عشق ما وراء الستار

البارت الرابع ❤️

نعم اعشقك ولكن أخشي أن اعترف بذلك حتي لنفسي
           عبير صابر♪❤️
••••••••••••••••••••
زياد وهو يصافح سيف: معاك زياد الدمنهوري
سيف وهو يمد له يده: اهلا اتفضل
زياد وهو يجلس : بصراحه انا كنت بسمع عن حضرتك كتير اوووي وعن ذكائك في شغلك وده اللي شجعني اني اجي اقابلك
سيف وهو يتصنع نصف ابتسامه : شكرا علي الكلام ده بس انا احب افهم اكتر ، حضرتك عاوز ايه
زياد بخبث: انا سألت قبل ما اجي اقابلك وعارف قد ايه انت ذكي بس دلوقتي اتاكدت بنفسي
سيف : وبما انك عارف كده ياريت بلاش لف ودوران وجيب من الاخر انت عاوز ايه
زياد وهو يبتسم: لا انا مش بحب اللف والدوران انا بحب اكون صريح وواضح وعلشان كده انا هجبلك من الاخر
سيف: ياريت
زياد بإبتسامه خبيثه: انا حابب اكون شريك في شركات الهلالي
••••••••••
في الشركه
فرح :هو انتم
اياد : بتاعت المحشي
اسر: انتي يا بنتي بتطلعي في كل حته لينا ولا اي 
فرح بغضب : ليه أن شاء الله من كتر اعجابي بيكم
اسر : يمكن عادي يعني
اياد: بس يا أسر استني شويه ثم وجه كلامه لفرح : هو انتي الانسه فرح
فرح : أيوة انا فين بقي اياد الهلالي عاوزة اخلص
اسر : وانتي عاوزة اياد ليه بقي
فرح : هو انت مالك يا بارد انت
اسر بغضب من لسانها الطويل : ما تلمي نفسك يا بتت
فرح: بتت لما تبتك يا بارد  وبعدين انت مالك يا انت هو انا هفضل اقولك انت مالك كتير ولا ايه .
اياد: خلاص بقي انت وهي
اسر : انت مش سامعها
فرح : يا ربي خلصوني بقي فين الزفت اياد الهلالي
اياد: انا الزفت ياختي ايه لسانك ده مترين لقدام
فرح وقد بدأت تخاف من أن لا يجعلها تعمل معهم في الشركه معلش انا اسفه مكنتش اعرف
اياد: عادي ولا يهمك انا واخد علي كدة كتير المهم بقي اقعدوا انتوا الاتنين
فرح: انا قعدت اهه
اياد : يلا يا اسر انت التاني
اسر: لا معلش المكان هنا دمه سم انا هروح مكتبي .
فرح في سرها :احسن برضه
اسر وهو يقترب منها:انتي قولتي ايه
فرح: ايه متكلمتش هو انت مجنون يلااا
اسر : انتي يا بتت انا ماسك نفسي  بالعافيه انا بقولك اهه
فرح وهي تقوم من مكانها وتقف أمامه ليظهر قصر قامتها فإنها قصيره عكس لسانها: طيب حاول كده تعمل حاجه وهتلاقي اسمك في صفحه الوفيات .
اياد وقد نفذ صبره منهم: بس بقي خلاص هو انا قرطاس في وسطكم ولا ايه
فرح : معلش بقي ما هو اللي مستفز
اياد: خلاص يا أسر اقعد بقي يا شيخ انا نسيت كنت هقول ايه
اسر: خلص كنت عاوز ايه
اياد وهو ينظر إلي فرح: ممكن اشوف ال cv بتاعك
فرح: طبعا اتفضل 
اياد وهو بيقراه: ما شاء الله ده انتي بتتكلمي لغات كويس
اسر وهو لا يصدق: انت بتقول ايه دي شكل واحده تعرف لغات دي آخرها لغه الشرشحه
فرح وقد فاض بها: لا بقي كده كتير انت يا جدع ما تحترم نفسك  هو علشان انا ساكته فتستهبل فيها بقي
اسر: انا محترم غصب عنك يا بتت انتي وبعدين ده كله وساكته اومال لو اتكلمتي هيحصل ايه 
اياد: خلاص يا فرح انتي اشتغلتي خلاص
فرح بسعاده: بجد
اياد : أيوة بجد انتي تستاهلي
فرح : شكرا ليك
اسر: ويا تري بقي هتشتغل ايه دي
اياد وهو ينظر لفرح تارة وأسر تارة اخري : هتشتغل السكرتيرة بتاعتك يا أسر
فرح وأسر في وقت واحد : ايه
••••••••••
سيف باستغراب: شريك ؟ ليه هو حضرتك حد قالك أننا بنفلس
