*👑لأنّـك غــاليــة👑*
*🌻الجزء الثالث من⬅4⃣الحلقه الرابعه4⃣🌻*
⁉لسة مش عايزة تخافي على نفسك؟
هتقولي :
بس ربنا رب قلوب وأنا قلبي أبيض وإحساسي بيقولي إن علاقتنا دي مش غلط !
هقولك :
هو الحلال والحرام بقى بالأحاسيس اليومين دول😳
وبعدين ربنا رب قلوب آه ..
بس تعالي نكمل الحديث مع بعض .. قال رسول الله صلى الله عليه و سلم :
*( إن الله تعالى لا ينظر إلى صوركم وأموالكم ولكن إنما ينظر إلى قلوبكم وأعمالكم )*
رواه مسلم
👑يعني ربنا رب قلوب و أعمال في نفس الوقت..
واللي قلبه أبيض وزي الفل ،
أكيد ده هينعكس على أعماله ومش هيعصي ربنا ..
صح ولا لأ ؟؟
😑أصل .. ممكن يبقى واحد مظهره ملتزم ..
لكن باطنه غير كده ، المنافقين كانوا كده ..إنما ما ينفعش يبقى واحد باطنه كويس وظاهره وحش !
⬅لأن الباطن لما بيبقى كويس بـيبان على الظاهر ،
وزي ما العرب بيقولوا في المثل :
*" كلُ إناءٍ ينضح بما فيه "*
وتعالي شوفي الحديث ده كمان علشان تعرفي قلبك أبيض ولا لونه إيه بالظبط ؟؟
🌴قال رسول الله صلى الله عليه و سلم :
*( تعرض الفتن على القلوب كعرض الحصير عوداً عوداً ، فأي قلبٍ أشربها نكتت فيه نكتة سوداء، وأي قلب أنكرها نكتت فيه نكتة بيضاء؛حتى يصير القلب أبيض مثل الصفا لا تضره فتنة ما دامت السموات والأرض ، والآخر أسوداً مربداً كالكوز مجخيا لا يعرف معروفاً ولا يُنكر مُنكراً إلا ما أشرب من هواه )* صححه الألباني
🌠مربداً : يعني بياض قد خالطه سواد ..
🌠مجخياً : يعني مقلوباً منكوساً..
✍️يعني إيه الكلام اللي في الحديث ده ؟؟؟
👈يعني كل كلمة بينك وبينك الشاب اللي بتحبيه نقطة سودا على قلبك .. كل نظرة بينكم نقطة سودا على قلبك .. كل (ميسد) .. كل (مسدج) ..
كل مسكة إيد .. كل ده نقط سودا على قلبك ..☹
يا ترى قلبك بقى شكله عامل إزاي دلوقتي بعد كل السواد ده ؟؟؟
هتقولي :
بس إحنا والله كلامنا كله محترم وعمرنا ما اتكلمنا في حاجة خارجة أبدآآا !!
هقولك :
حتى لو بتتكلموا في السياسة .. حتى لو بتتكلموا في الكورة ؛ أي كلام بينكم حرآام شرعاً!
✍️وعلى فكرة ..❕
النقطة دي من أكبر المداخل اللي الشيطان بيدخل للبنات منها .. والكلام في الأول بيبدأ محترم .. وممكن يفضل محترم سنين..بس لازم هيجي اليوم وهيتطور !!!
> هتقولي :
⁉بس أنا أعرف بنات لابسين خمار وإسدال ومنتقبات وبيكلموا ولاد ويخرجوا معاهم !
هقولك :
وإيه يعني ؟؟؟ الأشخاص مش حُجة على الدين !
الدين هو اللي حجة على الأشخاص !
هو أنا لو لقيت واحد شيخ بيشرب خمر ، معنى ده إني أروح أشرب أنا كمان ؟؟!!!!
> هتقولي :
بس أنا عايزة أتجوز واحد أكون بحبه وبيحبني ..مش عايزة أتجوز جواز تقليدي !!!
هقولك :
الحب والزواج المفروض إنهم وجهين لعملة واحدة لكن حالياً بقوا في ذهن الناس حاجتين متناقضتين !
وتقسيمة الجواز المشهورة جواز تقليدي وجواز عن حب ؛
التقسيمة دي نفسها غلط !
😏الزواج التقليدي اسمه الحقيقي (الزواج الشرعي) ـ
والتسمية بالصالونات والتقليدي من باب التنفير !!
🌻وبما إنه بيتحط ضد الجواز اللي عن حب ؛ فاللي بيجي في دماغ الناس إن ده أكيد جواز عن كره !!
مين قال كده 😳⁉
ده على إعتبار إن اللي متعرفش اللي هتتجوزه قبل الجواز ويكون في بينهم علاقة هيبقى جوازها تعيس ومفيهوش حب !!!
👈وبعدين مين قالك إنه عند الجواز هيفكر فيكي ؟؟؟
إنتي متعرفيش إن فيه تفكير منتشر عند كتييييير جدآآا من الشباب إن البنت اللي بيحبها لها مواصفات ...والبنت اللي هيتجوزها لها مواصفات تانية خآآآآآآآلص !!
وردود الشباب في نهاية العلاقات دي
غالباً بتبقى حاجة من الآتي :
_
👈مشيتي معايا تمشي مع غيري !
👈صحابي قالولي متتجوزش اللي مشيت معاها علشان هتزهق !
👈بابا قاللي أم العيال يابني حاجة تانية !
👈أنا كنت بقضي وقت ، واحمدي ربنا إني معملتش معاكي حاجة غلط !
👈خلينا زمايل أو أصحاب أحسن !
👈للأسف كلمت أهلى واتحايلت عليهم واترجيتهم بس مش موافقين !
👈مستوانا الإجتماعي مش متقارب ومش هينفع نرتبط !
👈إنتي مابتحبينيش ودايماً بتصديني لما بحاول ألمسك أو أقرب منك ومش هينفع نكمل كده !
👈أنا اكتشفت بعد الفترة دي إننا مش لبعض !
👈إيه رأيك نتجوز عرفي
على ما ربنا يكرمنا وأكوّن نفسي وهعملك فرح محصلش !
_
وبرده لسه فيه بنات مش عاوزة تصدق😞
*🌻إنتظرونا لنكمل غدا بأذن الله🌻*
🍥🍥🍥🍥🍥
#لأنك_غالية
#حياتي_دعوة
