تنهدت بارتياح عندما وجدته ينزل من السيارة..
خرجت من الغرفة ونزلت لتقول: ليه اتأخرت كدا؟
نظر لها نظرة طويلة بغموض وتركها ليدخل الى غرفته
تأففت وقالت: عادته ولا هيشتريها يعني!!!
صعدت الى غرفتها ودخلت لتنام بعمق
ولاكنها تململت فى فراشها حينما شعرت بشئ فى غرفتها
مثلت النوم عندما سمعت صوت اقدام... لترتعب.. هل هو الدمنهوري....هل سيقتلها!!!!!
ولاكنها دهشت حينما أشتمت رائحته
أوس: عارف انك صاحية
حور بغضب وهي ترمي الغطاء : وطالما عارف انى صاحية ازاى تدخل اوضتي من غير ماتستأذن دانتا خضيتني ياشيخ
سحب كرسي وجلس وأشعل سيجارة ونظر للشرفة
أوس: نامي
نظرت له بدهشة وقالت: هو انت واعي؟؟.. طب شارب حاجة
أوس: نامي ياحور.. انا مليش نفس إنى أتكلم
حور: طب قبل مانام فيه سؤال.... ليه انت اخترتني مع انى شايفه ان حواليك نساء ياخدوا لقب ملكات الجمال
أوس: الالوان والقشور الحلوة... دى مجرد كدبة... او حاجة شبه الاعلان... بتبهرك بس مش حقيقية او مش دايمه طول الوقت
حور: طب مانا مش دايمه طول الوقت
أوس: بس حقيقية
بهتت قليلا... لما يحدثها بتلك النبرة؟؟
أوس: جهزي نفسك عشان الفرح النهاردة
خرج من الغرفة وتنهدت هى بيأس
________________________
جاسم وهو يفطر: يعني هو عاوز يتقدملك!!
رحمة: هو مفرقش معاك كل اللى حكتهولك!!
جاسم: لا لانك كنتى بتكلميني وبتحكيلى اول باول... لو كنتى خبيتي عليا حاجة كنت كسرت دماغك دلوقتي.. بس ليه قولتيله انك مكتوب كتابك!
رحمة: مش عارفة حسيت انى لازم اقله كدا!!
جاسم: على فكرة مش مبرر ابدا.. كان ممكن تقوليله انك مش عاوزاه.. وعلى فكرة انا كان ممكن اقبل بيه... بس كونه انه ميحترمنيش فى غيابي لا ويقول انه هيتجوزك غصب عنك يبقي ياخدك بقي فى احلامه
رحمة: يعني!!
جاسم: يعني على جثتي يارحمة انك تتجوزيه اصلا... دا واحد مش متربي... وانا هربيه بطريقتي
وقف وقال: انا رايح الشغل.. الشيطان بيشتغل هو ومراته يعني ربنا يستر ههههه
رحمة: ليه يعني!!
جاسم: لو حد بصلها عينيه هتتاخد يستي....
رحمة: ليه وانت هتبصلها!!
جاسم بغمزة: لا بس باصص لصحبتها
رحمة بابتسامة: مش ناوي تعترفلها!!
جاسم: يستي مش انا كلمت الشيطان وخليته يتوسط ليها عند الhr ويشغلها
رحمة باستغراب: مش دي شركته!!
جاسم: ايوا بس الموظفين لازم الhr يختارهم.. بس دا طبعا ميمنعش انه لو الشيطان عاوز حد يشغله.. فحياة بقي بقت قريبة مني وبكدا هكسر الحواجز وهعترفلها بكل شئ
رحمة: ايوا ياسيدي هنيالك
جاسم: قري بقي قري
خرج وهو يقول سلام
ابتسمت لتحمل الاطباق ثم غسلتهم
طرقات الباب
فتحت الباب لتجدها فهيمة: ازيك ياخالتوا فهيمة!
فهيمة: مكانش العشم يا رحمة
رحمة: والله ياخالتوا اضطريت اقول انى مكتوب كتابي عش..!!
فهيمة مقاطعة: انا مبقلش على انك قولتيلوا كدا... انا بقول على انه اخوكي جه واتشاكل مع ماهر ابني وضربوا بعض
شهقت رحمة لتقول: والله ماعرف ياخالتي والله العظيم جاسم مقاليش حاجة
فهيمة: يعني انتى مش عارفة!!!
رحمة: ولا اسمح بحاجة زي دي ابدا والله العظيم
فهيمة: تمام يبنتي... وعلى العموم.. هو كل شئ فعلا قسمة ونصيب... وانا هحتايل على ماهر ابني يرجع لخطيبته
رحمة بحزن: تمام ياخالتى.. وبلغى استاذ ماهر انه من افضل الناس اللى ممكن اشوفهم فى حياتي بس للاسف النصيب مش رايد اننا نكون سوي
ربتت فهيمة على كتف رحمة لتقول: ودا مش هينقص من ودنا حاجة
رحمة: ابدا .. هتفضلى فى نظري خالتوا فهيمة اللى بحبها
فهيمة: وانتى كمان هتفضلى بنتي اللى مخلفتهاش يارحمة... استئأذنك بقي
_______________
الدمنهوري: امممم.. يعني اتجوز!!!
خالد: لا وايه بقي مقعدها فى القصر معاه وبياخدها فى اي مناسبة!!
الدمنهوري: مع انه مش من طباعه!!
خالد: انا كلمته وقلتله اننا هنأجل ومش هنروح للقصر الا بعد شهر عشان اتمم كل شئ
الدمنهوري: لا اجلها شهرين
خالد بتوتر: بس!!
الدمنهوري: خااالد انا متمتلكش الصفقة واديتك الفلوس عشان تناقشني.. انا بقلك خليها شهرين يبقي تخليها شهرين
خالد: تمام شهرين شهرين!!
الدمنهوري: بس ايه رايك فيها حلوة!!
خالد: هي ايه دي؟
تأفف الدمنهوري وقال: مراته!
خالد: مش عارف.... انا بس مراقبهم لاكن مش معايا صور ليهم..دا حتى لانشر فى جرايد ولا على صفحته الشخصيه ولا اي حاجة ليهم ابدا!!
الدمنهوري: اكيد طبعا مش هيعمل كدا... عشان محدش يمسك عليه نقطة ضعف... بس احنا هنمسكهاله...عاوزك النهاردة تصورهملى باي طريقة
خالد: بس كدا.. عينيا!!.. وبعدين؟
الدمنهوري بخبث: لا بعدين دى بقي خليها عليا انا
____________
أنت تقرأ
عشق في مملكة الشيطان
Romanceتنظر لليل على أنه من يحرك أحزانك وكأنها دمى ...إنه يحركها لأنه أسود صافي وأحياناً يتلون بالأزرق ليبدوا مثل البحر فتغرق فيه ....من أنت أيها الشيطان ولماذا سميت بهذا الإسم ؟؟؟ سأقتحم عالمك أنا وستشهد انني سأهدم كل قلاعك الحزينة المسيطرة عليك ❤
