فصليتى القويه 💪
بقلم /ريناد رينووو
البارت الاول 1 🌵
فى بيت كبير مكون من دورين على طربيزة السفره الكل مجتمع على وجبة الفطار
الاب :احمد المصرى.
الام :ترف عراقية المنشا من اب مصرى وام عراقيه ربة منزل
الابن :رعد المصرى ضابط فى الجيش السن ٢٧ سنه
الابنه :ريناد ٢٠ سنه فى السنه التانيه طب بشرى
الاب :هاه يارينو النهارده معايا ولا مع رعد ؟
ريناد وهى بتاكل بطريقه رجوليه ردت عليه :مع رعد طبعا النهارده فيه تدريب يابابا .
الاب :مش كفايه كده وننتبه للجامعه بتاعتنا بقا ونسيبنا من رعد وتدريباته بقا يارينو !
ريناد :طب وهو انا مقصره فى الجامعه يابابا يعنى دا انا داخله طب ولله الحمد بطلع من اوائل الدفعه يبقا التدريبات مأثره عليا فأيه ؟!
الاب : لا بقا من ناحية مأثره فهى مأثره يابنتى ..ياحبيبتى دا كفايه العضلات اللى عندك دى وشكلك اللى بقا غريب ..رينو انتى بتقضى على انوثتك شويه شويه وبص لمامتها اللى بصاله باعتراض ووجهلها الكلام بعصبيه
ايه بتبصيلى ليه انتى كمان مش عاجب سيادتك كلامى ؟؟ اوعى تكونى انتى رخرى مش ملاحظه شكل بنتك ولبسها اللى دايما بنطلونات وافرولات جيش من لبس اخوها دى حتى شوفى فاتحه رجليها ازاى زى قعدة رعد وبتاكل ازاى بذمتك دى لو حد شافها بتاكل بالمنظر دا هيرضى يتجوزها ؟
الام :بنتى اسم الله عليها وحواليها تخزى العين
ريناد كملت بلا مبالاه :ايوه يابابا كلام ماما صح انا اخزى العين وكلى انوثه.
الاب :تخزى العين بأيه دانتى لما بتخبطى على باب بتكسريه
دا الجيران لما بيحبو يشيلو اى حاجه تقيله بيندهوكى يختى تقومى بالمهمه وتقوليلى انوثه طب انتى عارفه شباب المنطقه هنا مسمينك ايه ..مسمينك عماد ..
وهنا رعد ضحك وهو بياكل
الاب :اضحك ماكله منك ..انا مش عارف انتى طالعه لمين مش طالعه لمامتك ليه بركان انوثه ماشيه على الارض شايفه الرقه ومسك ايد ترف وباسها
وترف خدودها احمرت من الخجل وازدادت جمال فوق جمالها الربانى
الاب كمل ..شايفه الرقه شايفه يابومه
رعد وهو بيقوم من على السفره :هاه خلصتو وصلة كل يوم الصبح ؟ يلا يارينو اتأخرنا
ريناد تقوم بسرعه وحماس وتاخد شنطة كتفها وتخرج جرى وسط نظرات امها الحنونه ونظرات ابوها اليأئسه من كثرة فشل
محاولاته فى جعل بنته تتخلى عن حياة الجيش والتدريبات اللى ادمنتها مع رعد اخوها مع انه مكانش بيمانع وجودها معاه قبل كده لكن دلوقتى الوضع اختلف وخصوصا انها بقيت محط سخريه من شباب المنطقه لبروز عضلاتها وتصرفاتها وردود افعالها الرجاليه .
ريناد فالعربيه مع رعد ووجهتله الكلام :هاه الكلام على ايه النهارده
رعد :الكلام على تدريب مشروع حرب بالزخيره الحيه انتى هتشرفى على الكتيبه بس يعنى هتراقبى من بعيد
