بنحكيلكم قصة جديدة وحقيقية وحلوة وفيها سر٠٠٠
كلنا عارفين طبع العيله الليبية البنت من توصل التانوي ويبدو الخطاب يدقو ع بابهم، عمي محمد متزوج وربي عطاه 3بنات بس البنتين لكبار تؤام (اروى_وردة_نورة) عم محمد ومرته عمتي فاطمة من الدقة القديمة واعرين ونقالات ممنوعه وخشوش وطلوع لا ولبس عبايات المهم وردة واروى توأم بس مايشبهو بعض وردة جميلة بواجد عن توأمها نقشتها برنزية وشعرها اسود وطويل وعيونها كبار ايجيبنك من وين و غادي المهم خشو الثانوي يقرو تعرفو ع صاحبات جدد وحده من صاحباتهم اسمها مبروكة عندها خوها ايجيب فيها للمدرسة و يروح بيها اسمه هيثم في يوم هيثم يستنا ف اخته تطلع شاف اروى وعجباته وسأل عليها اخته وقاتله هدي صاحباتي المهم دزلها مع مبروكه وكلمتها واروى لما شافاته عجبها واجد شخصيته جنتل المهم وافقت وقعد ايجي كل صبح بيش يشوفها قبل مايمشي لعمله وهيا تفرح لما تلقاه المهم بعد شهر هكي قرر يخطبها ومشت امورهم ودارو خطبه وبعد شهرين كان العرس لان هيثم جاياتا بعثة للخارج بيتزوج وبيسافر
وبدا العرس وجتهم العيله الخوال والعمام وبدت اجواء العرس الليبي وبنات العيلة غناء ودربوكة ورقص ولبس واستشور وفالحوسة كلهم يد بيد وغسل لماعين وايوتو فاللي بيقدموه وكانت الاجواء اكتر من حلوة واروى وخالد فرحانين وفرحتهم ببعض مش عاطينها لحد
وردة في عرس اختها قد ماهي حلوة طالعة اميرة والناس كلها عيونهم عليها شافتها خالة العريس وعجبتها ودارتها ف بالها بتخطبها لولدها عصام المهم تم العرس وتمت الحوسه وروحو العيلة وبعد اسبوع سافرو هيثم وأروى ورجعت الحياة الروتينية ورجعت وردة تمشي للمدرسة بروحها طبعا شباب العيله كلهم يتمنو في وردة ويتقدمولها وترفض فيهم بعد مادير عركة طويلة عريضه مع بوها وامه ،المهم برا يازمان وتعالا يازمان في فترة صارت الحرب في منطقتهم والقدائف والرصاص قعدو ايطيحو ع أهل المنطقة بشكل عشوائي قرر الجيش ان يطلعو اهل المنطقة من بيوتهم عممو القرار ع المنطقة كلها وشبه طلعو كلهم ماعادا بيتين ثلاته من ضمنهم بيت عم محمد لان حالتهم شبه ضعيفه وماعندهم وين يمشو المهم
رائد الجيش شاب اسمه خالد شخصيته قوية شهم وشجاع وطيب قاسي بس حنون ف نفس الوقت وعندا كلمة فالجيش وبين الضباط وشكله جميل طويل وعريض وقمحاوي ونقشه ع الاسود شعره ولحيته وعيونه
العم محمد ضاق بيه الحال والحرب زادت اتقاوت وردة نفسيتها تعبت من الحرب والقوادف والسلاح الي تسمع في صوتهم كل دقيقة واهلها معاش عرفو كيف يديرو
خالد بعد ماشاف ان في بيوت ماطلعوش واحتمال تضرر جاء طلعهم وصل لي بيت عمي محمد تكلم معاه ان لازم اليوم يطلعو بأي طريقة ويخلو البيت لان احتمال يصير هجوم ع منازل من الاعداء والوضع ايزيد ايتأزم وحكا عمي محمد ضرفه لي خالد وان ماعندا وين يطلع وحالته رقيقه خالد قاله ماعليك ياحاج خلي كل شي عليا انتم وتو روحكم بس عندكم ساعه تلمو فيها روحكم وبعد الساعة انجيكم
خش عمي محمد خبر عيلته وقعدو يوتو ف روحهم وبعد ساعة وشوي جاء خالد في سيارته (لبوة) ودرس قدام بيت عمي محمد وقعد يضبح علي عم محمد طلعله قاله هيا قول للعيله واركبو ضروري انطلعكم اليوم قاله وين بترفعنا ياولدي واحني عيلة لانا واحد ولا اتنين رد خالد الناس لبعضها ياحاج واني بنرفعك لمكان بأذن الله ترتاحو فيه لين ربي يهدي الوضع وترجع منطقتكم امنة وترجعو لبيتكم سالمين لاكن توا ضروري تطلع من البيت لان بيتكم مستهدف قاله تمام ياولدي وخش عم محمد طلع عيلته ووردة حالتها صفر ومنهارة من الي صار طلعو وركبو كلهم وركب اخر شخص فالسيارة خالد وقال السلام عليكم وردو عليه السلام طلع بيهم وبعد ساعتين وصل لمنطقه ودرس قدام فيلا ونزل من سيارة وفتح الباب وانزل وراه عم محمد قاله هذا بيتي وهذا الي بتقعدو فيه لين اتم الحرب واني انطل عليكم بعد فترة وفترة قال عمي محمد اني مانحب نتقل ع حد ومرتك مرات تضايق منا ضحك خالد وقاله مابتقل ع حد اني مش متزوج قاله وعلاش ماتزوجت وداير هالبيت كله قال خالد قصة طويله ياعمي توا غير دخل عيلتك لان اني لازم نكون فالمقر قبل العصر وماتفكرو فالمصروف جبتلكم كل شي وحطيتا داخل قال عمي محمد هكي واجد ياولدي حط يده ع كتفه رد خالد انت في مكان الوالد والناس لبعضها خشو عمتي فاطمة وردة ونورة للحوش وانبهرو فالبيت كيف كبير وجميل وخالد قاللهم قبل مانطلع نوريكم الحوش وقعد خالد ايوري فيهم فالحوش ع سريع فالديار والمطبخ وهوا طالع في مخزن كبير مسكر قاللهم ماتقربو منا، قاله عم محمد تمام ،
خالد هيا نستاذنكم لان لازم نكون فالمقر في اسرع وقت طلع خالد وركب ف سيارة جت ورده قدام الباب واشرت بيدها لخالد انها تبيه في كلام نزل خالد....
قصة حقيقية٠٠٠كل مرة انزللكم شوي٠٠٠٠بيش تشوفي باقي القصة
ديري متابعة لي الكتاب
واكتبي تم فالتعليقات
