عروس المقبره

{البارت الاول}

القصه دمج ما بين الحقيقه والخيال
*^*^*^*^*^*^*^*^*^*^*^*^*^*^*

لبابه:- البيت هوسه قرب موعد عرسي واني خايفه ما اعرف شنو اسوي او شنو اتصرف اذا اني ما كنت اعرف نفسي راغبه الهذا الزواج او لا ....

ما اعرف شنو سبب خوفي من هذا اليوم الي كل شخص يتمناه وكل ابنيه تتمنه تلبس الفستان الابيض وتكون الها عائله وحياه ...

ما ‎أ؏ــرف سبب هذا شعور ب خوف من القادم ...

شعوري مو خوف لان حبتعد من اهلي ‎لــأ لان همه قريبين واني ما حتزوج شخص غريب حتزوج ابن عمي

طبعا اكيد ما عرفتوني اني منو

اني اسمي لبابه عايشه ب قريه على أطراف النجف الأشرف عائلتي متكونه من...

ابوي وامي طبعا....
من ٣ اخوان واخت وحده الي اخواني

أحمد عمره 30 متزوج بنت خالي وعنده طفل وهسه مرته حامل ب 2....

ومحمد عمره 27 يريد يخطب بنت عمي حميد...

وحيدر عمره 23ما متزوح....

وبسمه اختي عمرها 22 متزوجه من ابن عمتي وعدها 2 جهال...

واني لبابه عمري 18 انخطبت ال ابن عمي حسنين اسمه ضياء....

اني شكلي حلو صاحبه عيون اوساع لونهن أصفر صفارهن ملفت للنظر لون بشرتي بيضه زايده عيوني جمال ....

اني طولي وسط مو كلش طويله ولا قصيره شعري لونه جوزي بي لمحه شكار....

بس هسه بما انو عروس ف اميشته خصل صفر صار كانو طبيعي

متميزه ب جسم بارز وجميل

صافنه والكل يروح ويرجع يجهز سرحت ب ذاكرتي واني اتذكر من خطبني ضياء او ب الأحرى ماكو عدنا خطوبه فقط كلام

كاعدين دا نتغده الكل مجتمع على سفره وحده اتجلجل صوت أبوي وهوه يبدي ب كلامه

ابو لبابه :- احم بويه اليوم اجاني عمكم ابو ضياء فتح وياي موضوع

احمد :- خير ان شاء الله بويه صاير شي

ابو لبابه :- خير خير ان شاء الله يا ‎بـ؏ــد ابوك كل الخير ‎لــأ تخاف ما مش سالفه تضيك الخلك بس هوه عنده موضوع علمود ابنه ضياء اجا كالي انو الولد كبر واشتغل وكون نفسه وعمره حيطك الثلاثين ويريد يزوجه

محمد :- اي حك والله يا بري ضياء ولد ينشد بي الظهر تعب واشتغل وكون نفسه واكيد يريد يرتاح ويخلف اله جاهل يشيل اسمه

ابو لبابه :- اي علمود هل شي هوه اجا حاجاني يريد لبابه ال ابنه ضياء

من سمعت اسمي وكفت الكمه ب بلعومي ما عرفت شنو اسوي او اتصرف خاصه انو أنظار الكل تشخص عليه