ضحى : ( ماصدك الجاي اشوفه ...... نشلت حركتي من فرحتي .... نداريت عليها واني ابجي ) سجى
سجى : ......
ضحى : ( ركضت حضنتها فاجئتني بطعنها الي بطني .... ع الرغم من ان السجينه صغيره .... من هذي الصير بالمداليه .... الا ان روحي طلعت من الالم .... دفعتني عنها وكعدت ع الارض ارجف .... لزمت بطني ضاغطه ع الجرج ) سجى اني اختج 😢 اني ضحى
سجى : ( تقربت منها منخفضه لمستواها ) ماعندي اخت بهلاسم ..... سرقتي احلامي .... حياتي .... شخصيتي ..... اجى الوقت استردلها
ضحى : لا تاذيني فدوه .... والله مامصدكه اشوفج كدامي ( بجيت .... رشت ع وجهي مدري شنو المهم فقدت الوعي ع اثره )
سجى : ( بدلت ملابسي بملابسها ..... نزعت الحلقه من ايدها وكلبي مشتعل نار ..... والله لانتقم منكم كلكم ..... لفيت جرحها وغطيتها عدل بعبايتها وطلعتها لسياره جلال اشرتله يحرك ..... طبيت يم مره عمي كعدت لربع ساعه وهي دردم واني مو يمها افكر شراح اسوي بياسر ) اريد ارجع للبيت
ام ياسر : راح يجي دورنا
سجى : تعبت ( كمت طالعه من المكان جان تتبعني وهي دردم اجرت سيارة ورجعنا للبيت ..... اول مافتت للبيت اختنكت ..... مو بيتنا هذا ..... بيتنا احترك وي اختي وياه احتركن احلامي ..... دمرت حياتي بيوم رفع بابا السلاح عليه ..... شلون يا بويه ماوثقت بيه .... شلون راح ابرىء نفسي كدامك ..... صعدت فوك مجاهله مره عمي شفت باحد الغرف امي ..... فتت للغرفه حضنتها بستها براسها بخدها بيدها واني ابجي بجت وياي .... شفتها تحرك بشفايفها كانها تريد تكول سجى .... كتلها اني ضحى ..... هزت براسها بمعنى لا وبجت ) لا تخافين ..... بقي هلموضوع سر بينا ..... ( بجيت ) والله مالي ذنب مو اني هذيج ام الصور ( وهي تبجي هزتلي براسها بمعنى اعرف ... مسحت دموعها ) ليش بابا ماعرف .... والله متت الف مره يوم 😢
ام ياسر : ضححححى .... تعاي تغدي
سجى : ( بست راس امي ورديت ع جلال كالي عالج ضحى بس ماكعدت .... تولي عساها .... نزلت لمره عمي واني بالدرج شفت ياسر يريد يصعد .... صارت عيوني بعيونه كلش ارتبكت ..... اخذ كلبي يرجف .... مادري يا قوة اجتلي ومسكت دمعتي ..... ضل صافن بيه .... عكر حواجبه ..... عبالي عرفتي.... تالي غمض عيونه باصابعه يفركهن مثل التعبان )
ياسر : مدري شصايرلي اني ..... ليش مانتظرتي الدكتوره
سجى : تعبت من الانتظار ازدحام عليها وثانيا جاي احس نفسي احسن ( ضل صافن بيه ..... سحى انتبهي مو هذا اسلوب ضحى .... شخصيتها ضعيفه ضحى تحجي برتباك دوم ذره ثقه ماعدها .... لازم اقلدها .... لا انكشف ..... صعد ياسر ردت انزل جان يوكف كدامي .... كلش قريب مني لدرجه صرت اتنفس من انفاسه )
ياسر : صاير شي وياج
سجى : لا اريد اتغده
ياسر: تغدي وصعديلي
أنت تقرأ
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
