ماهو ذنبي (مكتملة)

البارت الرابع

يلا حبايبي نبدي بالبارت الرابع.....🌟💘
.
.
.
روان / اجتني فكرة انو انهزم من البيت ايي انهزم وشيريد يصير خلي يصير اذا عرفو اهلي يذبحوني خلي انهزم احسلي ، رحت بسرعة حطيت ملابسي مجنطة وظليت كاعدة انتظر نومتهم تثكل واطلع ، كعدت وجنت لابسة الرداء والشال وبيدي الجنطة وحايرة شنو اسوي وين اروح احي روحي تايهة ضايعة حطيت ادية وكمت ابجي 😭😭 ليش هيج ديصير وياي يربي بعدين كلت خلص خلي اظل بس اكو شي بداخلي يمنعني تقريبا الساعة ب ٣ الفجر قررت اطلع وفعلا صدك طلعت ع كيفي من البيت واول ما صرت بالشارع كمت اركض مثل الخبلة مثل الي كأنو اكو احد يلحكهة اركض بسرعة واني ما ادري وين اروح جان اسوء شعور 😢 بعدين حسيت نفسي تعبت كعدت يم شجرة دا ارتاح واخذتني النومة 😴😴
.
.
.
يوسف / اني يوسف عمري ٢٣ سنة عايش وية امي ابوي متوفي وعندي اخت وحدة متزوجة عايشين بمنطقة اطراف المحافظة اني اشتغل ويا صديقي محل مال تلفونات احنة ناس من اهل اول وابد ما نحب الشر والمشاكل ......

فد يوم طلعت من البيت من وكت لان اليوم لازم اروح انضف المحل وترتيبات هم فلازم اطلع من الصبح اول ما طلعت لكيت بنية شكلهة بعدهة صغيرة نايمة قرب الشجرة مالتنة استغربت حيل خصوصاً جان وجهة كلش تعبان ومورم

يوسف / احمم احمم يبنية يبنية 🙄

روان / اول ما فتحت عيوني شفت ولد شاب كبل فزيت اتذكرت الي صار وياي فكرت راح ينعاد مرة ثانية ......

😭😭😭 شتريد مني عوفني الله عليك لا تسويهة 😭😢

يوسف / شبيج اختي ممكن افهم لتخافين ترة ما اسويلج شي بس فهميني انتي منو

روان / انيي انيي روان 😢😥

يوسف / لتخافين تعالي دخلي للبيت راح اناديلج امي

روان / 😐😥

يوسف / يمة يمة تعالي عفية

ام يوسف / هاا يمة شبيك ، يمةةة اسم الله مني هاي البنية

يوسف / تعالي يمة خلي ندخلهة للبيت شكلهة تعبانة مو حلوة كعدتهة هنا وهم نفتهم منهة

ام يوسف / كوومي بنيتي الحبوبه كومي

روان / كلش ارتاحيتلهم فكمت دخلت وية المرة للبيت وخطية ما قصرت وياي صبتلي اكل وانوب ملتلي غسلي وانطتني ملابس عدهة هم وكالتلي ...

ام يوسف / كعدي بنيتي ارتاحي ولتخافين من شي هدي نفسج وبعدين نحجي بالموضوع لتخافين من شي

روان / شكرا خالة ، طلعت وخلتني بالغرفة ع مود انام وارتاح شوية واني هم جنت حييل تعبانة فنمت 😴😴😴

يوسف / هاا يمة شنو قصتهة

ام يوسف / يمة البنية شكلهة حيل تعبانة خلي تنام ترتاح ومن تكعد سولفلي وانتة هم روح للمحل لتتأخر