عشق في مملكة الشيطان

•الجزء السادس عشر

رحمة: يعني خلاص يا خالتوا
فهيمة: ايوا يبنتي قررنا نسافر ومعدناش هننزل
رحمة بحزن: لو دا عشاني....
قاطعتها فهيمة لتقول: لا يبنتي... عشان شغله وحياته متتعطلش.... هو قرر يرجع لچمانة والامور هتتصلح مابينهم... انا هتصل عليكي من وقت للتانى واحتمال كمال انزلك زيارات...
اكملت بمرح: المهم انتى اللى متنسانيش!
رحمة: ازاى بس يا خالتوا دانا انسي الكون كله ولا انساكى انتى
فهيمة: لو كتبلنا اننا نتلاقى هنتلاقى.... سلام يبنتي
رحمة وهى تحضتنها: سلام ياخالتوا

__________________________
دخلت المكتب لتجد أيهم يجلس ويضع وجهه فى كفيه
بينما حياة تنظر له بآسي أما نرمين فهى لاتهتم
حور بقلق: فيه ايه؟
وقفت حياة لتقول بغضب: ملكيش دعوة
دهشت حور من نبرة صوت حياة لتقول: ايه اللهجة دى ياحياة... وحصل ايه!
هى الخروجة اللى كلنا اتفقنا عليها اتغلت!!!
حياة بصوت هادر: اصل انتى مش هتعيشي قصة الحب بتاعتك على قفا الواد المسكين دا
أيهم بحدة: حياة.. خلاص اللى حصل حصل
وقف وجمع أشياءه
حور: فيييه ايه وبتلم حاجاتك ليه؟
أيهم ببرود: أطردت واتوصي عليا توصية عال انى مشتغلش فى اي حته تانيه
حور بصدمة: ليه!
أيهم: معلش بقي يا ح... قصدي مدام حور... اصل البيه بيغير
حور بدهشة: بيه مين ومدام ايه انا مش فاهمة!
أيهم: جو الملاك البرئ دا لو سمحتي تنازلى عنه لناس فعلا يستحقوه... كل شئ انكشف.. البيه.. المدير... جالى امبارح وضربني قدام اختى الوحيدة وقل من كرامتي ولما جيت النهاردة بعتلى ونبهني انى مرحش اشتغل فى اي مكان تانى عشان هو عمل توصياته
خرج أيهم وهو يمسك الصندوق
نرمين: انا عرفت ان الشيطان كان متجوزك... بس دا كله ميفرقش معايا.... بس خلى فى معلومك.... بلاش تتقربي منه.. على الاقل هو اتجوزك فى السر لاكن انا هيعلن للعالم كله عننا بعد اسبوعين
هرولت حور الى مكتب الشيطان لتفتحه ثم قالت: انا مشفتش حد بندالتك دى... مش انا قلتلك متدمرليش حياتي اكتر من كدا
كان يتحدث فى الهاتف فأغلقه وقال: هو انا قربت منها!!!
حور: امال ايه اللى عملتوا فى ايهم؟
جلست وابتسم ليقول: الواد الصايع دا!!
حور بغضب: مش صايع دا فى نظري من احسن الناس اللى عمري ماهلاقى زيهم
الشيطان بحدة: اخرجي بره
حور: مانا فعلا هخرج بس من حياتك كلها ... انا مستقيلة
الشيطان بتهكم: ومين قالك انى هقبل استقالتك!
حور: متقبلهاش.. تقبلها.. انا مش هشتغل مع واحد انانى وميعرفش معني الانسانية زيك
الشيطان: الزمي حدودك وشوفي الفرق... دانتى مهما كان عمك محمود
حور: وانت امك حور
صدمته تلك الجملة
حور: اااه اعذرني.... وجعتك الكلمة صح... بس للاسف مظنش لانك معندكش قلب... انا حتى اللى بصرف على مامتك.. دانتا مكلفتش خاطرك تبص عليها ولو من بعيد حتى واعتبرتها ميته
انت دايما بترمي كلام دبش بقصد او من غيره
بس لو فكرت شوية قبل ماتتكلم هتلاقى ان سكوتك افضل
الشيطان بغضب وهو يرمي الورق بكل شئ موضوع على الارض: انتى ازااااي تكلميييني كدا!!!!
حور: زي مانتا بتكلمنى.. لا دانتا كمان بتصاحب كلامك السم بأفعال سم زيها
الشيطان وهو يشير باصبعه فى وجهها بغضب: كلكم شبه بعض وتستاهلوا الاسوء... كلكم بتدوروا ورا مصلحتكم
حور: شفت نظريتك دى...اهى هى اللى دمرتك... هى اللى خلتك الانسان اللى انت عليه دلوقتي
انت لاشيطان ولانيلة انت مجرد واحد خد القسوة قوة والتحكم قوة.... والحنان والطيبة ضعف
الشيطان: ومين حن عليا من لما كنت صغير.. مين خاد بايدي وقالى انا معاك... بالعكس.. دا كله داس عليا وخد حقي وحسسني انى مليش قيمة.. كسروني وانا صغير وكان لازم لما اكبر ادمرهم
