ماهو ذنبي (مكتملة)

البارت الاول

ملاحظة* القصة لم تحدث بالواقع ابدا هي من وحي الخيال لكن هاذي المواضيع منتشرة جدا بالعراق وحبيت اتطرق الهه

______________________________________
الطفلة روان عمرها ١١ سنة بصف الخامس ابتدائي طفلة حلوة حيل وجميلة عايشة مع اهلهه بأحد محافظات العراق الجنوبية منطقتهم جانت عشائرية وحيل متشددة ومثل عادات قبل

تعيش روان ويا ابوهة

علي / والد روان عمره ٤٩ سنة عندة محل مواد غذائية بمنطقتهم

ايمان / والدة روان عمرهه ٤٥ سنة وهي ربت بيت

كاظم / اخو روان الجبير كلش متعصب ومتشدد عمره ٢٥ يشتغل سايق خط للطلاب وهو متزوج وعندة بنيه صغيرة اسمهة ( رقية )

اقبال/ زوجة كاظم مالهة اذيه ع احد وملتهية برجلهه وبنتهه عمرهة ٢٠ سنة ، عمر رقية سنتين

شهد / اخت روان عمرهة ١٥ سنة مخطوبة وهي صف ثاني متوسط ومبطلة

عادات المنطقة جانت انو البنات وحتى الرجال يتزوجون من وكت جداً يعني بعدهم صغار ويزوجوهم وايضا جان عدهم عيب البنية تكمل مدرسة لمراحل متقدمة يعني جان عدهم بس المهم تعرف تقرة وتكتب
.
.
.
.
تبدأ احداث قصتنة بفصل الشتاء شهر ال١٢
جان الجو بارد حيل ومطر وطين

ام روان / يلا روان كومي كعدي مو عندج دوام

روان / يلا ماما كايمة ، كعدت ورحت بدلت ورحت دا اتريك ، صباح الخير

الجميع / صباح النور

كاظم / شعندج كاعدة بهل وكت

روان / هاا مو عندي مدرسة

كاظم / اكو مدرسة بهل جو والوضعية هاي ، ماكو مترحين

روان / حباب كاظم عليك الله خليني اروح والله عندي امتحان

ابو روان / ميخالف كاظم خليهة تروح تمتحن

كاظم / ماشي بوية احسبي احسابج بس تخلصين السادس تبطلين

روان / صمت 😶😶

روان / تريكت وكعدت دا اراجع وكعدو اهلي كلهم احنة نظام بيتنه من قبل الثمانية الكل يكعد ، راح كاظم لشغلة وبقينة احنة

شهد / روان ابوي يصيحج

روان / صار ،كمت بسرعة ع ابوي ، ها بابا

ابو روان / بيش الساعه تحلين من المدرسة اليوم

روان / بابا اليوم دوامي ظهري يعني ع ال ٤ العصر

ابو روان / هااا يلا ، عبالي ترجعين من وكت ع مود نروح لبيت جدج

روان / بعد ما غسلت مواعين الريوك وشوية قريت رحت للمدرسة هي مو حيل بعيدة ، وصلت المدرسة ومو الكل جان موجود بسبب وضع الجو المهم دخلت الامتحان وجاوبت الحمد لله وبعدين ظلينة كاعدين ونسولف لان حتى المعلمات مو كلهن موجودات بعد ساعتين تقريبا من الدوام كالت المديرة ......