القصة بعنوان : مابين الهوس و المنطق👁🔥
من كتابة:الكاتبة مليسا
ممنوعة من النشر❌❌❌❌❌
⚡بنت ساكنة بوحدها كتخدم، غادي تبدل حياتها نهار ليغادي تلاقا بالبطل ساكن فبلد اجنبي رئيس بزاف ديال الشاركات 😉
هادشي ليمعروف على الأبطال ديالنا ولكن واش هادي هي حيا...
البارت 10🥂 جا صباح جديد وحامل فطياتو احداث جديدة فموسكو🇷🇺 ناض عْمْل روتينو الصباحي لبس شاندار بيج مشا نلاصال ليعندو فالقصر لعب شويا د الرياضة رجع خدا دوش خفيف لبس كوستيم فالبلومارين و هبط يفطر لقا روهان كالسة فالمائدة ليكانت عامرة بفطور مغربي من مسمن و بغرير.. جلس مترأس الطبلة روهان:خويا صباح الخير كيف صباحتي ليث:صباح النور روهان:خويا توحشتك بزاااف انقلك شحال مخرجنا انا وياك شظهرلك نخرجو اليوما ليث:انا مشغول هاد الايام حتا نالمرة اخرى روهان:اه اوكي ،خويا خصني نقلك واحدالحاجة عفاك اخويا قبل ليث:شكاين روهان:خويا الأسبوع ليماجي الجامعة منظمة رحلة سياحية نالمغرب و صحابي كلهم غادين واش واخا حتا انا ننظم نالرحلة ليث: شحال المدة روهان: شهر و صافي ادا بغيتي تمشي نالمغرب انا نديك اما دكشي دالرحلات معندي مندير بييه روهان:عفاك عفاك اخويا صحابي كلهم غادين عفاااك ليث:هضرت بحدك لا روهان:واللا انا و صحابي اولا اخويا نقول نخالتي فاطمة تمشي معانا عفااك اخويا راه مغنبقاش بحدي اصلا خصني نشوف بلاد ماما و نتعرف على مغاربة عفااك ليث:عيطي نمدام فاطمة روهان (مشات كتجري نالكوزينة)خالتي فاطمة خالتي فاطمة اجي تكلمي نخويا عفاااك قبلي عفااك الخالة فاطمة:ابنتي علمن غنقبل ك وصلو نالطبلة ليث:واش تسافري نالمغرب الخالة فاطمة:ايييه اوليدي نهاار كبير هدا توحشت بلادي بزاااف روهان:يس يسسس (باستها من حنكها)كنبغيك بزاااف اخالتي الخالة فاطمة:مفهمتش ابنتي ليث:غادي تمشي مع نورهان نالمغرب و شاف فنورهان فطيارة خاصة نورهان(بصدمة):اللا اخويا انا..(وهي تفكر)خويا سمحلي حيت قطاعتك ليث(بأمر):وغادي توصلو غادي تستقرو فالفيلا ليكاينا فالرباط و من بعد غترجعو و الكارد غادي يبقا معكم طول الرحلة خالتي فاطمة:اه صافي اوليدي ليبغيتي الله يرضى عليك حتا انا توحشت بلادي بزااف مكاينش فحال البلاد و المغرب رجعت روهان جلست كانت متحمسة تسافر مع صديقاتها ولكن قنعت راسها معليش حتى توصل نتما و تعمل ليبغات ليث(بصرامة):غادي تشاركي فالانشطة دالرحلة غير هي السهر و داكشي اللا وغادي يكون معاك الكارد و تديري هكا و اللا هاكا تكون هضرة اخرا و دكشي ليكتفكري فيه مسحيه راني مربيك و كنعرفك فين كتفكري روهان(باستسلام):اه صافي اخويا ليبغيتي انا اصلا مكنت غندير والو انا بريئة و بقات كتبلق عينيها شاف فيها بدك الشوفة ديال منيتك فطرو و روهان ودعت خاها و مشات نالجامعة وليث فطر و ركب فسيارتو و مشا نشركة البارت 11🥂 فالمغرب🇲🇦 ناضت نيروز دخلت نالمرحاض قضات حاجتها و عملت روتينها الصباحي متناسية او كتحاول تناسا اش وقع البارح عملت القهوة القاطعة ديالها وصلها ايميل باللي اليوما عطينهم عطلة باش يوجدو راسهم ارتاحت كتفضل متخرجشي اليوم باش ميوقع والو دوزت النهار كامل وهي كتفكر فدكشي اللي تقالا من طرف داك الشخص المجهول و قالت مع راسها حتى حاجا ما بيدي معندي مندير منقدرش نفرط فعائلتي و بدات كتدمع فموسكو🇷🇺 وصل نالشركة باركا الطوموبيل ديالو فالباركينغ و دخال من الباب الرئيسية كلششي منضبط فخدمتو وحتى واحد مقدار يطلع العين دخال نالبيرو ديالو نحت انظار السكريتيرة ليغادي تكلو بعينها وصل نالبيرو ديالو و عيط نالسكريتيرة ليث:جيبيليا قهوتي السكريتيرة:اه واخا اسيدي وقع على شي اوراق وهو يسمع التيليفون كيصوني (اليد اليمنى):الو ليث صافا ليث:مزيان كلشي واجد بعدا (اليد اليمنى):اه كلشي واجد كنستنا بفارغ الصبر باش نرجعو كل واحد نبلاصتو حيت تمداو بزااف ليث:اصلا كل واحد بلاصتو معروفة و اللي طول يدو نقطعوهالو (اليد اليمنى): ويه كينساو الدرس و صافي و حنا غادي غير نفكروهوم المهم غدا نتلقاو قطعو الاتصال و دخلت عندو السكريتيرة و كتقولو بروغرام داك النهار السكريتيرة:موسيو ليث من بعد 20 دقيقة عندك اجتماع مع ممثلة شركة RADI فريسطو (موناكو) ليث:وجدي راسك من بعد 5 الدقائق السكريتيرة(بفرحة): اه واخا اموسيو تلقاتي واجدة خرجت وهي غادي تطير بالفرحة من دائما و هي حاطا عليه العين سحابليها عجباتو ضربتها بواحد لالة مولاتي التعكيرة فالحمممر و زادت الفراجو و جمعت فمها على شكل قبلة و باست راسها فالمراة السكريتيرة: موااح عليا و خلاص من بعد 5دقائق خرج ليث و هي كتجري موراه و كلسا كتطرطق عينيها فالبنات ليخدامين فالشركة زعمان راه دارت مزية ركبو فالطموبيل و انطلقو نمطعم(موناكو)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليث
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
روهان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الفطور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
السكريتيرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