زياد: لا بالعكس أنا عارف النجاحات اللي بتحققها شركات الهلالي وهو ده اللي خلاني حابب اكون شريك فيها ولو بنسبه بسيطه
سيف بغضب: اسف يا فندم احنا مش بنحب الشركاء واكيد انت عارف كده كويس
زياد وهو يخشي مخططاته تفشل: طبعا عارف بس ممكن تفكر في الموضوع وصدقني مش هتندم
سيف : انا عاوز اسالك سؤال، اشمعنا شركات الهلالي اللي حابب تكون شريك فيها
زياد: انا بحب النجاح واحب الناجح اكتر وانا سمعت عنك وعن شركات الهلالي اللي يخليني ابقي عاوز اكون معاكم
سيف بعدم اقتناع: اممم علي العموم انا اسف لحضرتك ،طلبك مستحيل، شرفت حضرتك
زياد بغضب من هذه الإهانة الذي تعرض لها الان ولكن حاول أن يكون طبيعي: تمام شكرا يا سيف باشا
وأكمل بخبث : سلام مؤقت .
•••••••••
روفان وهي تفكر في فرح ماذا فعلت يا تري تفتكري فرح عملت ايه
ميرنا : مش عارفه احنا كدة كده هنعرف
روفان : انا قلقانه ممكن اسر يرفض تشتغل معاه
ميرنا: ليه ان شاء الله دي فرح ممتازة جدا ومش هيلاقي حد زيها تنفع
روفان: تقولي لمين بقي يلا ربنا يسترها بقي قاطعها رنين هاتفها بنفس الرقم السابق
ميرنا وهي تري ارتباك روفان: مالك يا بنتي الموبايل بيرن ما تردي
روفان بارتباك : لا مش عاوزة ارد
ميرنا: ليه هو مين اللي بيتصل
روفان: بقولك ايه انا عوزاكي انتي والبت فرح وداليدا بكرة في موضوع
ميرنا باستغراب: موضوع ايه وبعدين هو انتي قولتي الموضوع الاول علشان تقولي الموضوع التاني
روفان: بكره هتعرفي بس مش في البيت خلينا عند فرح احسن
ميرنا وهي لا تفهم شئ: حاضر
••••••••••
فرح وأسر في وقت واحد : ايه
اسر وهو يقوم من مكانه : انت بتقول ايه يا اياد مين دي اللي تبقي السكرتيرة بتاعتي
فرح : ومين قالك اصلا اني هموت وابقي السكرتيرة بتاعتك
اسر: احسن برضه هو انتي تطولي
فرح بغضب: ليه أن شاء الله كنت احمد ابو هشيمه وانا معرفش
اياد وقد وصل إلي آخر مراحل الصبر:لا بقي كفايه انتم الاتنين انا ساكت ليكم من بدري ثم نظر ناحيه اسر : بقولك ايه يا اسر انت محتاج سكرتيره وضروري كمان ومفيش حد اتقدم ومعاه cv ممتاز زيها بصراحه يبقي خلاص
اسر بغضب فهو لا يريدها : اكيد هيجي حد احسن بس انا مش عاوز دي تكون معايا في مكان وبعدين من امتي يعني مهتم يكون ليا سكرتيره
فرح: يعني انا اللي عاوزة خليك في حالك بس
اسر وهو ينظر إلي اياد : شايف لسانها مترين لقدام ازاي
اياد: خلاص يا فرح أظن أن ده هيبقي المدير بتاعك  يعني تحترميه .
فرح: والله انا احترم اللي محترم معايا .
اياد: خلاص بقي ان شاء الله هتيجي بكرة تستلمي الشغل الساعه 9
اسر : بس انا مش موافق
فرح وهي تنظر له بغضب وكادت أن تتحدث لكن اياد قاطعها : خلاص بقي يا أسر الشغل شغل مفهوش عِند ولكن تركهم اسر وذهب الي مكتبه دون أن يتحدث اكتفي بالنظر إليها فقط
اياد وهو ينظر إلي فرح: انسه فرح احنا الشرف لينا أن واحده زيك هتبقي معانا في الشركه .
فرح: ده شرف ليا انا يا فندم
اياد: عاوز بس اقولك متزعليش من أسر هو طيب بس عصبي حبتين
فرح بسخريه: ده طيب ما هو باين فعلا
اياد: بكرة هتشتغلي معاه وهتعرفيه اكتر
فرح وهي تقوم : إن شاء الله استاذن انا وان شاء الله بكرة من الساعه 9 هبقي موجوده
اياد : مع السلامه
••••••••••••••••••••
في شركه الهلالي للانشاءات

