عشق في بلاد حروبها لا تنتهي 7 ( شارع الدم )

البــ 4ٰ ــارت

_
_

عِــشق فـي بِـلاد حُـروُبِهـــا لا تنتّٰــهي 7
{ 🩸 شارع الدم 🩸} ...

قراءة ممتعة 💛
البــ 4' ــارت

البداية كانت ...

حرب ، دمار ، قتل ، وبينهم دين وايمان وكفر ، ومابينهم اخرى خيار مابين تحقيق حلمي والفرار بروحي وروح هلي وبين تحرير مدينتي من ادعو الاسلام ونصر كلمة الله لـ شوهوها . صبيت مابين نارين وانا نحق كيف نخسرو في كِل لعندنا بسبب نهب وحرب الدواعش ، بين نختار الجهاد وبين الفرار بجلدي  ، نابيدي نهرب لكن القلب والضمير اقوي من شن نبي ، الضمير لـ خسرني واجد ، رفيق ، وحلم ، ورزق .

الفقد أثره لا يُشفى 💔

-اخخخخ يارا والله قد مانعدو ونديرو جو مافش احسن من تركينتنا هدياهي

مدله طاسة القهوة قبل مايقعمز علي حاشية المرشبيدي بـ تقفقيفه بروده من الجو الشتوي القارص : مالقينا مغير قدام لبحر نديروه تركينه ندكو فيها روسنا لمربعه راني بنتجمد ياشابو وووووه
قال آخر كلماته وهوا يرشف من قوته تحت ضحكات مُعاويه لـ رفع حواجبه : قولها لروحك كل مانقولك نعدو لمربوعتنا تقولي لالا نبي نسمة ربي ها خليها تشلفطك نسمة ربي

بلع مُعز ريقه بـ رفعت حواجب : نابيدي نقمعز حتي في نص لبحر مهم معاك ياصحيبي

بتسم مُعاويه لـ قرب منه بـ رفعت يد لفها علي رقبته : خويا مش صاحبي وربي ها تعالا ندفيك عشان الكلمه السمحه هدياهي ههههه

فتح عينه واعي من ذكرياته الجميله لـ واقعه المؤلم بـ دمعه سالت علي خده وهوا يتلفت جنبه بـ ستعاب انه بروحه ، ولا بروحه ، وين مُعز ، وين رفيقه ، هوا عدا ، وانا بقيت وحدي ، نحنا عدينا ، والمكان قعد ، نحنا فانين ، والاماكن باقيه .

.

اااااه من قهر الرجال ، واااااه من كسر الرجال ، واااااه من دموع الرجال ...

خديت ايااااام بلياليهن ، وسنين واعوام بلحظاتهن وساعاتهم الطوال وبعتمت لياليهن الموحشه لـ زادت همي وحزني وشوقي ، خديت وقتي في حزني علي رفيق عمري لضاع في غمضت عين من بين يديا ، لغسلته أنا بأصرار ماحد يمسه غيري ، ولا يكشفو عنه ولا يحقو عورة جثه ، سترته حتي من عيوني ، حطيته في قبره بديا وصلته عند رب عالم بفرحتي ليه ، بفرحتي لـ شهادته ، عالم كويس ان دموعي لنزلو عليه وجع علي فراقه وجع علي حالي و وحدتي لبنعيشها من بعده ، لـ سنيني الجايه لضي وجوده خالي منهن .

لف عبدالكريم يده علي كتف مُعاويه السارح بأنظاره المرهقه لـ البحر بـ مسمع نشد لـ حديث عبدالكريم لنطق كلماته بـ وجع يقطر من بينهم : نحقو فيك راك مُعز ، نحقو فيك قطعه منه ، رد واصحه علي حالك ياخيي هضا قضاء ربي ونحنا مابدينا غير الرضاء والحمد والرحمه ليه والفرحه ليه لشهادته لكسبها من بينا .