ما بين الهوس و المنطق

9

                🔥ما بين الهوس و المنطق🔥
لبارت 13🥂
فجهة اخرى عند ليث فالسيارة و معاه جوج د السيارات موراه الحراس ديالو و كانت الوجهة نالمطعم ليكانت مرفقاه السكريتيرة فيها اول حاجة فوسط السيارة كان الجو صاامت حتا جاه اتصال من عند أحد من رجالو كيطمنو باللي الاخت ديالو مشات بسلامة فالرحلة ديالها و طبعا تحت مراقبة الحراس الخاصين وصلو نالمطعم اللي كيتعتبر من أفخم المطاعم لكيتواجدو فالعاصمة الروسية موسكو كيجيولو غير الشخصيات الكبار و ليكمتلكو نفود طبعا اول حاجة جا بعيد شوية على المدينة وطبعا خصك تعمل رزيرف باش تجي المهم مع الدخلة كاينا باركينع كبير بزاف وصل ليث نزل هو و نادين(السكريتيرة) جا حارس السيارات كيتجارا خدا منعندو السوارت باش يباركي السيارة و الحراس اخرين مشاو عند رجالو ولكن قالولهوم بالي غادي يبقاو هنا حتا يجي سيدهم و كانت نادين هازا طابليط فيديها كتشوف المواضيع ليخصها تتناقش فهاد الاجتماع دخلو من باب المطعم جا مدير المطعم كيستقبل ليث
مدير المطعم:مرحبا مرحبا بالسي ليث شرفتيني و شرفتي المطعم ديالنا بقدومك نتا و الانسة
ليث: مرحبا
مدير المطعم: احم احم تفضل تفضل معايا اسي ليث نالطابلة و كنتمنا نكونو عند حسن ظن سيادتكم
ليث: كنتمنا
وصلو و جلسو
ليث:شحال دالوقت باقي نالاجتماع؟
نادين:باقي اموسيو 5 د الدقايق
دازت 4 د الدقائق أي باقي دقيقة على الاجتماع حتى كيلمح ليث واحد الحسناء ماجا من البعيد كتقرب نجيهة الطابلة كتمشا بتمختر و باستعلاء وصلت نطابلة ليث هي و السكريتير ديالها و نطقت
أرينا:مرحبا كنقدملك نفسي أرينا الراضي بنت أنطونيو الراضي المسؤول عن مجموعة الفنادق RADI رسلني بابا باش نشرف على هاد الاتفاقية ليغادي تقام بين شركاتنا و مدت يديها
خلاها ليث 3 دالثواني طلقا يديها و مد يدو سلم عليها و جبدليها السكريتير ديالها الكرسي باش تجلس
أرينا:احم الصراحة سمعت عليك بزااف و بقدر هذا كنت متحمسة نتلقاك و الظنون دياللي ممشاوش فالخاوي صدقتي بدك الوسامة ليكيوصفو
شاف ليث فالساعة عاود شاف فنادين
نادين:احم احم كنظن الاجتماع خصو يبدا
أرينا:اووه بلاتي شوية حتا نتعرفو على بع...
ليث:تعطلنا على الاجتماع 3 د الدقايق مغاديش نزيدو كثر من هكا لهذا ندخلو فالموضوع
البارت14🥂
أرينا(تقرصت):(بضحكة صفرة) اه اه ندخلو فالموضوع مدليها السكريتير ديالها طابليت وبدات كتشوف شلاه جات تهضر و هو يقطاعها
ليث:(حك جبهتو) الامور واضحة خصني مجموعة الفنادق لكتواجد فمدينة سوتشي ترجع كلها محسوبة على مجموعة ليث المتوكل
أرينا:اه ليبغيتي هو ليغادي يكون ولكن كاين شرط
ليث:ليهو ؟؟
أرينا:واحد الفندق من فنادق مدينة سوتشي مغاديش يتكتب فاسم سيادتكم بالكامل بل غادي نتشاركو فيه
ليث:السبب؟؟
أرينا:موضوع شخصي شوية
ليث:مكنفضلش الشراكة ولكن على وجه السي الراضي ندوزوها الاهم هو جميع المعلومات بالكبيرة و الصغيرة تتوصل بيها سكريتيرتي
أرينا:اه صافي كنظن هاد الصفقة تمت بنجاح
شافت فالسكريتير ديالها باش ينوض و نادين استادنت و مشات نالطواليط
ليث:كنتمنا ..ملي يتم التسليم يكون باقي كلشي بنجاح
أرينا:كنتمنا احم ليث
شاف فيها بواحد الشوفة لكانت رصاصة لكانت تقبتها
أرينا:كنعتدر كنعتدر موسيو ليث
ليث:ماشي مشكل ولكن متعاودش حيت الحدود مزيانة مع غيمزة
هو راه قرا البلان وبلي خصها تطيحو زعمان و اصلا ملي جات وهي تعوج عليه وهو مسايرها فالبلان