عروس المقبره

{البارت الثاني}♡

صدگ نمشي وعلينه تمر الايام
بس بكل گلب محفورة الآثار

ما تلـگة بَشر مِن يبـرد أللـيل
يشلع من قميصه لثوبك أزرار

من يزعل جرف يطايح الريش
من جنح النوارس ينقل اعذار

واطيح الشمس يمه بحجة اغروب
تريد من النوارس تعرف شصار

وگلبي شما زعل بلضّحكة ينگاد
يشوف اغلال يمه ويحلف سوار

...........

الي فهمته أبوي دا يخير ضياء ‎لــوو ب موتي ‎لــوو ب عيشتي صار عندي أمل

انو اعيش من ‎بـ؏ــد كل الي صار  عيوني نزلت دمعها من نطق ضياء

ضياء:- هاي كدام الكل همه شهود على الي راح اكوله يا لبابه يا بنت عمممي ‎أنتــي طااااالق طاااالق طاااالق

كلمه بسيطه متكونه فقط من اربعه احرف نطقها لكن أعلنت فرمان موتي

كام هوه وعمي باوع علي ب نظره استهزاء خلتني اموت واني حيه انطاني ظهره هوه وعمي وطلعو بلا ما يلتفتون وراهم

كاعده ب الكاع جسمي عاري روحي تنزف الف فكره وفكره ب بالي والأهم ‎ليــش مدا يصدكون ب كلامي لمن ‎أحــچي

ليش دا يحاولون ب كل طرق انو اكون اني جذابه ومدا ‎أحــچي صدك

‎ليــش مدا يقبلون يسمعون تبريري وشرحي الهم انو اني ما مسويه
شي نزل رأسهم ولا ب عمري راح اسوي هذا شي

صارت نظراتي تنتقل على اخوتي واحد واحد وجهه ب وجهه اني وياهم وعين ب عين

عيوني إلي تترجه رحمه منهم مقابل عيونهم الي تجدح نار وعروقهم اليارزه تعبر عن أعصابهم منتظرين كلمه وحده حتى يفترسوني

واخيراً من ‎بـ؏ــد ما أعلن صدمت اجراء البيت لدقايق معدوده نطق أبوي كلمته النهائية

صرت مثل المجرم البري الي كل الادله ضده وهوه بعده عنده أمل انو القاضي يصدكه

ابو لبابه :- بويه محمد

محمد :- أومر بويه

ابو لبابه :- سلاح جدك ب غرفتي اخذه وب الليل اريدك تغسل عارك وعار اهلك كلهم ب ايدك وتنجينا من هاي الفضيحه

محمد :- تؤمر بويه

انحبس النفس ب ريتي رجفت من عرفت موتي أعلن مهما كان النفس عزيزه عن الانسان

وتعز هواي اذا كان موتك بدون سبب اي بدون سبب لان اني موتي انعلن ظلم ب ظلمجرني محمد من زني حاوطت ايدي ايده واني اباوع ب داخل عيونه ادور على رحمته واترجاها

لبابه :- خويه والله مظلومه ‎ليــش ما تصدكوني والله اني تربات اديكم ما اوطي راسكم ابدا

محمد :-  هههه وطيتي يبنت امي وطيتي وشوفتي وين وصلتينا من ورى شخص ما يسوه روحتي ترباتنا ونزلتي راسنا