سجى : ( راح يزن وجماعته قبل ليطلع السيد محد شافه .... واني اصرخ اريد الناس تلحكني طلع السيد بس يباوع دساعدني ماكو صافن تالي تصل بلاسعاف واني اصرخ وجلال ميت بحضني ..... ثواني واسمع صوت ياسر )
ياسر: سججججى
سجى : ( اختلطت مشاعري من شفته .... ركض النا يتفقد بجلال )
ياسر : شنو صار
سجى : ي....يز ( مكدرت احجي من البحي ....حضني يسكتني )
ياسر : ششش اهدي .... وخري عنه خل اخذه يسيارتي للمستشفى
سجى : ( شاله ياسر واخذه بسيارته شتد جرحه واني ابجي وادك ع وجهه ) جلال فدوه اكعد جلااااال
ياسر : اهدي راح نوصل ..... اهدي سجى
سجى : ( وصلنا للمستشفى اخذوه للطوارىء واجوي الشرطه يحققون كالي ياسر نكري انج.تعرفين شي راح يجرجروح للمخافر سولفيلي كولشي واني اصرف .... سولفتله كالي يزن هذا مسنود لازم نتوخى الحذر .... اخذوا الشرطه ياسر يحققون وياه والسيد همات .... واني ضليت بالمستشفى انتظرهم ثواني واجتي امه وخواته يدكن ع راسهن عفتهن وبتعدت لمن اجى ياسر شافني واكفه باب المستشفى )
ياسر : شلونه
سجى : ( بجيت بوجه .... حضني يحاول يهديني )
ياسر : ذكري الله الدموع شتفيد خليج قويه
سجى : شجابك انت هنا
ياسر : ادور عليج
سجى : الله يخليك بس اطمن عليه وراها اخذني اذبحني سوي لسوي
ياسر : لتكولين هيج ..... امج دزتني اجيبج .... جانت تعبانه
سجى : ( دكيت ع وجهي ) امي
ياسر : لا تخافين قبل شوي خابرتني ضحى كلتلي زينه بلبيت والحمد لله مابيها شي ..... نطمن ع جلال واخذج تشوفيها واذا ان شاء الله وضعه احسن ارجعج يمه
سجى : والله ؟
ياسر : والله .... تعالي هسه ننتظر جوه
سجى : ( اكيد كلكم مستغربين مثلي من موقف ياسر ..... تعالوا نرجع للشويه للماضي نشوف السر بتصرفه )
.
.
.
.
ضحى : ( من يوم دخل ياسر لسجن واحنا سمعتنا زباله بالمحافظه حتى من مات عمي قليل جدا اجونا .... بعد الي سواه ياسر بيه حاولت اتجنبه حتى فلوس ماطلبت منه بعد ليوم جنت اطبخ الغده فجاه انسد باب المطبخ ) مهدي شتفقنا
مهدي : ماما بس هلمره
ضحى : افتحه اختنك هيج
مهدي : بيبي دور عليه .... نلعب غميضه
ضحى : ( ختل جوه الطاوله دقايق وفاتت مره عمي )
ام ياسر : كم مره اكلج لا سدين باب المطبخ .
أنت تقرأ
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