حور: فى دي عندك حق.. تدمرهم لانهم دمروك بس للاسف يا أوس... انت بتدمر كل اللى حواليك
ومن هنا ورايح انت بالنسبالى اوس كمال....
الشيطان: مبحبش الاسم دا
حور: سواء اوس او شيطان تبقي النتيجة واحدة... نتيجتها هى شخص واحد.... انساني يا... يا شيطان انا هطلع من حياتك نهائي وقريب اوى هثبتلك انى معدليش مكان فيها
همت بان تخرج ليقول لها: حور انا مش بالصورة الوحشة دى
صمتت قليلا ثم
ابتسمت لتقول: عارفة بس انت مصر تغير كل النظريات عنك
.... ليه!!
غادرت الغرفة بعد ان قالت له: وافق على استقالتى ياريت
_________________
تقي بحدة: وهي ذنبها ايه.. دا ذنب اللى معندوش قلب دا!
حياة: بردوا بتجمعي الحاجة عشان نروح!!
تقي بحزم : اه هنروح وهتصالحيها.. هى مراحتش ضربته على ايده عشان يعمل كدا وعلى فكرة ادم كلمنى وقالى انها قدمت طلب استقالة... يعني مهاش ندله ولا هى اللى حرضته.. بالعكس دى بتعتبره اخوها
حياة باحراج: دنا عكيت الدنيا
تقي وهى تحمل الحقيبة: يلا بينا احنا اتفقنا هنقضي اليوم campaign وفى الليل هنروح الفندق نبات هناك مينفعش ننام فى اوضة واحدة واحنا شايلين من بعض يلا
__________________
رحمة: وكان لزومها ايه بس!
كانت تحمل الحقيبة بيدها وهو يحمل حقيبتين
جاسم: ينكديه ياللى هتجيلى بعد اسبوع دى فسحة وهقعدك فى فندق خمس نجوم لليلة كاملة
رحمة: ااااه قولوا انكم رايحين تصيعوا صح!!!!
وصلت للدرجادى!
جاسم وهو يضربها على رأسها: يعني بذمتك هروح اصيع واخد اختي معايا... ليه عيل فى اعدادى ياهبلة...
اكمل بمرح
: انا لما اجي اصيع اطردك بره البيت واجبها
رحمة وهى تضربها فى جنبه: طب خد دى
جاسم: اه يا مجنونة... مااااشي اما وريتك
رحمة: يلا اخلص يبني انا ايدي ورمت.. وايه الشنط دى كلها احنا رايحين الجزائر!!
جاسم: لا بس فيها حاجات التخييم ماهما لازقوهالى انا اشيلها حتى الجيتار دا ليه فايدته هتعرفيها بعدين
رحمة: اوكيه يلا بينا
جاسم: بقلك ايه الخاتم حلو!
رحمة بابتسامة حنونة: قمر بجد
_______
ارتدي سترته ونزل ليجد نرمين وهى تحمل حقيبة كبيرة جدا
الشيطان باستغراب: ايه دا كله!!
نرمين: شوية حاجات بسيطة قلت اجبها
الشيطان بتهكم: بسيطة!!!... طب يلا عشان منتأخرش
نرمين: اوكيه يلا بينا
_______
حياة: وحياتي عندك ماتزعلى مني دانا بحبك زي اختى والله العظيم
احتضنتها حور لتقول: ازاى يهبلة ازعل منك دانتى اختى التانيه وانا مقدرة الى عملتيه.. وعلى فكرة كنت هزعل منك لو متحمقتيش اوى كدا... عشان أتاكدت انى لما هقع فى مصيبة هتقفى جمبي
حياة بمرح: اول واحدة هترميكي من الجبل باذن الله
لكزتها حور وهى تقول: ياشيخة هتموتيني من قلشك الرخيص دا اخلصي
تقي: يعني اتصافيتوا!
حياة: اكيد طبعا
تقي: يخسارة كنتوا يعني لازم تتصافوا فى كافيه مكنا صافينكوا بربع جنيه لبان بدل التلاتين جنيه ليمون كدا
حور: والله كنت هدفعلكم بس بعد الجملة دى مانا دافعة حسابي
حياة وهى تخرج النقود: مستورة يابا انا اللى هدفع واذلكم لحد الممات... ولما تخلفوا هاجي اطلب الفلوس من عيالكوا
تقي: شفتي النتانه
حياة: الله يخليكي
_________
خالد: ماهو كدا اللعب يحلو
محمود: انا رضيت بالاتفاقيه لانها غدرت بيا ومنفذتش الاتفاقيه الى كانت مابينا وعرفت انها قالت للشيطان كمان
خالد باببتسامة: احنا ممكن نملك كل شئ
محمود بطمع: ازاى!
خالد: والدة الشيطان عايشه وممكن نمضيها على كل حاجة
محمود: ايوا بس الشيطان مش هيسمح بكدا يخفيف ماهو عايش
خالد بخبث: لا
النهاردة لا
_______________