عروس المقبره

{البارت الثالث}♡

جرحين جاب آلوكت صلطهن عليه
واحد يضيع هلي واحد يفر بيه
اليفر بيه تعب واحتار تاليه
مكلوبي فرني ومشه مدري شله بيه
ضليت أجر بالعمر ويجرني باجيه
وتانيت جيت الصبح لأن جيته مو ليه

..........

نهوان :- انا هسه ب النجف وعندي دخيله وانضربت ب جتفها وبعدها طلقه
ب حرورتها  ف ما تحس بيها بس بعد دقايق تبدي احرورتها للطلقه ف اريد دكتور
شاطر يعالجها وشكد ما يطلب اني دفاع بس كون محد يدري

أبو وهب :- خويه شورطت نفسك ترا احنا ب نجف اذا مضروبة يعني
حركو ورقتها لأن وراها مصيبه وسالفه  جبيره نهوان مو هينه وانا

قبل ‎لــأ يكمل كلامه ابو وهب قاطعه نهوان

نهوان :- على بختك ابو هب عود انت ابن الأصول وابن دواوين شنو ناسي
شنو معنى الدخيل ترا الابنيه دخيله عندي وما انطيها الا على كطع ركبتي

ابو وهب :- اعذرني اخوي كلامك صح على راسي اني عند عيناك كول الي شنو نسوي وشلون نحلها الهل سالفه واني خادم الك

نهوان :- ابويه الابنيه متصاوبه اريد دكتور بس كون دكتور ثقه

ابو وهب :- صدك جذب نهوان شنو دكتور الابنيه يراد الها مستشفى وعمليه وهم يراد الها دم وعنايه مو مثلنا احنا زلم نتحمل

نهوان :- ‎لـ؏ــد شلون تعرف انت مستشفى ثقه انروح الها بس كون ثقه ما تنطش سالفه
وكون بلا تحقيق  وضبط وندخل ب سين وجيم وشلون والسبب وهاي السوالف وانت ‎بـ؏ــد ادرى

ابو وهب :- نهوان ابن عمي دكتورويشتغل ب مستشفى اهلي  ادك علي واشوف شنو راح يكول وما يكون خاطرك يخوي آلا طيب

سديت الخط من ابو وهب واني خايف احس انو حيردني ويدك بيه الناقصة لان ما يريد يورط نفسه

وما يدبر الي دكتور او مستشفى ب هاي الحاله اني شنو راح اسوي شنو راح

اتصرف واني ‎لــأ ‎أ؏ــرف سالفته وحتى اسمها ما اعرفه شلون راح تنحل هل سالفه

بديت اسمع ونينها بدت الآلام مال طلقه شغلت السياره ولفتها واني ما ‎أ؏ــرف وين راح اروح

ب هل لحضه نسيت كل شي اني وين وشعندي جاي وكل شي بس كان همي شلون راح انقذها

اتاخر عليه ابو وهب فقدت ال أمل آنو يساعدني صرت افتر بلا وجهه معينه اريد

الي دكتور ثقه يكدر يساعدني حتلو بس يلف الها جرح ‎بــحيث اكدر ارجع البغداد وأهناكً أؤديها ال منى آو مستشفى

واكدر اسيطر على كل شي اما هنا ما ‎أ؏ــرف احد

اما اهنأ اخذها مستشفى اهلي حكومي حيطلبون جنسيه ومعلومات وضبط واني ما ‎أ؏ــرف اي شي عنها