عشق ما وراء الستار

البارت الثالث❤️

سيف وهو يلتفت لكي يذهب الي غرفته ولكن وجد أمامه روفان وتنظر له نظرة غريبه اول مرة تنظر له هذه النظرة
سيف باستغراب: بتعملي ايه يا روفان
روفان وهي تحاول أن تخرج بعض الكلمات: هو انت ...كنت بتكلم مين
سيف وهو يعقد حاجبيه : وانتي مالك انا بكلم مين
روفان: مش قصدي يعني عادي بسال
سيف وهو بدأ يشك في ارتباكها هذا: مالك يا روفان انتي مش طبيعيه
روفان وهي تحاول أن تمالك أعصابها: لا مفيش انا كويسه تصبح على خير وتركته وصعدت الي غرفتها من دون حتي أن تسمع رده عليها .
سيف باستغراب: مالها المجنونه دي
وصعد هو الآخر الي غرفته ولكن ما زال يفكر في روفان لماذا كان يظهر علي وجهها الخوف والارتباك
أما روفان فكانت تفكر من المتصل هذا هل يا تري سيف ولكن لا سيف لا يفعل هذا اذا من هذا 
روفان : ممكن يكون حد بيعمل فيا مقلب اكيد بس مين بقي اكيد الرخم سيف هو مفيش غيره بس هو هيعمل كدة ليه برضه انا بكره هقول العيال وهما  هيساعدوني اكيد هنلاقي حل .
وقد نامت وهي تفكر من هذا وماذا يريد منها
••••••••••••••••••••••••••
في مكان أول مرة نذهب إليه :
المجهول1: كان واحشني صوتك اووي .
المجهول 2: انت تعرفها من فين وحبيتها امتي عاوزه افهم
المجهول1: حبيتها زي ما حبيتها انت مالك هو الحب فيه ازاي
المجهول 2: ماشي بس انت هتفضل كده كتير ما انت اكيد ليك خطه صح ولا ايه
المجهول 1: وقد ظهر علي وجهه ابتسامه خبيثه: طبعا وفي خلال الاسبوع ده هبقي صديق العيله المقرب
المجهول 2: طيب انا هيبقي ايه دوري في اللعبه دي
المجهول 1: انتي بقي هيبقي ليكي دور كبير اووي بس استني شويه وهتعرفي كل حاجه
•••••••••••••••••••••••••
اشرقت الشمس لتعلن عن يوم جديد ملئ بالاحداث لابطالنا
نذهب الي غرفة المجنونه خاصتنا نري هاتفها يرن ولكنها ما زالت تغرق في نومها .
روفان وهي تحاول أن تفتح عينيها:مين الرخم اللي بيتصل علي الصبح ده ، ثم قامت بالتقاط هاتفها لتري اسم صديقتها ميرنا
روفان وهي ترد: طبعا ما انتي بقي بتنامي بدري وتصحي بدري وتصحينا معاكي مش كده
ميرنا وهي تضحك علي صديقتها المجنونه: قولي صباح الخير الاول حتي
روفان: صباح الخير أهو كدة كويس
ميرنا : اه يلا قومي البسي انا جايه ليكي في الطريق علشان نخرج شويه ونشوف البت فرح
روفان: ماشي بس البت فرح مش هتعرف هي زمانها دلوقتي في طريقها للشركه علشان أن شاء الله هتشتغل
ميرنا وقد سعدت بهذا الخبر: بجد فرحتيني وهتشتغل ابن بقي البت دي
روفان : ربنا يسترها اياد قال ليا هتشتغل سكرتيرة اسر بس مش مطمنه فرح وأسر مع بعض وفي مكان واحد سيف هيولع فيهم
ميرنا : ليه يعني أن شاء الله خير علي العموم انا قربت من البيت يلا سلام مؤقت
روفان وهي تقوم من علي السرير: سلام انا هجهز علي طول
••••••••••••••••
اياد وهو ينادي علي اسر لكي يذهبوا الي الشركه
ياعم اسر يلا منك لله هنموت بسببك النهاردة
روفان وهي تنزل بعد أن جهزت ولكن وجدت امامها اياد ما زال في المنزل
روفان بصدمه: هو انت لسه مروحتش الشركه وفرح زمانها رايحه روح بسرعه اجري سيف راح الشركه البت ممكن تنتحر لو هو اللي قابلها
اياد: ما انا رايح اهو بس مستني الزفت اسر وبعدين متقلقيش انا معرف السكرتيره بتاعتي تاخدها المكتب بتاعي لحد ما اروح ليها
