ما بعد الشتات عوض

بارت الثاني

(شكرا على تفاعلكم الحلو ياعيني أنتو)

...يا دِفء وحشةِ روحِي ...

اعرفكم عن نفسي اسمي ريمة بابا سماني هل اسم (معنى الظبي الابيض)احب اسمي و احسة مميز جنت المدللة عند بابا يمشط شعري و يلعب وياي جنت انتظرة كل يوم بلباب يرجع من الشغل تعبان يشيلني و يبوسني لهسه اذكر جان يكولي من اشوفج يروح كل التعب ريمتي . 
لازم الحياة تخلينة نتعب و نفقد  شي نحبة و نعزة الكلشي وقت محدد 
توفة بحادث سيارة
(فقيدي طاب منامك الطويل ورحم الله جسدا كان طاهرًا وغاب عن الدنيا)

من راح تبهذلت من دونة جنت على اقل شي انضرب لو من امي لو عمامي اشوف جهال المنطقة يلعبون فرحانين البنات كل وحدة لعابتهه وياها و ملابس مرتبة شعر نظيف .. كاعدة بلباب البيت اباوع عليهم مجنت احب اختلط و العب وياهم عكس بنات عمي الي جانن كل يوم ويا جيرانا و تصير البنات وحد و الولد وحد يلعبن شدة يا ورد لو يجيبن كل وحدة لعبتها و تصير امها على أساس اداريها و تكبرها ههه و الولد طوبة لو يلعبون دعبل منا الحد المغرب كلمن يروح البيتة طبعا هنا جان عمري خمس سنين بهاي الفترة بقينة اني و امي ما رجعت البيت أهلها لان ماعدها احد نروح اله ف بقينة بغرفتنة جانت بسيطة مابيها غراض هواي طبعا امي اغلب الوكت بلغرفة ماتبين على كد الاكل وبس لان دائما هيه و نسوان عمامي مشاكل من زمان و خاصة بعد وفأت ابوية يخافن واحد من عمامي يزوج امي؛عندي ٢عمات و ٤عمام الجبير (صالح) متزوج اخت صديقة اسمها (جميلة)اسمها يطبق على شكلها عيونها ملونة و بشرتها بيضة طبعا أمة الي هيه بيبيتي جانت معارضة بلبداية لان غريبة بعد مشاكل و زعل وافقت اجباري و صار زواج عمي صالح و جميلة بينهم متفاهمين عمي يحترمها و يحبها ميقبل على زعلها بس دائما جانت مشاكل هيه و بيبيتي مرت عمو مجانت تحجي ابد له لان متحب المشاكل كدرت تحببها بيهه بلسان حلو و اداريها من لبس و نظافة لو كل ماتطلع أهلها لو لسوك تذكر بيبي بحاجة بعد فترة حبلت جميلة عمي طار من الفرح لان راح يجي ولد يشيل اسمة و ولدت ولد (معتز) وراها بكم سنة سيف و شمس واخر العنقود حسن؛
عمي الثاني (رزاق )متزوج بنت عمة (فتحية)دائما تسوي مشاكل على اتافة الأسباب طبعها تغار من كلشي عمو رزاق من النوع العصبي و هيه لسانها ما يسكت ابد ف بالاخير عمي يعوف البيت ويطلع عدها بنية (زهراء)اصغر من معتز بسنة و ولد واحد (امير ) و عمي(علي)رافض فكرة الزواج وراء يجي بابا ازغر اخوانة تارك الدراسة على مود يشتغل مجان ثابت على شغلة لحد ما عرض علية صديقة يفتحون محل غذائية سوة عجبتة الفكرة بده بابا بشغلة الجديد بلبداية عانو شوي بس بعد فترة الناس عرفتهم بلسوگ المحل يجار هوه وصديقة يشتركون سوة مجان عدهم مشاكل الحمدالله مرت تقريبا سنتين

لمحل اشترو هو و صديقة كدر يكون نفسة قرر بابا يزوج زواج تقليدي من بنت خالتة (ميس) امي أبد ما ارتاح بحياتة ماكو ابد تفاهم بينهم ما تحبة لحد ماعرفت نفسها حامل بية حاولت بكل الطرق تنزلني مكدرت . اما عماتي ثنين بسمة مزوجة بغير محافظة ما اشوفها هواي و الثانية عمتي خالدة احب حنيتها علية هيه وبابا جانو كلش قريبين من بعض تزوجت عمتي خالدة عمري جان تقريبا ١٠سنين بيوم الراحت متت بچي عليها الحمدالله .

الحكاية باقية...

الـكاتبـة:-بـنـيـن عبـاس

لا تنسوا الضغط على ⭐