انها شركه عمر و عدي الخاصه بهم ولكن قرروا أن يطلقوا عليها اسم العيله

في مكتب عمر
كان عدي يجلس معه يتحدثون في أمور العمل
عمر: بقولك يا عدي المتدربين الجداد إن شاء الله من بكرة يبدأوا تمام
عدي : حاضر بس انت مش هتشوفهم الاول ولا ايه
عمر: انا قرات cv كل واحد فيهم وفي كام واحد كدة ممكن نخليهم يبقوا المسؤولين عن المشروع الجديد
عدي : بس هتبقي مخاطرة اووي يا عمر دول لسه في اول المشوار يعني مفيش عندهم خبره كافيه لإدارة المشروع معهم زي ده
عمر وهو يخرج ملفات من مكتبه: لا مش مخاطرة وانت بنفسك راجع ملفاتهم  وهتلاقيهم ممتازين انت مش عارف صاحبك ولا ايه
عدي: عارفك يا صاحبي وعلي خير إن شاء الله ثم أخذ الملفات منه وهو يقول هراجعهم ويبقي اقولك
عمر: هتلاقي ملف معاك في بنت اسمها اسراء عبد القادر وواحد تاني اسمه خالد محمد الاتنين دول ممكن يكونوا هما المشرفين عليهم
عدي وهو ينظر إلي الملفات في يده: تمام هشوف واقولك لو كده من بكرة هنعرفهم هما عندهم خبر بأنهم اتقبلوا صح
عمر: أيوة  وبكرة من الساعه 10 كلهم هيبقوا موجودين في الشركه
عدي وهو يقوم: كدة تمام اووي يلا اروح انا علي مكتبي بقي
عمر: ماشي
••••••••
في مكتب سيف 
بعد أن ذهب زياد وترك خلفه سيف يفكر في من هذا وماذا يريد من شراكته معهم والأهم من هذا طريقه كلامه التي لا توحي بالخير ابدا
ولكن ترك التفكير في هذا بعد أن تذكر الثنائي المشاغب فخرج من مكتبه علي الفور وهو علي وشك الانفجار بسبب تاخيرهم هذا ولكنه اصطدم فجأة في أحدا ما وتوقع أنها فتاة من صوتها الذي خرج اثر اصطدامها به
سيف بغضب: هو انتي مش شايفه قدامك يا انسه ماشيه بتخبطي في اللي قدامك
فرح وهي تنظر له ببلاهه ولم تركز في اي كلمه من التي قالها سيف للتو
فرح ببسمه غبيه للغاية: ايه ده هما فاتحين مصنع حلويات هنا ولا ايه
سيف بغضب: نعم، هو انتي جاية تهزري انتي مين اصلا  وبتعملي ايه هنا
فرح برعب من نبرة صوته : انا فرح
سيف بغضب: أيوة يعني فرح مين
فرح وعلي وشك البكاء بغباء قالت : انا فرح صاحبة روفان
سيف: اهلا دي كملت

#هاجر ايمن
# عبير صابر