روفان وقد هدأت قليلا : الحمدلله طيب يلا بقي امشي
اياد: هو في ايه هو انا اي حد يشوف خلقتي يقول ليا امشي حاضر بس مستني الزفت اسر وهمشي
آسر وهو ينزل: الزفت اسر جهز يلا نمشي
اياد: يلا يا خويا ده كله
روفان وقد بدأت تدفعهم لخارج المنزل : يلا بقي امشوا
آسر: في ايه هو للدرجاتي محدش طايقنا
روفان وقد نجحت في إخراجهم من المنزل: آه يلا بقي مع السلامه
اياد: ماشي افتكريها يا زباله يلا يا أسر علي الشغل بتاعنا  احسن من الاشكال دي
آسر: يلا بينا
وقد ركبوا سيارة اياد وذهبوا مع بعض الي الشركه
بعد أن ذهبوا قامت روفان بالاتصال علي صديقتها ميرنا
ميرنا وهي ترد عليها : خلاص انا وصلت اهو يا بنتي
روفان : انا قلقت علشان اتاخرتي
ميرنا وهي تنزل من سيارتها : خلاص وصلت يعني اقفلي يا رخمه
روفان: معلش نسيت ،وحشتيني اووي يا زفته
ميرنا وهي تقوم بمعانقتها: انتي ليه محسساني أننا لينا سنين مش بنشوف بعض ده احنا كنا مع بعض من يومين
روفان : عادي مش اصحاب يلا ندخل جوه علشان نرغي براحتنا
ميرنا: يلا بينا
•••••••••••
في شركه الهلالي للاستيراد والتصدير فهي تعد من أكبر الشركات في الشرق الأوسط
نجد سيف يجلس بهيبته ووسامته التي تخطف العقل يقوم بتوقيع بعض الأوراق التي أحضرتها  له السكرتيرة 
سيف بعد أن انتهي من التوقيع: اياد وأسر وصلوا ولا لسه
السكرتيرة : لسه يا فندم
سيف وقد مل من هذا الثنائي المشاغب: بعدين بقي فيهم ثم نظر إلي السكرتيرة: خلاص تقدري تروحي تشوفي شغلك
السكرتيرة: بعد اذنك يا فندم
بعد أن خرجت السكرتيره
سيف وهو يلتقط هاتفه من علي المكتب أمامه: لما اشوفكم بقي انتوا فين
في سيارة اياد
اياد وهو يقود السيارة: سيف بيتصل نهارنا فل انا وانت يا غراب
آسر: وانا مالي يا عم رد عليه وقوله احنا في الطريق
اياد: يلا هي موته ولا اكتر
ثم قام بالرد عليه: أيوة يا سيف يا حبيبي عامل ايه
سيف بعصبيه: انت فين يا زفت انت والزفت التاني
اياد: احنا في الطريق هتقفل وهتلاقينا في قفاك 
قصدي هتقفل وهتلاقينا قدامك😂
سيف : لما اشوف قدامكم عشر دقائق لو اتاخرتم  دقيقه زياده متلوموش غير نفسكم سامع يا أسر وقول للبهيم التاني
آسر ببسمه غبيه : حبيبي ازيك واحشني سامع والله  سامع والبهيم جمبي وسامع ولكن سيف قام بإغلاق الخط في وجههم
اياد وهو ينظر إلي أسر: انا بهيم وانت يا اخويا فرحان اوووي وانت بتقولها
آسر: وانا اعمل ايه يعني ولكن قطع حديثه وهو يري أمامهم فتاه
آسر وهو يصرخ في اياد: خلي بالك يا اياد
ليقوم اياد بضرب فرامل السيارة لتتوقف بسرعه علي اثر صرخه الفتاه
آسر وهو يركض إليها: انتي كويسه يا آنسه
ولكنها واقفه في مكانها ومغمضه عينيها
آسر: يا آنسه ردي عليا
الفتاه وهي مازالت مغمضه عينيها: انا مت انا مت ليه كدة كان نفسي اكل المحشي الاول
اياد وهو يحاول أن يستوعب الكلمه: معلش بس هي قالت محشي
آسر بصوت عالي: يا آنسه انتي عايشه ثم قال بضحك : وهتلحقي تأكلي المحشي متقلقيش
الفتاه وهي تفتح عينيها لتجد أمامها أسر: منكم لله كنت هموت بسببكم وانا لسه صغيره علي الموت
اياد: خلاص مكنش قصدنا
آسر وهو ينظر لها : احنا بنتاسف ليكي مكنش قصدنا اكيد يعني
الفتاه : اسفك عندك مش عاوزة حاجه منكم وتركتهم وذهبت وهي ما زالت تقول كلام غير مفهوم
