शेजार पाजार

परतफेड भाग २

समोर स्क्रीन वरती हलणाऱ्या दृश्यावरून माझी नजर ढळत नव्हती. माझ्या डोळ्यातून पाण्याच्या धारा भावनिक झाल्यामुळे वाहात होत्या, अगतिक असल्यामुळे वाहात होत्या कि, बराच वेळ पापणी सुद्धा न लवल्यामुळे वाहात होत्या हे मलाच समजत नव्हते. माझी सर्वात जवळची व्यक्ती मला अशा प्रकारच्या भावनिक वादळात फेकून देईल असे मला कधीच वाटले नव्हते. जे आहे ते खरेच घडत आहे कि, स्वप्नांनी माझ्यासोबत छळवाद मांडला आहे. माझा मेंदू याचा निकाल लावू शकत नव्हता. मी नुसता बघ्याची भूमिका पार पाडण्याव्यतिरिक्त काहीही करू शकत नव्हतो. पण घडणाऱ्या प्रकाराची कारणमीमांसा आणि त्याची पार्श्वभूमी मला जाणून घ्यायची होती. त्याची उत्तरे मला एकाच व्यक्ती कडून मिळणार होती.

****

समिधा. माझ्या आयुष्याला पडलेलं एक गोड स्वप्न. समिधाच्या रूपाने माझ्या आयुष्याच्या सुखाचा परमोच्च बिंदू मी गाठला. समिधाने १५ दिवस सुट्टी काढली होती. मोजक्या लोकांच्या उपस्थितीत एका मोठ्या आलिशान हॉटेलमध्ये आम्ही लग्न केले. २-३ दिवस घरच्यांच्या सांगण्यावरून देवदेव, सत्यनारायण वैगरे सर्व पार पाडले आणि मग केरळला समिधा आणि मी एकमेकांच्या सहवासात एकरूप होण्यासाठी गेलो. समिधाचे सौंदर्य खरेच अलौकिक होते. तिचे रेशमी त्वचेचे उष्ण स्पर्श शरीराला होताना माझ्या स्वतःवरच्या नियंत्रणाला खूप कष्ट पडत होते. तिचा कमनीय पण भयानक मादक बांधा. तिचे प्रमाणबद्ध अवयव खूप साऱ्या प्रणयासाठीच बनलेले होते. समिधा खरेच बिछान्यामध्ये माझ्यावर शृंगाराची बरसात करत होती. ती आणि मी एकमेकांवर अगदी तुटून पडत होतो. माझे काम कौशल्य पणाला लावत मी तिच्या शरीराचे भरपूर लाड करत होतो. आता माझ्या प्रणयाला प्रेमाची साथ होती, नुसती वासनाच नाही तर जिव्हाळा होता. माझे परिपूर्ण समाधान होत होते. समिधाही माझ्या पौरुषावर खुश होती.

समिधाच्या माझ्या घरात येण्यामुळे माझ्या घराला उबदार वातावरण प्राप्त झाले. स्त्रीचे घरात असणेच किती प्रभावी असते ह्याचा मला लगेच अनुभव आला. आम्ही दोघेही लग्नानंतर अगदी दूध साखरे प्रमाणे आमच्या संसारात विरघळून गेलो. तिचा सहवास, तिचा सुगंध, तिचा उन्माद, तिचा प्रतिसाद, तिचे नखरे, तिचे लटके राग, तिच्या खोड्या.. काय न किती गोष्टी सगळ्या माझ्यासाठी अतिशय प्रिय झाल्या होत्या. सतत एकमेकांच्या सहवासाची ओढ आम्हाला जाणवत असे. तिचे राहणीमान खास होते. ऑफिससाठी ती साड्या वापरत होती. पण इतरवेळी मात्र ती आवर्जून वेस्टर्न कपडे घालत असे. शॉर्ट्स, स्कर्ट्स, तंग टी शर्ट्स, तिच्या प्रमाणबद्ध पण भरीव मांड्या आणि आकर्षक नितम्ब दाखवणाऱ्या जीन्स. समिधाला लग्नानंतर स्वतःला छान आवरूनच बाहेर पडायला आवडत होते. आमच्यामध्ये होणाऱ्या भरपूर शृंगाराने ती आणखीनच खुलली होती. सुखाची साय तिच्या अंगावर चढली होती. अजून एक, तिला माझ्या बाईक रायडिंगचा थरार जाम आवडला होता. तिला स्वतःलाच असे काहीतरी करायचे होते. म्हणून मी तिला नुसते प्रोत्साहनच नाही तर साथही देऊ शकतो हे माहित झाल्यावर ती खूपच आनंदली होती. खूपच कमी वेळात ती माझी हिमालयन चालवायला शिकली. तिची सुबक उंच डौलदार आकृती बुलेट वर बसलेली पाहताना कित्येकांच्या माना वळत होत्या आणि काळजाचे ठोकेही चुकत होते. समिधासारखी जबरदस्त आणि सुंदर सहचारिणी मिळाल्याबद्दल मी आयुष्याचे खूप आभार मानत होतो.