عشق ما وراء الستار

البارت الثاني ❤️

ادمنت صوتك .....والادمان أذواق
فالعين تعشق ...واللذان تشتاق❤️
                               «هاجر ايمن »

روفان : والله مكنش قصدي
سيف وهو يحاول أن يتمالك أعصابه حتي لا يقتل هذه الغبيه التي أمامه : ايه اللي انتي عملتيه ده
روفان: قولت ليك مكنش قصدي وبعدين هو في حد يمشي يكون لازق عينه في الموبايل ما تدخل جوان احسن .
سيف بغضب: بقولك ايه انتي تسكتي خالص ماشي وياريت بعد كدة متعمليش معاهم حاجه في المطبخ طول ما انتي فاشله كده
روفان بتكبر : نعم مين اللي فاشله أن شاء الله ده انا عارفه كل حاجه بس مش بقول علشان بخاف من الحسد😌.
اياد وهو يقاطعهم : بتعرفي ايه بس ياختي ده انتي البيض مش بتعرفي بيتسلق ازاي يا شيخه ده انا اللي بعمله ليكي
سيف بضحكه عاليه خطفت قلب هذه المجنونه:باين
فعلا انك عارفه كل حاجه خليكي علي كده
علشان محدش يحسدك .
روفان وهي تكاد أن تشتعل غيظا من هذا المخلوق
الذي أمامها : تصدق انك انسان رخم وبارد كمان
ثم تركته وغادرت من أمامه تاركه خلفها هذا السيف يريد قتلها فكيف تجرؤ أن تقول لي هكذا
ولكن قاطع له تفكيره عمر : خلاص يا سيف
مكنش قصدها انت عارف روفان يلا روح
البس حاجه غير القميص ده
اياد وهو يقترب منهم وعلي وجهه ابتسامه غبيه : استني يا سيف ثواني
سيف وهو لا يفهم ماذا يريد منه هذا المجنون : نعم عاوز ايه مني
اياد وهو يخرج هاتفه : هصورك وانت كده ده حدث تاريخي مش بيحصل غير فين وفين
سيف وهو يكاد أن يصيب بشلل من هؤلاء المجانين : لا كدة كتير بجد كتير يعني ثم تركهم ودخل لكي يقوم بتبديل قميصه الذي خربته المجنونه روفان
اياد : هو ماله اتعصب كدة ليه ده انا هخليه مشهور حتي
عدي: والله بتسال اسكت يا اياد اسكت خالص
•••••••••••••••••
في الداخل
داليدا: فين روفان يا بطوط
فاطمه والدة روفان : راحت تطلع العصير
للشباب بس اتاخرت ولم تكمل حديثها لتدخل روفان
وعلي وجهها علامات الغضب.
داليدا: يا ساتر يا رب مالك في ايه
روفان بغضب : اللي اسمه سيف ده دمه سم كل ده علشان العصير اتدلق عليه اتعصب وكان ناقص يضربني بالقلم
والدتها فاطمه: والله كنت عارفه انك هتعملي مصيبه
روفان: وانا مالي مش هو اللي ماشي مش شايف قدامه
والدتها: هو برضه
روفان : آه وياريت بقي محدش يجيب سيرته قدامي بتعصبني
داليدا بضحكه غبيه للغايه : ده اخويا سيف صح
روفان: ياختي اتنيلي انتي واخوكي اتبري منه يا بتت والله احسن
والدتها : خلاص بلاش زن وبعدين يلا هش من المطبخ شوفوا وراكم ايه
روفان: طالعين حاضر وبعدين انا هروح اشوف البت فرح
داليدا : سلميلي عليها
••••••••••••••
في احد الأحياء الشعبية البسيطة نسمع صوت المهرجانات الشعبيه التي يسمعها معظم الشباب في هذه الأيام تأتي من منزل بسيط للغاية نجد هذه الجميله فرح تتراقص علي تلك الأغاني ولكن جاء صوت والدتها لتقاطعها عن اندماجها مع الاغاني
والدتها خديجه: يا بنتي اقفلي الزفت ده دي أصوات حد يسمعها اصلا وبعدين الموبايل بتاعك بيرن يا بنت الهبله
فرح بعد أن أغلقت الاغاني : في ايه يا ماما هو انا معرفش اسمع حاجه خالص في البيت ده وبعدين مين اللي هيعبرني غير حد من الشله الفاشله يعني
والدتها: طيب يلا خلصي علشان تروقي الشقه
فرح: حاضر يا ماما اشوف بس روفان الاول
وقامت بالرد على روفان:
أيوة يا بتت في ايه عاوزة ايه
في يومك ده تخلصي يلا
روفان : يخربيتك ده كله في نفس واحد اهدي شويه
فرح: معرفتش اسمع الاغنيه اللي بحبها بتاعت الواد
الحليوه اللي اسمه مسلم بسببك
روفان وهي تضحك علي صديقتها المجنونه التي مثلها اكيد : طيب معلش وبعدين انا بتصل علشان اعرف عملتي ايه لقيتي شغل ولا لسه
فرح: لا لسه يا روفان وزهقت ومش عارفه اعمل ايه لازمه التعليم بقي مكنتش اتعلمت احسن