آسر وهو ما زال ينظر إلي مكانها: اي البت المجنونه دي
اياد: يا عم سيبك منها دي واحده هبله يلا احنا احسن ما نتقتل
وركبوا السيارة وكملوا طريقهم نحو الشركه
•••••••••••••••••••••••••••
في قصر الهلالي
نجد ميرنا تجلس وامامها روفان ولكن لا يتحدثون
ميرنا: يا بنتي في ايه ما تتكلمي مالك قولتي في موضوع مهم ومش عارفه ايه ومفيش غير الصمت مكنتش اعرف ان الموضوع مهم اووي كده روفان وهي تنظر لها هل تقول لها الآن ام لا ولكن استقرت علي أن لا تقول
روفان: بقولك ايه تعالي نتصل نشوف فرح نطمن عليها
وقامت بالاتصال على صديقتهم
فرح وهي تقف أمام الشركه بانبهار فمثل هذه الشركات لا نراها الا بالتلفاز
فرح: ايه الشركه دي كلها انا هشتغل هنا ولكن قاطعها رنين هاتفها
فرح : أيوة يا روفان
روفان: ايه عملتي ايه وصلتي الشركه ولا لسه
فرح وهي ما زالت تنظر الي الشركه:أيوة يسطا وصلت بس انتوا طلعتوا عيله كبيرة اووي يا بتت
روفان : يلا بس ادخلي وأسالي علي مكتب اياد الهلالي
فرح وهي تدخل الشركه: ماشي انا دخلت اهو يلا سلام بقي دلوقتي
ثم أغلقت معها
ميرنا: ايه عملت ايه
روفان : ربنا يسترها لسه داخله الشركه
نعود إلي فرح
رأت موظف ما عابر من أمامها
فرح: لو سمحت فين مكتب اياد الهلالي
الموظف: عندك هتدخلي شمال في يمين وبعد كده امشي علي طول هتلاقي مكتب السكرتيرة بتاعته
وتركها وذهب من غير أن يعرف هل فهمت ام لا
فرح وهي تحاول أن تستوعب الذي قاله : أيوة برضه امشي ازاي انا ايه الغبي ده ما كان يستني لحد ما افهم حتي، بصي يا بت يا فرح امشي وتوكلي علي ربنا وزي ما تيجي تيجي بقي وقد مشيت مثل ما قال ولكن رأت أمامها فتاه جميله جدا
فرح: لو سمحتي فين مكتب اياد الهلالي
الفتاه : هنا انا السكرتيرة بتاعته عاوزة حاجه
فرح: انا كنت جايه في مقابله شغل وكده يعني وهو عارف
السكرتيره: انتي الانسه فرح
فرح: أيوة زي مسلسل الانسه فرح كده
السكرتيره باستغراب: نعم
فرح : لا مفيش أيوة انا الانسه فرح
السكرتيرة: مستر اياد سايب خبر اني ادخلك مكتبه لحد ما يوصل اتفضلي معايا
فرح في سرها: ايه البت العسليه دي مش زي الغراب اللي انا شوفته
وذهبت معها فرح الي مكتب اياد
السكرتيره: اتفضلي اقعدي ومستر اياد علي وصول
فرح وهي تبتسم لها : شكرا
ذهبت السكرتيرة وتركت فرح تنظر إلي المكتب بانبهار مثل الشركه
••••••••••••••••••••••••
آسر واياد بعد انا وصلوا الشركه
آسر: يلا بقي انا هروح مكتبي
إياد: لا تعال معايا عاوزك في حاجه
آسر: ايه هي الحاجه دي
إياد: تعال بس وقام بسحبه معه
السكرتيره: مستر اياد الانسه فرح وصلت ودخلتها المكتب زي ما حضرتك أمرت
إياد: شكرا يا روميساء
آسر باستغراب: مين فرح دي
اياد: هتعرف دلوقتي
وقام بفتح باب مكتبه ولكن توقفوا من الصدمه
آسر: هو انتي
فرح وهي تنظر إلي الصوت وفجأة شهقت من الصدمة : هو انت
••••••••••••••••
في مكتب سيف
السكرتيره وهي تدخل الي سيف : مستر سيف في واحد بره عاوز حضرتك ورافض يقول اسمه
سيف باستغراب: مين ده، طيب دخليه
السكرتيره وهي تخرج الي هذا الشخص: اتفضل مستر سيف في انتظارك
ثم دخل الي سيف 
سيف وهو يصافحه : ممكن اعرف حضرتك الاول
الشخص: انا زياد، ذياد الدمنهوري

يتبع
# عبير صابر
# هاجر ايمن