عشق ما وراء الستار

البارت الاول ❤️

الحب يحتاج إلى قلوب لا تعرف معني الاستسلام لأنه ببساطه يكون حرب بين القلوب ❤️
                                        ♪ عبير صابر♪
                           ••••••••••••••••         
في صباح يوم الجمعة نذهب إلى قصر عائله الهلالي التي تعرف بأنها من أعرق العائلات في القاهرة.
علي سفرة العائله يوجد محمد الهلالي كبير العائله يجلس على طاولة الطعام و ينتظر باقي افراد العائله لكي يتناولوا طعام الإفطار مع بعضهم البعض.
جاءت زوجة محمد التي تسمي هدي وهي تضع
الطعام علي السفره.
محمد: فين يا هدي الاولاد مفيش حد نزل يعني.
هدي: هينزلوا دلوقتي ولم تكمل باقي حديثها
لينزل كلا من عبد الحميد وجمال وعصام.
عصام: احنا جينا اهه يا محمد .
هدي : طيب كويس هروح انا اشوف باقي الاكل مع ساميه وفاطمه.
جمال وهو يجلس على الكرسي بجانب أخيه
محمد: صباح الخير يا محمد.
محمد: صباح النور عليكم اومال فين أولادكم.
عصام : نازلين ورانا ولم يكمل حديثه ليقاطعه صوت مزعج نعم يا ساده إنه اياد مصدر الازعاج في هذا المنزل.
اياد : صباح الخير يا حماده يا حبيبي-صباح الخير يا
جدعان 😂 مش لازم اسامي يعني.
محمد: انا كنت بسال عن أهل البيت مش عليك انت.
اياد: ايه يا حاج اومال انا من فين يعني من اهل الكهف مثلا ما انا من اهل البيت لو عندك شك
قولي .
عبد الحميد (والده): انا ابوك والله وعندي شك في تربيتك يا زباله.
جاءت ساميه والده آسر وهي تضع الطعام علي السفره: ليه كدة دة البسكوته بتاعت البيت.
اياد: قولي ليهم يا سمسم مفيش حد عارف قيمتي في البيت ده غيرك انتي ما
تجيبي بوسه بقي 😘.
عصام زوجها: احترم نفسك يا واد بتبوس مراتي قدامي 😂.
اياد وهو يجلس انا وانت واحد يا حبيبي
اي يعني 😂 .
محمد : بس بقي يا زفت انت ده انا دماغي هتنفجر منك يا ساتر عليك 🙄.
اياد : خلاص مش هتكلم .
وفي هذا الوقت تنزل بطلتنا بطلتها التي تسلب العقل وضحكتها التي تزين وجهها دائما.
روفان وهي تنزل من علي الدرج: صباح الخير يا جماعه.
الجميع: صباح الخير يا روفان.
روفان وهي تتجه ناحيه والدها جمال: صباح الخير يا بابا وقامت بتقبيله.
جمال : صباح الخير يا حبيبتي.
روفان : صباح الخير يا عمو وقامت بتقبيله أيضا.
محمد: صباح النور يا قلب عمو .
اياد وهو يكاد يغشي عليه من أثر الصدمه."هل هذه روفان مصدر الازعاج معي في هذا المنزل"
روفان : مالك بتبص كدة ليه 🙄.
اياد : مين دي يا جدعان 😳 مستحيل تكون روفان مصدر المصائب معايا اكيد ده تأثير قلة الاكل"
حطي الاكل يا صفصف البت هتروح مننا 😂"
روفان وهي تجلس بجانبه: ليه إن شاء الله هو انا لما
ابوس بابا وعمو وأصبح عليهم ابقي
كده تعبانه 🙄 .
عبد الحميد: لا يا حبيبتي بعد الشر عليكي وبعدين
هو في حد ياخد علي كلام المجنون دة انا أبوه ومتبري منه صدقيني.
