👑 لأنّـك غــاليــة 👑
7⃣الحلقه السابعه7⃣
نكمل معا حلقات السلسلة الرائعه 🌼
هتقولي :⬇
بس أنا بجد بعد ما جربت طعم الحب مش قادرة أعيش من غيره !!
أنا مكنش ليا قيمة في الحياة والشخص ده حسسني بوجودي!
أنا مش بحبه وبس ، أنا بموووووووووت فيه 😞
أنا حاولت أعيش بعيد عنه متتخيلوش أنا كنت عايشة إزاي بجد روحي كانت رايحة مني⁉
هقولك يا أختي :
⬅بقى إنتي مش قادرة تعيشي لحظة وإنتي بعيد عنه ، وقادرة تعيشي وإنتي بعيد عن ربك 😳⁉
يا أختي لآآآازم تختاري حاجة من اتنين :
👈رضا ربك ؟؟
أو
👈رضا الشخص اللي بتحبيه ؟؟
🎯وأنا واثق ومتأكد إنك بتحبي ربنا وعايزة رضاه ، بس الشيطان اللي مزينلك حبيبك ده ومحسسك إنك مش هتقدري تعيشي بعيد عنه ..
💪بس صدقيني هتقدري .. والله العظيم هتقدري ..
وبنات كتيييييير غيرك قدروا ..
بس الموضوع محتاج إرادة وتضحية ..
👈الصحابة والصحابيات ضحوا بأرواحهم ودمائهم علشان رضا ربنا ..
يا ترى إنتي هتضحي بإيه ⁉
🗣وقدرت تبعد ⁉🗣
👈أحد الشباب من زمايلنا كان على علاقة حب مع بنت من سنة أولى كلية ..
ووصلوا لمرحلة إن الناس بقت تقول عليهم روميو وجوليت !
وخلاص الكل بقى يقول دول مخلوقين لبعض ،وهيتجوزوا ويعيشوا أسعد حياة ..
ولكن بعد ما خلصوا الكلية على طول .. الشاب راح يكلم أهله في الموضوع فرفضوا رفض حازم وقالوا مستحيل هتتجوز البنت دي ..!!
⬅والشاب طبعاً سمع كلام أهله علشان ميزعلوش
وإتصل بالبنت وقالها يا بنت الناس أنا من طريق
وإنتي من طريق علشان مظلمكيش معايا ، وياريت متكلمنيش تاني .. وقفل السكة وغير رقم موبايله !
👈كل ده مش مشكلة ؛
المشكلة إنه بعدها بكام يوم لقى رقم غريب بيتصل عليه ...
وبمجرد ما فتح ؛ لقى بنت بتبكي بكاء هستييري ،
وطلعت إن هي البنت اللي كان بيحبها ، مش مهم جابت رقمه إزاي ، المهم هو الكلام اللي قالتهوله ..قالتله البنت وهي مش قادرة تمسك نفسها :
وقدرت تبعد ؟؟
أنا مش مصدقة نفسي ⁉
أنا عمري ما كنت أتخيل إنك ممكن تعيش يوم من غيري ؟؟ إزاي هان عليك كل اللي كان بينا ؟؟؟
فين كل الكلام والمشاعر ؟؟؟
فين كل الوعود ؟؟؟
فين وعدك إن مفيش شئ هيفرقنا غير الموت ؟؟؟
هو ممكن الحب يموت بالسهولة دي ؟؟
ممكن علاقة سنيــــــــن تضيع في لحظة عادي كده⁉
الشاب رد وقال لها :
*محدش بيموت من الحب .!!*
وياريت تنسي الموضوع ده بقى ومتتصليش بيا تاني .. وكلمها بشدة علشان متتصلش تاني ...
ومع ذلك كل يوم تتصل ،
ومجرد ما يفتح تقعد تعيط ومتتكلمش 😭
الشاهد من الكلام ده هو رسالة بسيطة
ولكنها في غاية الأهمية عايز أوجهها لكل بنت :
😒متبقيـــــــــــش ســــــــــــاذجة ..!!
أيوه متبقيش ساذجة ،
إنتي ممكن تكوني صغيرة في السن في إعدادي أو في ثانوي ؛ بس لازم عقلك يكون أكبر و أنضج من كده .. وخصوصاً لما تبقي شايفة الواقع من حواليكي وعارفة كويس نهاية القصة إيــــــــــــــه ⁉
ليه عايشة الوهم وفاكرة إن قصة الحب بتاعتك شئ تاني وغير أي قصة حب⁉
ليه فاكرة إن الولد اللي بتحبيه ده غير أي حد وإنه فعلاً بيحبك وهيتجوزك ⁉
فيه حد في الدنيا يبني حياته ومستقبله على شوية كلام ووعود⁉
إيه اللي يضمنلك إنه صادق⁉
هتفوقي امتى لنفسك ⁉
🌻نكمل في يوم آخر ان شاء الله🌻
🎯🍥🍥🍥🍥🍥🍥🎯
#لأنك_غالية
#حياتي_دعوة
