عروس المقبره

{البارت السابع }

#انا_وجرحي...*

انه وجرحي انولدنه ابيت فد يوم
اليصد لينه يگول اثنينكم توم
اشبهه وهوه يشبهني
وابد ما بيه فرق عني
وعلينا بالتساوي الألم مقسوم

الجرح يعزف بروحي من اغني
ويجاوب حتى اليسألون عني
صداقة عمر بيني وبين حزني
واثر هاي الصداقه بوجهي مرسوم

انه وجرحي والاوصاف نتشابه
بس نختلف بأسلوب الكتابه
انه بالدمع هو بدم عذابه
كتابتنه عذاب وسهر وهموم

.............

نهوان :- لبابه ابوج تبره منج وما يريدج

بهت لوني رجفت شفايفي دكات كلبي تعالت شنو يعني تبره مني

لبابه :- شنو مفهمت

نهوان :- ابوج اتبره منج وكال انو ما عنده بنيه وانتي ب نظره ميته

حسيت مثل الي اختل توازني شلون وليش شنو سبب ‎ليــش هيج سوه ‎ليــش اني بريئه والله ومظلومه فوك ظلمهم يتبرون مني

لبابه :- بس اني بريئه والله

نهوان :- اني اخوج واني ابوج واني كل شي اصيرلج واصيرلج جبل اذا
دار عليج زمن وأكون عند عيناج بس حولي نهوان تلكيني يمج ومآخذ حكج من حلك السبع 

دموعي تنزل على خدي وما ‎أ؏ــرف شسوي ‎لــوو شنو اتصرف ابدا شلون يعني ‎بـ؏ــد ما عندي اهل

شلون يعني ‎بـ؏ــد راح انحرم من شوفت امي وشوفت الكل زين ‎ليــش هيج سوه ‎ليــش

فوك ما عذبوني ورادو يكتلوني وخلوني بيد شخص غريب بس طلع رجال ويخاف الله ب بني ادم

وأهلي الي من دمهم ولحمهم ما خافو عليه ‎ليــش كل هذا صار وياي ‎ليــش

لبابه :- اريد ادخل ازور الامام

نهوان :- ‎مــآشـي واني هم راح ادخل ازور وانتظرج هنا لمن تكملين تعالي هنا

لبابه :- اي بس وين الكه باب الدخول

نهوان :- - ب نبره خوف — ما تندلين

لبابه :- يعني مو كلش اندل ( تحجي وتمسح ب ادموعها )

نهوان :- تعالي وياي خل ادليج

مشيت وياه دلاني دخول وشلون حطلع وين راح ينتظرني مشيت من عنده ودخلت

فتت داخل الضريح وصلت كبال الإمام عدل النار الي ب كلبي زدادت

ما اتحملت انفجرت ب البجي واني اشهك الكل يباوع عليه بس محد يحجي شي

واني ازداد ب البجي كعدت ما اتحملت على ركبي كدام الامام واني أشكي الي ب داخلي

"" ب ليله ظلمه يابو اليتامه ضربوني وعافوني بيد الغريب حتى هوه ياخذ