اياد وهو ينظر لهم نظرة استحقار: انتوا عيله انتوا ده انتوا اعدائي مش أهلي خالص وانتي يالي اسمك روفان انتي.
روفان : وهي تنظر له وبضحكه مكتومه: مالي إن شاء الله.
اياد: ابقي شوفي مين هيعمل معاكي
الاندومي بالليل😂.
روفان: احممممم ما خلاص يا اياد ده انت بتزعل علطول يا اخي مش كدة.
قاطعهم صوت فاطمه والدة روفان: بس بقي يا روفان انتي واياد يلا يا اياد روح صحي سيف علشان ينزل يفطر.
اياد: معلش كده قولي اصحي مين كده تاني اصل سمعي تقيل بعيد عنك 😂.
روفان وهي تقترب من أذنه وبصوت عالي:
بتقولك روح صحي سيف.
اياد وهو يقوم من علي الكرسي اثر صوتها المزعج:
حراام عليكي خليتني اطرش منك لله يا شيخه ما
انا سمعت بس مش هقوم .
فاطمه وهي تدخل المطبخ: ربنا يشفيك يا ابني انت وبنتي يارب.
روفان وهي تنظر له: ليه بقي مش هتطلع .
اياد: هو انا لاقي نفسي انا مش عاوز اموت
دلوقتي انا لسه صغير علي الموت روحي انتي 😂.
روفان وهي تحاول أن تكون طبيعيه: وانا اطلع ليه مش ماما قالت ليك انت يبقي خلاص.
اياد وهو يحاول أن يستفز روفان:
قولي بقي انك خائفه من سيف.
محمد والد سيف: بس يا زفت انت ليه هو سيف ماشي بسكينه في جيبه علشان تخاف منه.
روفان : قول ليه يا عمو .
اياد بطريقه مستفزة اكتر: طيب يلا بقي اطلعي .
روفان: بس يا اياد علشان انا فهماك وبعدين مش اللي
اخاف يا بابا ده انا اللي يكلمني اعمل منه
بطاطس محمرة 😌.
اياد وهو ينظر في مكان ما خلفها:
طيب بس لأحسن انتي اللي هيعمل منك بطاطس محمره دلوقتي.
روفان وهي لا تفهم طريقة كلامه: نعم انت
بتقول اي مين اللي هيعمل مني بطاطس محمره"
ده سيف هو سيف نفسه ميقدرش يعملها" سوري
يا عمو محمد يعني ع الكلام اللي انا هقوله .
محمد : قولي براحتك انا خايف عليكي انتي.
روفان: انا كنت فين آه افتكرت ده لو سيف هو سيف نفسه فكر بس مجرد تفكير كدة انا هعمل منه كل أشكال البطاطس اللي انا بحبها  ولم تكمل
حديثها ليقاطعها صوت ما:  ويا تري بقي نوعها اي البطاطس دي بقي 🙄. كان هذا صوت سيف للاسف الذي نزل من دقيقه تقريبا.
روفان : وهي تنظر إلي اياد وهي ع وشك البكاء:
اوعي يكون اللي في بالي.
اياد:  كان نفسي اقولك لا مش هو بس للاسف طلع هو 😯.
روفان : روح يا شيخ طمنتني.
سيف وهو ينظر لها :  صباح الخير يا جماعه .
الجميع: صباح النور يا سيف.
روفان وهي تحاول أن تتماسك أمامه: صباح النور
هدي : اومال فين الباقي
انا جيت وكان هذا صوت داليدا شقيقه سيف
اياد وهو يضع الطعام في فمه: ضلمتي البيت يا ختي
اقعدي من غير صوت يلا
ساميه وهي تضربه علي ذراعه: بس يا واد انت حد يقول للقمر ده ضلمتي البيت.
روفان: أيوة يا عم بقي احلويتي من غيري يا
فوزيه
داليدا وهي تجلس بجانبها هي واياد ابدا والله يا
سعديه
في نفس الوقت نزل آسر وعمر وجلسوا في أماكنهم
