السلام عليكم ورحمه الله وبركاته
بسم الله الرحمن الرحيم ❤️❤️
بعد مرور أسبوع
في فيلا الشرقاوي
في جناح عمر
🌹🌹🌹🌹🌹🌹
محمود بابتسامة : نورت بيتك يا عمر يا بني
عمر : ده نورك يا بابا
عطر و هي تنهض من جوار عمر : انا هروح اشوف مالك
سلمي : خديني معاكي
يدخل مروان بعد عطر و سلمي و لم يتبقى في الغرفه غير محمود و عمر و جاسر : السلام عليكم
يرد الجميع : و عليكم السلام
مروان و هو يجلس بجوار عمر : نورت بيتك يا وحش
عمر : ده نورك
مروان : جاسر تعالي عايزك
عمر و هو ينظر لهم بنصف عين : مش مرتحالكم انت و هو
جاسر : ليه كده بس ...... ده احنا حتي غلابه
محمود و هو يخرج من الغرفه : انا ماشي ..اصل لو قعدة اكتر من كده الضغط هيعلي عليا
مروان و هو ينظر لجاسر : علي فكره العيله ديه واخده فكره غلط علينا
عمر بسخريه : فكره غلط .... متقلقش احنا وخدين فكره صح اوي
جاسر بضحك : عندك حق ...... احنا اصلا سمعتنا زباله
عمر ببرود : قولي يا جاسر جبت المعلومات اللي مروان قالك عليها
مروان بصدمه : انت عرفت منين اني مكلف جاسر يجبلي معلومات
جاسر و هو بيعد عن عمر : الواد ده شكله مخاوي
مروان و هو ينهض برعب : بسم الله الرحمن الرحيم.... بس يا اخ انت ولا تأذيني ولا أذيك
عمر بغضب و هو يرمي عليهم المخده : انام يا حيوان منك ليه ..... هو انا عشان مش عارف اقوم اضربكم تستعبطوا فيها
مروان و هو يرجع المخده مكانها : طب اهدي كده عشان العمليه بتاعتك
جاسر و هو يجلس بجوار عمر :هو انت عرفت منين
عمر بهدوء : مش عمر الشرقاوي اللي بتسال السؤال ده
مروان و هو يجلس بجوار عمر من الناحيه الاخره : بجد عرفت ازاي
عمر : ما هو انتو لو جيتوا و قولتولي انكم بدور علي خالد ..... كنت قولتلكم علي مكانه من غير لف كتير
مروان بصدمه : هو انت تعرف أن خالد عايش
عمر ببرود : ايوه ..... احنا بندور علي خالد بقالنا سنه .... ويدوبك لسه عارفين مكانه من شهرين
جاسر بفضول : انت و مين بقا اللي بدورو علي خالد
عمر بسخريه : اكيد يعني مش انا و عم عبده البواب
