#بَين_النَهوةُ_وعَشقِ_العَسكري
بقلم زهراء امجد
البارت 30
لاتنسون لايك للبارت و متابعه حسابي واتباد
انستكرامي
Zz__127_
ناي _كلت شورطني ياربي شلون بيه وين ما اروح المصايب وراي
غيث وعبد الله نفس التصرفات
وكلشي ولا واحد يباع على نسوانهم
ويشترون الطلايب مشتره عكس حسن ومهدي يهدون الوضع
اريد ادخل وعيوني عليهم اشوف غيث قبلي
ركض للغرفه طلع الاسلحه والمخازن هو وعبد الله
لان عبد الله يشتغل بشرطه فيعرف بكلشي وطلعو
واني دخلت آيان حطيته بجربايته لان ضل يبجي سويت اله ممه
وافكر كمت ارجف كلت خلي اسكت
تالي كلت خاف يصير شي خلي اكل لواحد طلعت امشي بالبيت هدوء ماكو احد
ماحس اله عذراء كبالي تباع عليه
عذراء _ شصاير
شافتني خايفه ولوني مخطوف واريد ابجي
عذراء _ شنو ناي شكوو
ناي _ ولد تحرشو بيه وعبد الله وغيث اخذو الاسلحه وطلعو
لطمت على خدودها
عذراء _ صخام الصخمج
هيه سوت هيج لو متت بدمي وبجيت
_ كله من وراج هسه يتكاتلون
ناي _ اني شكو قابل اني كلتلهم تعالو تحرشو بيه
البنات سمعو ومن كل وحده حجايه خبصن روحهن سون روحهن العاقلات ويخوزرن بيه وكلساع وزينه كالت هما الشباب حته على الزرب.. يباوعون
كلت باع هاي وين تفكر واني ميته خوف مالي
خلكها بس بوقتها ام غيث وابو نايمين محد كللهم
وصارت ب١٢ ونص وهما ماكو اني دخلت لغرفتي واريد انام بس نوم مايجيني
اريد اموت
خابرت على ابوي وسولفته كال هسه اشوف غيث
خمس دقائق وخابر عليه ابوي
خالد _ لازميهم وغيث وعبد الله كاضين التوبه بيهم والمركز مكلوب كلب ماسمع شي
هسه بسجن
ناي _ يبوووي أتوقع هما سكرانين
خالد _ مادري يي على اغلب هيج لان غيث مستعجل كال اني هسه شوي وراجع للبيت
ناي _ يلا همزين اتطمنت عليهم
مرت ساعه للوحده ونص ودخلو واسمعهم يصيحون
وعذراء تصيح مادري شتحجي
ثواني ودخل غيث مايتحاجه والجكاير يطب ويطلع خخلص باكيتين
غيث _ ها ارتاحيتي شوفي يكلولي طلع مرتك
بدون عبايه واني صارلي ساعه ادافع الج اكلهم لابسه عبايه وعذراء تصيح ما لابسه عبايه اني
شفته طلعت هيج والولد تحرشو بيها لان بدون
عبايه
أنت تقرأ
بين النهوة وعشق العسكري
عاطفيةتنوية القصه ليست نهوة حقيقيه من ارض الجنوب بَين النَهوةُ وعَشقِ العَسكري والآن أشهد أن حضورك موت وأن غيابك موتان.