ساميه : اومال عدي مجاش ليه يعني لحد دلوقتي
انا جيت اهه يا ست الكل كان هذا صوت عدي فهو يعتبر شخص من العائله ودائما يكون موجود في اي
تجمع
اياد: جبنا سيرة القط طلع ينط
ساميه وهي تحضن عدي فهي تحبه مثل آسر ابنها: بس يا واد يا اياد انت متعرفش تقعد ساكت ابدا
اياد وهو يضحك: انا والسكوت ملناش سكه مع بعض
جمال والد روفان: طيب حاول يلا يا عدي يا حبيبي علشان نفطر اقعد
عدي: حاضر يا عمي
عمر وهو ينظر إلي اياد الذي اوشك علي أن يتحدث:
يلا نفطر في اليوم ده وياريت تسكت شويه يا عم اياد ممكن ولا مش ممكن
اياد وهو يمثل أنه يفكر: افكر
محمد: بس بقي يلا يا زفت ابدأ اكل يلا
وبدأ الجميع في تناول طعامهم في جو عائلي جميل
جدا تعشقه بلا شك
••••••••••••••
بعد الانتهاء من تناول الإفطار بدأت روفان وداليدا المساعده في المطبخ
و الشباب جلسوا في الحديقه يتسامرون مع بعضهم والكبار جلسوا في غرفه المكتب يناقشون في أمور العمل
في المطبخ نجد أن الجميع منشغل بشئ يفعله و لكن روفان لا تفعل شئ سوى أنها تمسك هاتفها في يدها
وتتابع مواقع التواصل الاجتماعي كما يفعل معظمنا 😂
فاطمه والدتها : روفان سيبي اللي في ايدك وخدي العصير ده للشباب يلا يا بتت
روفان وما زالت عينيها في هاتفها: لازم انا يعني يا ماما ما تخلي داليدا
والدتها : داليدا بتعمل القهوة لابوكي والباقي
روفان بتأفف: ماشي يا ماما فين العصير ده علشان نخلص
والدتها وهي تعطيها الاكواب: خدي وياريت تاخدي بالك
روفان: ماشي يا ماما
والدتها في سرها: ربنا يسترها هسمع صوت حاجه بتتكسر دلوقتي انا عارفه بنتي
عند الشباب
اسر: يا جدعان انا عاوز أخرج ده هو اليوم الوحيد اللي احنا بنقعد فيه مع بعض.
عمر: عاوز تروح فين ما احنا مع بعض اهه
اياد وهو ينظر لهم جميعا: تصدق احنا مع بعض فعلا انا مكنتش اعرف كويس انك قولت كنت فاكر اني قاعد لوحدي
عدي: خلاص يا ظريف زمانك اسكت
فجأة وقف سيف: انا هعمل مكالمه وهاجي تاني.
في نفس الوقت كانت روفان تحمل اكواب العصير و تدخل الحديقه.
سيف وهو يسير وعينيه تركز في شئ ما في هاتفه و روفان فيما تحمله في يديها.
وفجأة الاثنين يصدمان في بعض وكل ما كان موجود في الاكواب صار علي قميص سيف الذي أصبح الوان 😯.
روفان بصدمه احييه والله مكنش قصدي انت اللي طلعت قدامي.
سيف وهو ينظر إلي قميصه ثم نظر لها نظرة تدل على أن روفان سوف تصبح من ضمن الاموات الان
اياد وهو يشاهد باستمتاع وبجانبه أسر مثلما يشاهدون فيلم ما.
اياد تفتكر هيعمل فيها اي
اسر وهو يشاهد معه اكيد هيقتلها
اياد وفجأة نظر له بصدمه تصدق ده مفتري و يعملها 😂

شكل روفان وهي بتقول انا اطلع ليه علشان اصحي سيف 😂

شكل روفان وهي بتقول هعمل من سيف بطاطس محمره 😂

شكل اياد لما أبوه قالوا انا متبري منك 🙄 اياد بيقول هو انتوا عيله انتوا😂

شكل روفان لما عرفت أن سيف وراها 😯