ဝင်္ကပါထဲက သရဲစံအိမ် [Completed]

ဝင်္ကပါ (မှတ်တမ်း - ၁၇)

Unicode 📌

အိမ်မက်ထဲကအတိုင်း လျို့ဝှက်မြေအောက်ခန်းဖွင့်နိုင်မည့် ခလုပ်ရှိရာသို့ ညွှန်ပြရန်
ဟိုဆော့က သူ့ပုံစံလေးအတိုင်းပဲ သွက်လက်စွာနဲ့
ထမင်းစားပွဲရှိရာသို့ သွားပြီး စားပွဲရဲ့ အောက်ဘက်ခြမ်းက ခလုပ် ရှိမဲ့နေရာအား မှန်းဆရင်း
"ဒီနေရာမှာ ရှာတွေ့တာ" ဟု ပြောလိုက်လေတယ်။

ပြီးနောက် ပြုံးလျက်ဖြင့်
ထိုနေရာအား ငုံ့ကြည့်လိုက်လေတော့တယ်။

သို့သော်

ချက်ချင်း ပြောင်းလဲသွားသော သူ့မျက်နှာသွင်ပြင် ။
အံ့သြမှုများစွာနဲ့ ။

•~•~•~•

မျှော်လင့်ထားသလိုမဖြစ်လာဘဲ
မမျှော်လင့်တဲ့အရာတွေလဲ ကြုံနိုင်တာပဲ
​
ပြောင်းလဲခြင်းတွေကြားမှာ
ပြောင်းလဲမှုအတိုင်း
လိုက်လျောညီထွေနေနိုင်ဖို့
လိုအပ်သော်လည်း

အော် အဆုံးထိတိုင် လွဲချော်နေဆဲ
လမ်းပျောက်နေမြဲ  ။

®®®® ဝင်္ကပါထဲက သရဲစံအိမ် ®®®®

ဟိုဆော့ စားပွဲအောက်သို့ ငုံ့ကြည့်လိုက်ချိန်မှာတော့ ဘာခလုပ်မှ ရှိမနေခြင်းက သူ့အား အကြီးအကျယ် စိတ်ပျက်သွားစေဖို့ တွန်းပို့နေခဲ့သည်။

ချက်ချင်းပြောင်းလဲသွားတဲ့ မျက်နှာသွင်ပြင်အနေအထားနဲ့အတူ စားပွဲအောက်ဒေါင့်ပတ်ချာလည် နေရာအနှံ့အား သူအသည်းအသန် လိုက်ရှာကြည့်ပါသော်လည်း ဘာမှရှိမနေခဲ့ ။

အိမ်မက်အရ ဆိုလျှင် ထမင်းစားခန်းထဲမှာ တာဝန်ကျခဲ့တဲ့ ဆော့ဂျင်က အမှတ်မထင် စားပွဲနှင့်တိုက်မိပြီး လက်က စားပွဲအောက်ဒေါင့်အတွင်းဘက်ရှိ
ခလုပ်ကို မတော်တဆ ဖိနှိပ်လိုက်မိရာမှ ထိုလျို့ဝှက်အခန်းတံခါးပွင့်သွားခဲ့ခြင်း ဆိုတာကို ဟိုဆော့ သေချာပေါက် မှတ်မိနေလေတယ်။

အခုတော့ အဘယ့်ကြောင့် ဒီနေရာဝယ် ခလုပ်နဲ့တူသော အရာဟူ၍ ဘာတစ်ခုမှ ရှိမနေခဲ့ရသလဲ ။

ဒီအခန်းထဲမှာသာ လျို့ဝှက်အခန်းမရှိနေခဲ့ဘူးဆိုလျှင် ဘယ်မှာများရှိနေမှာလဲ ။