فرح: انعم الله عليج تسلمين كولي عمة محتاجة شي
ام مصطفى: سلامتج ممحتاجة شي بس اجيت اشوفكم وجبتكم عصير وياية هم مصطفى شرب عصيرة بس انتي بعد
فرح: بس شنو مناسبة العصير
ام مصطفى: هيج ابو مصطفى جابة واني كلت اجيبلكم منة
فرح: شكرا اني ماريد والله ممشتهية
ام مصطفى: لاااا اشلوون هاذا خاص الجج
فرح: 🙄🙁
ام مصطفى: اكلي اكل زين واشرب عصائر ومي هواي حتى يصير بيج حيل اريد البشارة منج
فرح: عمة مدافتهم عليج والله
ام مصطفى: اريد تجيبيلي حفيد اريد اصير بيبية
فرح: شنووو
ام مصطفى: اي بنيتي اريد تجيبيلنى طفل
فرح: بس اني مااكدر هسة
ام مصطفى: ليش مدكدرين لازم علاقتج وياة مصطفى موزينة
فرح: لالا موهيج علاقتنة زينة بس مصطفى بهل حالة اشلون حيكدر يصير اب واني بعدني صغيرة مو كد هل مسؤلية
ام مصطفى: انتي بنية جبيرة واعية وتكدرين لهل مسؤلية لتكولين صغيرة ومااكدر ومصطفى يكيف يصير عندة طفل حتى هم يلعب وياية
فرح: بعد وكت شعندة مستعجلين من هسة بعدنة عرسان جدد الحك
ام مصطفى: اي انتو تلحكون بس اني مالحك بأي ساعة الله ياخذ امانتة
فرح: عمرج طويل عمةة
ام مصطفى: يلة تعاي اشربي لعصير قبل ميصير حار
فرح: عمة والله .....
ام مصطفى: لاعمة ولاشي تعاي اشربي حتى تصيرين قوية
فرح: شربتة اجباااري
ام مصطفى: عفيية ببنيتي يلة اخذو راحتكم هسة اني انزل اشوف ابو مصطفى
فرح: بسلامة..... طلعت هي واني قفلت الباب وكعدت انشف بشعري وامشط بي ..... اي صوفي شكو ماكو
مصطفى: نعسان
فرح: نعسااان
مصطفى: اريد انام
فرح: باوعت على ساعة بالعشرة مصايرة مو من عويد مصطفى ينام بهل وكتت ابدد........ تمام كوم روح نام واني حطفي الضوء
مصطفى: لالا لطفي حبابة اخاف والله اخاف
فرح: مو اني حجي يمك شكو دتخاف لتخاف حبيبي اني يمك
مصطفى: حبيبي
فرح: هههه اي حبيبي ديلة روح نام مشطت شعري وطفيت الضوء ورحت نمت يم مصطفى اني كلت بس ينام مصطفى اكعد على فلم بس اني هم طفيييت فدمرة نعست عود نمت الظهر لفيت راسي وياة مصطفى ونمت كعدت الصبح مصدوومة....... يتبببع
بقلم الكاتبة: اية عبدالرحمن 🍁
تفااعلكم وتعليقاتكم الحلوة ياحلوين ❤
أنت تقرأ
هدية لمجنون
Randomادخلو وشوفوهة بنفسكم قصة تختلف عن القصص ياترة اشلون حتبدي واشلون حتنتهي...... والقصة بين (مصطفى وفرح)...... قصة حقيقية واقعية ٪٪ بقلم الكاتبة اية عبدالرحمن 🌹
