القصة بعنوان : مابين الهوس و المنطق👁🔥
من كتابة:الكاتبة مليسا
ممنوعة من النشر❌❌❌❌❌
⚡بنت ساكنة بوحدها كتخدم، غادي تبدل حياتها نهار ليغادي تلاقا بالبطل ساكن فبلد اجنبي رئيس بزاف ديال الشاركات 😉
هادشي ليمعروف على الأبطال ديالنا ولكن واش هادي هي حيا...
🔥ما بين الهوس و المنطق🔥 البارت 9🥂 رجعو عند أسد وجلسو فالطبلة ليكانت مزينة بشمووع برائحة الفانيلا اضافة الى المينيو ليكان فالتابليت كل واحد فيهم طلب ريتال طلبت لزانيا مع عصير البرتقال و أسد طلب ستيك د اللحم مع كولا و نيروز طلبت طبق خضر مبخر مع عصير الليمون نيروز:كيفما شفتو المهمة غادي تكون فإيطاليا أنا متحمسة بزااف داائما كنت كنقرا عليها بلاد زوينة بزااف ريتال:ولكن حنا غادي نساليو شغلنا و غادي نرجعو أسد:بإمكاننا نطلبو إجازة من دلشير نيروز:ولكن متنساش غادي نكونو بباسبورات مزورين أسد:وخا هكاك حنا اصلا مغاديش نطولو بزاف ريتال:مهم ليعملتوه انا معكم جاب النادل الأطبق فواحد العربة بالروايض ونزل نكل واحد فيهم الطبق ديالو بداو كياكلو و كيهدرو هدرو على بزاف دالامور منها امور عملية ومنها امور شخصية على اي داز الوقت سالاو العشا و خرجو كانت لك 22:00 توادعو و كل واحد فيهم مشا فحالو ندارو فموطورو نيروز فطريقها دازت نمرجان تسخر سخرة الدار وصلت نمرجان ليكان خاوي حيت وقت الشتا الناس كيدخلو نديورهوم بكري اول حاجة مشات نمكان السناكات و بدات كتهز بزااف د الشيبسات ولكن فواحد اللحظة حست بشي واحد موراها دارت بالزربة مالقات حتى واحد من غير فام دو ميناج بعيدة شوية قالت فبالها غير كتخايل مشات تكمل التقدية ديالها ولكن تسلل نقلبها واحد الاحساس غرييب قنعت راسها انها كتخايل و كملت ولكن فواحد اللحظة تقطع الضو فمرجان كامل هنا عرفت بلي شي حاجة ماشي هي هاديك و فالوقت ليغادي تخشي يدها تجبد السلاح ديالها حتى كان شيواحد من اللوري عملها كلينيكس فنيفها و غيبت من بعد 15 دقيقة تقريبا بدات كتحل عينها شوية بشوية لقات راسها مربوطة فواحد البيت صغيير من رجليها و يديها و فمها فيه لساق و قبالتها لابتوب شالاه بدات كتستوعب راسها فيناهيا حتى بدا اللابتوب كيدوز شي دالتصاور و شي دالفيديوس تصدمت بقات غير كتشوف و بداو الدموع كينزلو من عينها بلا متحس من بعد 30 دقيقة رجعت نيروز نمرجان فالمكان ليكانت فيه بالضبط فحال ليموقع والو ولكن تبدلو بزااف دالحاجات غنكتاشفوهوم من بعد كملت التقدية ديالها بطريقة شبه عادية و عينها باقي كيتسللو منهم قطرات دالدموع سالات و خلصت فلاكيس و رجعت نموطورها ركبت و الاتجاه نالدار ديالها مشات بسرعة خيالية و كتفكر فهاد المشكل لينزل عليها فحال الصاعقة وصلت باركات و دخلت نالدار كتطير شدات الباب اول حاجة سيبت لك التقدية و دوزت مكالمة نماماها نيروز:الو الو ماما فينكم فينهو بابا واش نتوما بخير خوتي بخير الام:الو بنتي مالكي مخلوعة فحال هاكا حنا بخير و باباك و خوتك ناعسين اشوقع نيروز(تنهدت برتياح):لا لا والو غير توحشتكم و صافي و بغيت نسول فيكم وصافي مهم ماما انا خسني ننعس دابا تصبحي على خير و سلمي على بابا و خوتي و حديو راسكم و سدو الباب قبل متنعسو الام:هه تقلبو الادوار انا ليخصني نقلك هادشي مهم مبلغ ابنتي نتي ليحدي راسك و سدي الباب الوقت خايبة تصبحي على خير تسالمو و قطعو عاد رتاحت شوية دخلت نالصالون زولت الصباط و المونطو و كلست تفكر اش غادي دير تنهدت تنهيدة طويلة و طلعت نبيتها منبعد زولت حوايجها شعلت الكليما و لبست بيجامة عبارة عن هودي و شورط فوق الركبة شوية واسعين فالكري و جلست فكرسي امام المراية ديماكيات وجهها عملت نشعرها ضفرة و هبطت نتحت رتبت التقدية فالكوزينة قفلت الباب بالساروت و طفات الاضواء و طلعت نبيتها تخشات فبلاصتها نزلت التليفون فالكوافوز ليقدام الفراش شالاه بدا كيديها النعاس و هو يصوني التليفون حتى قفزت شافت لقات اتصال بلا نمرة قلبها تزير عليها ولكن جوبت نيروز:الو الشخص:سمعي تحاولي تلعبي معنا يمشيلك اي واحد عزيز عليك و نكملو بيك فاللخر نيروز:مفهمتش علاش انا بالضبط الشخص:حنا حذرناك و نتي تفهمي نيروز:ولكن .. شافت لقات الاتصال تقطع نيروز:اووف اشهادشي كيوقعلي رجعت التليفون نبلاصتو و رجعت تغطات مزيان وبدات كتبكي حتى داز شوية د الوقت و داها النعاس
فنظركم شني وقع فلك 30 دقيقة ليغابت فيها نيروز؟وشكونهوما هاد الناس؟اوشنو بغاو منها؟و كيف جاكم هاد البارت)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
