👑لأنّـك غــاليــة👑
الحلقة الرابعة 4⃣الحب وسنينه❗4⃣
😕الشباب والبنات اليومين دول بقوا ماشيين في الشوارع وقاعدين على النت يحبوا على نفسيهم 😳
🍥والدنيا بقت وردى × وردى ، وبقت القلوب فى كل مكان ،
على الكشاكيل والميداليات والكروت والشنط والسلاسل ..!!
وكلمة "بحبك😏" بقت على لسان كل شاب وكل بنت😑ومش محتاج أوصفلكم المناظر اللي بنشوفها قدامنا في كل مكان 🍥
ادخل أي كلية أو اقف قدام أي مدرسة أو روح اقعد في أي جنينة أو اتمشى شوية على الكورنيش ، وإنت تلاقي ( الحبّيبة ) اللي بيسموهم (COUPLES) في كل مكان دلوقتي 😒❌الموضوع إنتشر بين الأولاد والبنات بشكل رهييييييب ، ونادراً ما تلاقي بنت أو ولد دلوقتي مش عايشين الدور في قصة حب !
🍃 وتلاقي البنات في المدارس بيتفاخروا إن البنت فلانة بتحب فلان وفلانة دي حبيبها فلان ، وكل واحدة عايزة توري حبيبها لصاحباتها وتغيظهم 😏
😳وفي الجامعة تلاقي البنات يقولوا فلانة معلقة فلان ، والولد ده بتاع فلانة !
وفلانة لازقة لفلان على طول ! وفلان وفلانة لايقين على بعض..إلخ!❗والبنات دلوقتي بقوا على إعتقاد إن البنت اللي ملهاش حبيب تبقى :
*معقدة و متخلفة و مكبوتة ..أو فيها عيب ومحدش راضي يبصلها !!*⬅لدرجة إن أي بنت محترمة وصاينة نفسها ومش عايزة تغضب ربها ،
بقت تايهة من اللي بتشوفه وبتسمعه ، ومش عارفة هي صح ولا غلط⁉👈::لو جينا نبص للموضوع من كذا جانب ..
👈وهنتكلم الأول عن الأسباب ..⬇
🌸و زي ما قولنا قبل كده إن ربنا خلقنا على وجود ميل فطري طبيعي بين الولد والبنت .
💻مع وجود الإعلام الفاسد اللي مش وراه غير قصص الحب في الأفلام والمسلسلات والأغاني اللي الشباب والبنات حفظوها زي اسمهم خلاص !!
✍️مع وجود الفراغ العاطفي والفكري الرهيب عند الشباب والبنات ،مع الإهمال الشديد من الأهل في رعاية الأبناء وعدم إحتوائهم والسماع لمشاكلهم والإحساس بيهم ..
😞بل الإهمال والتساهل ده بيوصل لمرحلة إن بعض الآباء والأمهات هما اللي بيشجعوا الولاد والبنات على العلاقات دي !!
سبحان الله ..!😳
إحنا بقينا في زمن إنتكاس الفطرة خلاص..!!🔖> إنتكاس الفطرة ..
لما تلاقي الأب شايف بنته ماشية مع فلان وبتخرج مع فلان وبتكلم فلان وهو اللي بيديها المصروف وهي خارجة !!!!🔖> إنتكاس الفطرة ..
لما تلاقي الأخ هو اللي بيعرف أخته على أصحابه الولاد ويسمحلها إنها تكلم ده وتهزر مع ده وتشيت مع ده !!!🔖> إنتكاس الفطرة ..
لما تلاقي الأم هي اللي بتقول للبنت لازم تصاحبي وتحبي
علشان تعلقي عريس في زمن العنوسة وإلا مش هتتجوزي !!🔖> حاجة صعبة جدآآآ ...
ولكنها أصبحت في نظر الناس هيّنة والأمر أصبح عادي جدآآآا .
وخليك "كوووول" ومتعقدهاش بقى يا عم الحاج !⁉وجود الأسباب دي وغيرها في حياة أي بنت مع نقص الإيمان والدين لازم يدفعها إنها تدخل في علاقة أوعلاقات مع الشباب وتحب وتخرج وتقابل..!!
و لما تيجي تسألها :
يا بنتي ليه بتعملي كده في نفسك ؟؟😱
لما تيجي تسأل البنت :
يا بنتي ليه بتعملي كده في نفسك ؟؟
ليه ترخصي نفسك للدرجة دي ؟؟؟تقولك :
ما هو كل البنات بتحب .. إشمعنى أنا ؟؟😁وبنات تقول :
أنا بحبه حب غير عادي وهو كمان بيموت فيا إحنا حبنا غير أي حب تاني !!وهي دي الكلمة اللي بيتغيظ الواحد أوووي ..
( حبنا غير أي حب تاني )يعني إيه حبكم غير أي حب تاني ؟؟
حب جاي من المريخ يعني ؟؟
يعني إيه الكلمة دي ؟؟ عايزك تردي عليا ؟؟😒👈هتقولي :
مش عارفة .. بس ده إحساس .. !!
وأنا إحساسي مبيخيبش أبداً !!!
وإحنا بنحب بعض بجد ؛ الحب الحقيقي اللي هو بيعيش يا حبيبي ! وهو واعدني بالجواز وإننا مش هنفترق أبداً مهما حصل !
وأنا بحس وأنا قاعدة مع حبيبي إني في دنيا تانية !!
أنا مش بقدر على فراقه ولو لثانية واحدة !!
أنا حياتي من غيره ملهاش طعم !!👈هقولك :
وهو إنتي عارفة يعني إيه حب الأول ؟؟علشان تحكمي إن ده حب حقيقي والكلام ده كله ؟؟هو الحب إنه يقعد بالـ 5 والـ 6 ساعات يقولك كلام حلو يخليكي طايرة في السما ⁉
هو الحب إنكم تخرجوا مع بعض ويمسك إيدك وتدخلوا سينيما وتتمشوا على الكورنيش⁉
هو الحب إنه يجيبلك قلب أحمر ودبدوب أحمر وبوكيه ورد أحمر يوم الفالنتين ⁉
هو الحب إنه يرنلك 60 مرة في الدقيقة ومينامش قبل ما يسمع صوتك وأول ما يصحى يبعتلك مسدج يقولك صباح الفل يا روحي ⁉
هو ده الحب 😳⁉
هو ده الحب في نظرك ؟؟؟مين اللي وصلك المعنى ده ؟؟
💻الأفلام والمسلسلات والأغاني وقصص الحب وروايات الغرام ؟
هو كلام الأفلام والملسلات والأغاني كلام مُقدّس
بناخد منه أحكامنا وبنبني عليه حياتنا !!!!فووووووووقي بقى ..!!
ده لو بيحبك بجد كان خاف عليكي !هتقولي :
ده بيخاف عليا من النسمة الطايرة !!!هقولك :
*كدب × كدب و تمثيل × تمثيل !*👈لو بيخاف عليكي بجد كان خاف عليكي من نار جهنم،،
اللي بيحطك فيها بإيديه بكل مكالمة بيكلمهالك ،
وكل وقفة بيقف فيها معاكي ، وكل مرة بيمسك فيها إيدك!👈لو بيخاف عليكي بجد ..:/ كان على الأقل خاف عليكي زي ما بيخاف على أخته !!!
فووووووووووقي بقى..
*🌻إنتظرونا لنكمل غدا بأذن الله🌻*
🍥🍥🍥🍥🍥
#لأنك_غالية
#حياتي_دعوة