجوم السماء الواسعه وقال بـ نرفزة :مانعرفش خيركم اني انت و وحيد ، وشادي ومروان حتي هما هبلو معقوله خوت بيمشو يحاربو بعض ، معقوله الحرب طيرت عقولكم هكي وخلت الصحاب والخوت يحاربو في بعض
نصر : كل واحد ماشي مع اللي مناصره خدي شهيق مغمض عيونه ، مفكر لو كان مكان شادي ومروان ، معقوله حـ يوقف قدام خوه ويحاربه ومرات يقتله عادي ، طلع نفسه كـ زفير هاز راسه نافض الفكرة من راسه بـ قرنت حواجب ، لانه حتي لو كان نصر الحق في يده مستحيل يرفع سلاحة في وجه خوه ويحاربه . قعد سارح في نجوم السماء لـ رجع يعد فيهم في سره مره تانيه ، قبل مايتيه في افكارة ، وقال كاسر الصمت :اني مانقدرش نمشي بوي وامي وخوتي مانقدرش نخليهم ضحك نصر ورفع يده ضربه علي بطنه :واصلا من بخليك تمشي
ردلة الضربه علي يده لـ ضربه بيها ، وناض قعمز مربع رجليه :تي ماشي ماشي مية مية برا وسيبني اصلا عارفك بتموت قبلي تعلت ضحكات نصر لـ ناض قعمز لف يده علي رقبته وقربه منه وتكي روسهم علي بعض وقال :واحسن موته علي خاطر بلادي ههههه غير راك تنساني في دعائك ره حتي صلي مانصلي ههههه خبط راسه علي جبهته بـ ضحكة رافع يده لفها علي ظهره :شهيد بأذن الله شن تبي في دعائي انت راك تنساني من 70 ولا 60 لبدخلهم معاك للجنة وكمل معاي باقي جمايلك عليا
زادت ضحكات نصر تعلت وهوا يزيد في لفت يده علي رقبته تحت معصم يده بـ قوه خلاه يصيح تحته بـ صوت مخنوق رافع يده ضاربه علي بطنه بوكس بـ كل قوته خلا من نصر يرخيه وهوا ينكمش في روحه بـ وجع مع صوت صيحاته لـ طلعت بـ ألم :ياكلب ياجواد
تعلت ضحكات جواد لـ بعد خطوات لـ الخلف مع رفعت يدين بـ خوف ممزوج بضحكاته العاليه اول مانصر ناض ماسح علي بطنه مقرب منه بـ خطوات سريعة خلاه يتلفت يــجــري بـ صياح:تي نبصر ياراجل فكنا ليل ليل وراس امك ليل تو بوي يطلعنا وراس امك
جبد نصر جواد من تيشرته وركب فوق ظهره مخليه يقعمز علي الارض بـ يدين حامي بيهم راسه مع ضحكاته المختلطه بـ صياحة لـ خلا نصر ينسي ضربه محاول يسكرله فمه رافع تيشرته مدخله في راس جواد : سكر فمك يا...، سكره بوك حسه راكب سكر فمك فضحت بينا
سَــابق جِــيلي بـ همّــومـي 🥀 . . . الإعلان لـ الجزاء السـ7ـابع من سلسلة ... #عشق_في_بلاد_حروبها_لا_تنتهي #شارع_الدم ________________________________ عِــشق فـي بِـلاد حُـروُبِهـــا لا تنتّٰــهي 7 بداء كتابة الرواية في 2021 / نوفمــ11ــبر / 7 تم تجهيز الإعلان في 2022 / ينــ1ــاير / 25 عدد كلمات الإعلان 588 كتابة / اليَــاقُــوت
بعد انقطاع سنتين عدنا وان شاءالله بمستوي اقوي عن الاجزاء السابقه 💛🫶🏻
