ماهو ذنبي (مكتملة)

البارت السابع

رجعنة حبايبي بالبارت السابع .........
.
.
.
روان / حكمت المحكمة ع ذاك الرجال بسجن مؤبد لان طلع مارس هاذي الجريمة ويا أكثر من طفلة وحكمو ع كاظم بالأعدام لان قتل اختي شهد هنا اني جنت كلش مرتاحة حرفياً خصوصا اني اخذت حقي من الي دمر حياتي واخذت حقي من الي ظلمني وظلم اختي هم هسة شهد اكيد ارتاحت مراح دمهة هدر الحمد لله على كل شيء الله ابد ما يقبل بالظلم وكل ظالم ياخذ جزائة وانتهت المحكمة ورجعنة للبيت وجنت فرحانة حيل ولا كأنو كاظم اخوي لان هو خلاني اكرهة وأكره روحي هم .........

يوسف / هسة ان شاء الله روونة مرتاحة

روان / ايي اكيد مرتاحة 😁

يوسف / ايي لعد اريد اقترح عليج موضوع

روان / شنووو

يوسف / ليش متكملين دراسة

روان / هااا دراسة

ام يوسف / ايي والله خوش فكرة وهم تتونسين وتغيرين جو

يوسف / انتي يا مرحلة

روان / خامس وبطلت

يوسف / خووش لعد هسة اقدملج ع خارجي سادس وبس تخلصين اقدملج ع الثالث هم

روان / شكرررا والله كلش حبيت الفكرة 😍😍 ، قدملي يوسف وقبلوني وجابلي كتب واشتريت ملابس مدرسة كلش جنت فرحانة رجعت عبالك طفلة وتحضر للمدرسة وظليت اقرة وهو هم الشي الي ما اعرفة يقريني .......

روان / يوسف حباب باجر عندي رياضيات واكو كم موضوع ما اعرفهن

يوسف / ولا يهمج بنيتي تعالي اقريج ، كعدنة نقرة وفهمتهة كلشي وبعد ما كملنة ...

روان / شكراا يا احلى يوسف بدنيا

يوسف / هههه تدللين روونة ، صدك باجر اخر يوم موو

روان / ايي أن شاء الله

يوسف / خووش عود اكعدي من وكت مو تشلعين گلبي مثل كل مره 😂

روان / اننننن 😝 ، رحت حضرت غراضي ونمت 😴😴

ام يوسف / ولج كعدي روان تأخرتي ع الامتحان

روان / همممم 😴😴

ام يوسف / ولج كووومي الساعة ب ٨ ونص

روان / هاااااا شنوو لاا

ام يوسف / لا لا جذب بنيتي على مود تكعدين بس 😂

روان / مااااماااا 😒

ام يوسف / يلا بسرعة بدلي وتعالي تريكي يوسف ينتظرج

روان / غسلت وبدلت بس احس بطني توجعني شوية بس عبالي شي عادي رحت صبحت عليهم وتريكت واخذني يوسف للأمتحان وظل ينتظرني لحد ما اكمل واني داخل الامتحان بطني موتتني بحيث لو ماعيب جان كمت ابجي 😢 كوة كدرت اكمل الامتحان وطلعت كوة امشي من الوجع رحت للسيارة ......