روفان بغضب من تفكير صديقتها: لا طبعا ايه اللي انتي بتقوليه ده شهادتك هي كيانك وبعدين
إن شاء الله هتلاقي شغل مناسب ليكي وخليكي متفائله شويه
فرح : انا متفائله اووي بس مفيش حاجه بتحصل
روفان وقد تذكرت أمر ما : بقولك ايه يا فرح
فرح: ايه
روفان: انا لقيت ليكي خلاص الشغل المناسب .
فرح بحماس: بجد هو ايه طيب قولي
روفان هقولك بعدين سلام دلوقتي وهتصل عليكي وهيبقي معايا اخبار جامده ليكي
فرح يارب يلا سلام
روفان بعد ما أغلقت مع فرح : طيب انا لو كلمت الرحم سيف ده مش هيرضي هو اساسا عاوز يقتلني
فجأة هبت من مكانها : بس لقيتها مفيش غير واحد بس هو اللي هيحصل ليا الموضوع دة
•••••••••••••••••
في غرفة الصالون نجد اياد وأسر ومعهم عصام والد اسر يجلسون ويضحكون علي نكت يقولها لهم اياد
عصام وهو يمسك بطنه من الضحك : بس يا اياد مش قادر خلاص بطني هتنفجر
اياد : استني بس لسه هكمل ليك
ولكن دخلت روفان وجلست بجانب اياد
روفان: اياد عاوزة اتكلم معاك في موضوع
اياد: طيب ثواني
روفان : لا دلوقتي يلا معلش بقي يا عمو
عصام: ولا يهمك يا حبيبتي خديه عندك اهه
اياد : ماشي يا عصام مش هقول ليك نكت تاني
روفان : يلا بقي يا اياد
اياد : حاضر وراكي علي طول اهه
••••••••••••
في حديقه المنزل
اياد : نعم عاوزة ايه يا مصيبه انتي
روفان: اومال فين الباقي كدة يعني مش كنت ا مع بعض
اياد وهو يفهم مغزي حديثها : عدي وعمر بيتكلموا في أمور الشركه بتاعتهم وسيف خرج
روفان : خلاص انا كنت عاوزاك في خدمه
اياد : ايه عاوزة تقولي سيف انا معاكي يلا بينا
روفان : بس يا اياد شايفين بقتل
اياد: اومال عاوزة ايه يلا قولي
روفان: بصراحه كدة في واحده صاحبتي عاوزة اخليها تشتغل معاكم في الشركه
اياد: مين صاحبتك دي
روفان واحده انت متعرفهاش المهم هتعرف تشغلها
اياد: بتفكير معاها ايه صاحبتك دي
روفان: خريجه كلية تجارة انجلش وبامتياز كمان
اياد: طيب كويس الواد اسر كان محتاج سكرتيرة تنفع
روفان بفرحه لصديقتها : بجد انا قولت مفيش غيرك اللي هيحلها ليا
اياد بتكبر : اومال ايه يا بنتي ده انا اياد مش اي حد برضه
روفان طيب يا حاج اياد انا هروح اقول ليها بقي لو كده هتستلم الشغل امتي
اياد: تيجي بكرة ليا علي المكتب وان شاء الله هتستلم الوظيفه الاحد
روفان ماشي يلا بقي سلام
اياد خدتي مصلحتك وهربتي يا زباله
•••••••••••••••••
بعد أن تناولت الأسرة طعام الغداء مع بعضهم صعدت روفان غرفتها واستغلت أن سيف لم يكن موجود معهم لكي لا تحتك معه الان
روفان يلا أما اتصل علي البت فرح علشان تعرف الخبر الحلو ده وقامت بالاتصال بها
فرح ايه يا روفان
روفان : مبروك يا ستي بكرة تروحي علي الشركه بتاعتنا وهتستلمي الوظيفه
فرح بفرحه كبيرة: بجد يا روفان
روفان أيوة بجد هتروحي تسالي علي اياد الهلالي وهو اللي هيفهمك علي كل حاجه
فرح شكرا يا روفان شكرا بجد
روفان مفيش شكر بين الاخوات يلا يا عبيطه يلا روحي نامي علشان تصحي بدري
فرح ماشي تصبحي علي خير
روفان وانتي من اهل الخير يلا بقي اما اروح انام انا التانيه شويه ولكن قاطعها رنين هاتفها برقم غريب
روفان باستغراب: أيوة مين معايا
المتصل: انا اللي ليا كتير اووي بحبك وجن الوقت علشان تكوني ليا انا وبس يا روفان
روفان : الو مين معايا مين ولكن قام بإغلاق الخط
روفان وهي لا تدري ماذا تفعل نزلت إلي الأسفل ولكن أوقفها صوت يأتي من الصالون وكان هذا صوت سيف
سيف : عملت اللي انا قولتلك عليه يعني متعرفش
انت مين
توقف حتي يستمع إلي الطرف الثاني
حلو اووي يبقي اقولك تعمل ايه معاها بعدين
من الصدمه توقفت مكانها لا تقدر علي التحرك هل هذا يعني أنه انا ولكن لماذا في هذا الوقت التفت سيف ولكن وجدها تقف وتنظر إليه بنظرة غريبه .
••••••••
يتبع
#هاجر ايمن
# عبير صابر