ذنب لا يغتفر

٢٦

سجى : ( بعد عن اذني وتغيرت ملامحه للبرود اكتفيت بالسكوت منزله عيوني عنه رفع راسي بطرف ايده .... ضربت ايده مبعدتها عني ابتسم وكعد ع طرف السرير )

ياسر : ليش رجعتي

سجى : انتقم منك

ياسر : وضحى ؟ ها لان ازوجتها ؟ كلتي يلا فرد مره انتقم منهم الاثنين

سجى : من يمتى تعرف

ياسر : ماعرفت حسيت .... من شفتج بالدرج كلت لا ياسر جاي تتوهم ..... سجى كسرتك وراحت ماترجع

سجى : ههه كسرتك !!

ياسر : ليش الضحك

سجى : كمل كمل

ياسر : من اجت ضحى زاد شكي لان تصرفاتج مو مثلها

سجى : ( كام من مكانه وكف كدامي )

ياسر : عطرج مو مثلها .... مشاعرج مو مثلها

سجى : ( بطرف اصابعه لزم شعري ضربت ايده عني )

ياسر : بست ضحى من قبل ..... محسيت بشي وياها ...... جان كلشي وياج مختلف

سجى : ( تجتفت وحجيت بستهزاء ) ماشاء الله طلع عندك احساس

ياسر : من كل عقلج تكدرين تخدعيني

سجى : ليش مكتلتني مو اني النكست راسك

ياسر : لو اكدر اكتلج جان كتلتج من اول يوم حبستج بيه

سجى : كتلتني ذاك ليوم ..... كتلت كلشي بداخلي ( ردت ابجي كوه لزمت نفسي ) والله لذوقك ضعف السم الذوقتني اياه

ياسر : اني ؟ من كل عقلج

سجى : ( تغيرت ملامحه للغضب )

ياسر : اني لو انتي الرحتي سفلتي

سجى : اذا اني سافله ليش صارلك ساعه تبوس وتحضن بيه انت شنو لعد ( جابني براشدي لطشني بالحايط جرني من شعري )

ياسر : لا تختبرين صبري قسم بالله مدري واكف ع اعصابي

سجى : اضرب اشفي غليلك اضررررب ( رجع ضربني حتى جرح شفتي واني واكفه كدامه مدعيه القوه اعرف كل ميضربني يتالم عليه اكثر ) ارتاحيت

ياسر : عندي استعداد اكفخ بيج لصبح ومايشفى غليلي منج

سجى : ( دفعته عني ) شفتك ممل ..... عرفتك ماتوفي وباقرب مفترق طريق تعوفني لذلك خنتك ( ماكملت جملتي الا ونهد بيه ضرب وكعني ع الارض يضرب بيه هستيريا لمن فقدت بين اديه )

ام ياسر : ياسر .... ياسر افتح الباب

ضحى : ( فتح الباب دفعته وفتت لسجى شفتها مدمنه واكعه ع الارض ) شسويت بيها

ام ياسر : كتلتها ياسر

ضحى : ( طلع معصب .... شلت سجى خليتها بغرفتي علاجت جروحها ..... تركتها بالغرفه وطلعت اشوف ياسر .... لكيته بالصاله جانت امه تحجي وياه عافته وطلعت ) ليش ضربتها  ..... عرفت هي مو اني ؟