#بَين_النَهوةُ_وعَشقِ_العَسكري
بقلم زهراء امجد
البارت 13
يوزري الانستا
Zz__127_
وهنة يجهزن ويسولفون وجهال بيت خالتي وخواني خبصو البيت واريد امشط شعري
اشو اشوف تلفون امي محروك حرك بالرسائل
رحت فتحته وجان أشوف.....
ابن خالي....
_احبج
_اموت عليج
_ناي بس فصخي الخطوبه
اني اتزوجج
عيوني صارن بهامتي شكد مايستحي هذا
_أنته ماتستحي اني راح اتزوج وانته
هيج تحجي !!!
_ احبج
_ما احبك ولي من وجهي لا اطلع ضيم الدنيا
كلها بيك...
_ انتي مو جنتي رافضه بس كولي احبك
اني اصور المحادثه واوديها لغيث واخلي
يبطل ولا تخافين ما يجيب سيرتج بشي
حتى يكولون هو رفض مو هيه....
ناي _ هههههه والله مصدك نفسك أنته
اكرهك ياغبي...
_ شبيج ناي والله احبج
هسه بس كولي احبك
ناي _ اكرهك
_ والله غيث مايحجي اني اعرفه متفهم
بس اكله ناي تحبني ومجبوره
هو يعوفج
ناي _ واني اكرهك وراح احضرك وهسه ادز محادثتك ل خالي
_ لا ناي تحجين صدك واني والله لان جنتي
رافضه ردت اساعدج عود
ناي _ مامحتاجه مساعدتك
_ هاهيه بكيفج
سديت تلفون وعفته بس صراحه هم
فكرت بهاي الخطه بس اني ماريد اخرب
سمعتي تراجعت.....
صار اليلل فرشنه وحده بصف الثانيه واخواني
يمنه وخالتي كلساع وصاحت ولج نامي وراج
كعده وهوسه باجر....
عاد نمت واني الف فكره براسي
صار الصبح ساعه ب ٧ صباحاً
نور _ يلا ناااي عروستنا كومي تريكي
ناي _ هئ هئ هئ انعل ابو العرس هسه
والله بس خلوني شوي اشبع نوم....
نور _ انتي تنبل نوم وانتي رنا كعدي مو ترحين
وياها كعدن تره طريقجن بعيد يلا تلحكن
كمت اني وخالتي تشيل بالفراش وتكفكف البيت
لان هي حتبقى بالبيت وامي ورنا يروحن وياي
كمت غسلت وبدلت لبست تشيرت تركوازي
نص ردن وبي طوبات بيض وبنطلون ابيض
وحذاء مالت البدله وشال اوف وايت وكلشي محطيت طلعت امي
أنت تقرأ
بين النهوة وعشق العسكري
Romanceتنوية القصه ليست نهوة حقيقيه من ارض الجنوب بَين النَهوةُ وعَشقِ العَسكري والآن أشهد أن حضورك موت وأن غيابك موتان.
