سجى : ( خلص الدوام وضحى مالها اثر وكفت باب المدرسه محتاره شسوي خاف صايرلها شي افكاري تضارب تاره تكلي رجعي للبيت يجوز رجعت ومره لخ تكلي لالا يجوز صارلها شي بالطريق .... حسمت قراري وكلت رجعي يا سجى خبري اهلج مختفيه ضحى حتى ماوصلت للمدرسه يجوز مخطوفه .... قبل لا اخطو خطوه استوقفتني جنان )
جنان : سجى تعاي وياي .... اختج متخربطه بالطريق وناقلينها ناس للمستشفى
سجى : ( ضربت على وجهي ) عزا العزاج ضحى يا مستشفى شبيها
جنان : تعاي وياي
سجى : ( رحت وياها للمستشفى شفت ضحى مددينها ع السديه وتوها تصحى ) ضحى ولج شصارلج
ضحى : اه رااسي
سجى : شصارلج وين تخربطتي
ضحى : ماذكر ( الم قوي براسي والدنيا دور بيه شوي شوي بديت اتذكر تخربطت بسياره رحيم اظاهر هو جابني هنا )
رحاب : بالشارع اتخربطت وهي جايه للمدرسه اظاهر بروده وهبوط صار عدها
سجى : منو نقلها لهنا
جنان : ماادري اختي تكول عابر طريق .... اختي ممرضه هنا وتعرف ضحى صديقتي فخابرتني
سجى : منين تعرف ضحى
ضحى : تعرفني جنت احاجي جنان من تلفون اختها وكم مره تجي للمدرسه تاخذ جنان واشوفها
سجى : ها .... هسه نكدر نرجع للبيت
ضحى : اي كومي ..... لتكولين لاحد هيج صار بيه
سجى : اسفه لان تركتج ورحت وي ياسر
ضحى : ليش كولتيله
سجى : ماعرف جنت ضايجه منج ومنه بوقتها وترا عادي خل يعرف
ضحى : شفتي شسوه بيه
سجى : لان حضرتج امثله عليه اكثر من مره ( ارتبكت وكامت من الفراش .... تبعتها )
ضحى : ( وصلت للبيت متفلشه طبيت سبحت ونمت جسمي موتني وراس حينفجر مالي خلك ياسر وسجى همزين ياسر خلى الشغل كله ع سجى خل ارتاح )
سجى : ( طبيت ورا ضحى سبحت وغسلت ملابسنا وشريتهم وفتت يم ضحى كعدت اقرا شوي ... الجو يشجع ع النوم مطر برا والبيت هدوء ... تمددت بصف ضحى ونمت ..... سمعتها تون ) شبيج
ضحى : تعبانه
سجى : ( لزمت جبهتها مصخنه .... جبت كمادات وحطيت ع راسها وكل شوي اقيس حرارتها بيدي لمن غفيت )
ضحى : ( كعدت لكيت سجى متمدده بصفي وايدها ع راسي ..... بعدتها وكمت اغسل )
ام ياسر : سجى يووم
ضحى : ضحى اني ..... سجى نايمه تعبانه ( جان ياسر كاعد بالصاله سمعني هيج كلت انتظر امه تروح واجى )
أنت تقرأ
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
