[ᴄᴏᴍᴘʟᴇᴛᴇᴅ] My🆔: Deja vu |LDM|

💜Favorite crime💜

Өглөө эртлэн босоод, ууланд гарахдаа авч явах зүйлсээ бэлдлээ. Маргааш бидний аялал дуусах учир бид сүүлийн өдрөө илүү дурсамжтай бас үр бүтээлтэй эрүүл байлгахын тулд эндэхийн нэг ууланд гарахаар шийдсэн. Мэдээж долоо хоногийн турш ууж идэж, нарги цэнгэсэн бидний хувьд иймэрхүү эрүүл энгийн зүйл байх нь зүй ёсны хэрэг юм.

Өчигдөр орой охидоороо буудалласан байшингийнхаа саунад суусан учир өглөө шүршүүрт ороод байх шаардлага гарсангүй. Тиймдээ найзуудыгаа эртхэн босгочхоод уул руу хөдлөхөөр болов.

Зорьсон газартаа хүрч ирээд хоёр салж явахаар боллоо. Учир нь энэ ууланд гарах хэд хэдэн зам байдаг бөгөөд нэг нь маш товч ч нэлээн аюултай бас бартаа ихтэй бол нөгөөх нь нэлээн тойруу хэрнээ энгийн нэг алхдаг зам шиг л амар юм байна. Тиймээс адал явдал эрэлхийлэгчид нь дөт замаар нь явж, амар жимэр байхыг хүссэн хүмүүс нь хамгийн тойруугаар нь явахаар болов.

Миний хувьд би угаасаа намайг сорьж чадах, сэтгэлийг минь хөдөлгөж чадах зүйлсэд дуртай хүн учир дөт замыг сонгосон. Надтай хамт Инү, Жэмин, Жонгүг, Югём, Чэён явсан бол нөгөө замаар нь БэмБэм, Жихю, Жэхён, Мингю, Жэин бас Мина нар явсан юм.

"За залуусаа түрүүлж очсон нь мэдээж шагналтай гэдгийг мэдэж байгаа биз дээ? Гэхдээ түрүүлж очсон ч гэсэн хүлээгээд сууж байх хэрэгтэй шүү"

БэмБэм алгаа хавсарсаар нүдээ гялалзуулан хэлэхэд, бид бүгд түүнийг ямар шагнал бэлдсэн болохыг гайхах нь тэр. Уг нь өчигдөр оройн зоогийн үеэр зүгээр л ууланд гарч цэвэр агаар амьсгалъя гэсэн боловч, дөнгөж сая энэ хүн өөрийнхөө нэрэмжит тэмцээн болгоод хаячих шиг боллоо.

Жэхён санаа алдсаар "Бидэнд дунд нэг мэргэжлийн хэмжээний авирагч байгаа шүү дээ. Ийм байхад чи шагнал амлаж зүрхэллээ гэж үү?" хэлэхдээ инээдээ барьж ядна.

БэмБэм үүнийг үнэхээр мэдээгүй бололтой бидэн рүү ээлж дараалан харахдаа "Юу вэ? Хэн юм бэ?" хэмээн гайхан асуув.