فصليتى القويه 💪
البارت الخامس عشر ١٥
بقلم /ريناد 😍رينووو🌾
عند مهاب فى البلد
مهاب :بت ياقمر الارض وحشتنى قوى ومش قادر ابعد عنها اكتر من اكده
قمر :الارض بس اللى اتوحشتها
مهاب فهم قصدها وابتسم :ايوه الارض بس امال يعنى هتوحش مين تانى!!
قمر :طب وهى الارض برضو اللى مخلياك كل شويه اكده تفشخ خشمك وتتبسم لحالك كيف المهبل؟؟
مهاب :اتلمى ياقمر
قمر :طيب متتصل بيها مش هى معاها مبايل...
مهاب :هى مين؟
قمر غمزتله :الارض ياولد ابوى..
مهاب ابتسم :حداييش رقمها...
قمر :يبوى عالغباء فيه حد ميبقاش معاه رقم ارضه؟ 😆
مهاب :مجاش فبالى اخدها عشان مكنتش بتبعد عنى...
قمر :خلاص هات نمرتها من رعد مش حداك رقمه...
مهاب :ايوه صوح ...تصدقى طلعتى عتفهمى هَبابه...
قمر:له دنا اعجبك قوى فى الحته دى بس اقولك لو معرفتش تكلمك متزعلش...
مهاب :ومهتعرفش تكلمنى ليه يعنى؟
قمر :اصل الارض معندهاش صباع تدوس بيه على الزرار عشان ترد هههههههعههع.
مهاب :طب اختفى ياقمر من قدامى..
قمر :طيب ماشيه مهى خلصت حاجتى من جارتى هاروح حدى سلمى هننزلو نشترو شوية حجات ناقصاها
مهاب :هتشتروها من فين
قمر :من حدى ام حمزه فدارها عتجيب حجات حلوه قوى علونها مغلوانيه وجزمه بس حجتها حلوه
مهاب :وفين دار ام حمزه دى
قمر :قصاد دار صافي المهوووسه اللى عتموت العيال بالطوب فاكرها اللى كانت عتاخدنا بالطوب انا وحسن لما كنا نعدو من قدام دارها..
مهاب :ايوه عارفها المره الفقريه دى طب خدو بالكم الا تفتح نفوخكم وسلمى عروسه مينفعش تتجوز وهى مبطوحه
قمر :له متخافش هنجو قدام دارها ونرمحو
مهاب :طب يلا روحو ومتتأخروش وخدو بالكم من نفسكم
قمر :يبوووى احنا عيال صغيره يعنى!!
مهاب :يبت عخاف عليكم انا ليا مين غيركم...
قمر :ربنا يخليك لينا يااحن اخ فى الدنيا بحالها...
مهاب كلم رعد واخد نمرة ريناد منه لكنه اتردد يكلمها، عشان مش عارف يقول ايه ولا يبدا ازاى، طب يقولها وحشتينى، ولا يقولها حاسس نفسى تايه زى العيل الصغير اللى ساب ايد امه فوسط الزحمه، ولا يقولها انه مش عارف يتنفس فى البراح دا كله من هوا هى مش بتتنفس منه،، هيقول ايه ويبدا من فين؟؟
طب وهى ما لو كانت عتحبنى صوح زى ماعتقول كانت كلمتنى، كانت سألت عليا!! .
ولا تكونش رجعت لعيشتها القديمه ونسيت مهاب والارض والحلم وكل حاجه لما لقيت الاحسن ؟
ولا تكونش عتعيد حسباتها من تانى؟؟
على العموم الحمد لله انه محصلتش حاجه بينا تأثر على قرارها اللى هتاخده،،
وايا كان قرارها انا راضى بيه وهتفضل ريناد بالنسبالى احلى نسمة هوا بارده عدت على قلبى وطرت على روحى...
