#بين_النهوة_وعشق_العسكري
#بقلم_الكاتبة_زهراء_امجد
#البارت_الهدية_الثاني_❤️
الساعه بـ ٩ صباحاً
ناي_ دك المنبه اووي وين تلفوني
كمت طفيته باوعت على مكان غيث ماكو
اكيد طالع من الصبح
شعجب ماكعدني اسويله ريوك بلعاده اله اكعد احضرله كلشي يلا يطلع
كفيت شعري واتمغط بدلت ملابسي وعزلت غرفتي وايوني ماحاس عليه
طلعت اشوف شنو اتريك لكيت خاله أم غيث كاعده
ناي_ صباح الخير
ام غيث_ صباح النور
ناي_ ها شنو جاي تسوين
أم غيث_ سلگت اللحم للغده اليوم مشتهين شبزي ( اسبيناغ) وجاي احمسه حته من تكعد شهد بس تطبخه
ناي_ هااا
رحت اتريك وافكر بيني وبين نفسي مرت مهدي صار الها ٧ اشهر كله خالتي تشتغل عنها بس هاي صار شكم يوم هيه تطبخ وخاله تحضر الها كلشي
أما بالنسبه الي شايله يومي ومعلي بأحد لا زينه ولا سمر ولا حته شهد
طلعت بسكت وحليب اكلتي المفضله تريكت وكمت عزلت البيت كله ونضفت كلشي
صارت ب١٠ وكعد آيوني
ناي_ صباح الخير يروح الماما
آيان_ ماما اين بابا
ناي_ بابا راح للدوام حبيبي تريد اسويلك ريوك
آيان_ لا اليد كيكه
ناي_ اوك هاي كيكه وعصير تعال يمي بره اكل
أخذته وطلعنه بره باطرمه اكل كيكته وعصيره بلعبنه شوي ودخلت شغلتله يوتيوب وكعد يباوع
لحد١١ ونص كعدت شهد شفتها ضايجه كللش
ناي_ هلاو
شهد_ هلا
شنو اليوم خاله سالگه اللحم وجاي تحمس
ناي_ يي مو كالت خاف يتأخر
شهد_ والله اليوم سويته هيج جبت المواد وخليتهن كلهن سوه حته المركه مدري شلون صارت
ناي_ هههه يا ليش
شهد_مشكلتهة لعد شعدها تطبخ وتسلك وتسوي عني شبيه ماعرف اني
ناي_ ها
جانت تحجي وضايجه باوعت على المركه
حشه نعمت الله تلعب النفس لان مامسويتها عدل ولا حامسه البصل
كلت بكلبي شدعوه عليج بالعكس افرحي نايمه براحتج واكو واحد يساعدج حته تخلصين بسرعه
مر الوقت لحد الغده وهي نفس طريقتها ماتطلع تكعد على غده اتجمعنه كلنا ناكل ومبين على الكل ماعاجبهم الاكل بس يستحوون يحجون
أنت تقرأ
بين النهوة وعشق العسكري
Romanceتنوية القصه ليست نهوة حقيقيه من ارض الجنوب بَين النَهوةُ وعَشقِ العَسكري والآن أشهد أن حضورك موت وأن غيابك موتان.
