#بَين_النَهوةُ_وعَشقِ_العَسكري
بقلم زهراء امجد
البارت الثالث
وسام _ولك سجاد شعندك هنا شدسوي !!!
سجاد _ بـ أرتباك ها لا عمي ماكو شي ،
وسام _ تعاااااال منااااا لا اكسر راسك
وانتي ناي روحي يم امج بسرعة ،
_ كمت ارجف وخايفة من سجاد ركضت يم امي بالغرفة شويه وعمو وسام دخل لبيبتي اسمعه
سولف لبيبتي كلشي وصياح بيبتي رزلت سجاد ،
وهم طردو سجاد لان يوميه يجي النه كرهتم وكرهت هاي حركاتهم كل شويه اذكرهن واضوج
من سوالفهم....
ضليت خايفه ومن الخوف تمرضت
وصلت للموت وأبوي يدخل يكتلني واني مريضه واضل ابجي وامي تقنع بي تكله خالد بس اخذها للدكتور بس هو ابد مايسمعها....
تمرضت كلش وحتى حسين اخوي تمرض وامي محتاره بينه وهو ولا يمه....
يدخل للبيت وبيبتي موجودة يمنا
ام خالد _ بتك راح تموت ولك حرام عليك
ما تخاف الله عليها هيه هل بنيه الوحده عندك
وديها للدكتور شوف شنو ألبيها مابيها....
اباوع عله بابا حسيت ابوي شلون الانكسر كلبه وعيونه دمعت،،،
بيبتي الوحيدة حيل تأثر على ابوي
فإبوي بسرعه اخذني للدكتور وانطوني ادويه وعلاجات وابر ورجعنه للبيت
وبسياره ابوي يحاجيني ،
خالد _ بنتي اني احبج تره ،
وضل يقنعني ويكلي اجيبلج العاب واني
صدكته وضليت مصدكه وطريق كله فرحانه
اكله بابا اريد لعابه كبيره كلش وهو يكلي ايي اجيبلج ....
عاد سكتت وبداخلي هواي اسأله على كلشي
يسوي ويا امي و ويانه
بس ماعرف شلون اسأله.....
رجعنه وصار ليلل واجه جايبلي لعابه صغيره
عاديه وياها مشط ومرايه على شكل قلب
فرحت ومتت فرح رحت ابوس بيه ومامصدكه وضليت محتفظه بيها
هيام _خالد تغير معاملته ويه الجهال
ويا ابني وبنتي ضل يحبهم ويريدهم حته
من يروح للزياره ياخذهم وياه ويشتريلهم
لعابات جانت تصرفاته وأسلوبه سببه
كله صغر عمره ولأن امه هي توزه علية
لان هي بس تحجي وياه يغير معاملته ويانه
جانت متسلطه ع كلشي
بس وياي نفس الشي على اقل شي يكتلني وماينطيني مصرف....
ضليت مستمره أخذ بدون علمه واجمع ومن اروح لبيت اهلي اشتري الناي وحسين
بحيث من كد مأطول مااروح لبيت اهلي هواي
لميت فلوس ب٣ ملايين حته خالد تالي اعتاز
فلوس اخذت منهم وانطيته
سألني منين جبتي هذن لفلوس كلتله
من اهلي راح اداينك وشوكت ماتريد رجعهن
أنت تقرأ
بين النهوة وعشق العسكري
Lãng mạnتنوية القصه ليست نهوة حقيقيه من ارض الجنوب بَين النَهوةُ وعَشقِ العَسكري والآن أشهد أن حضورك موت وأن غيابك موتان.
