مأساه

مأساه الحلقه ٤

ماساه
الحلقه الرابعه
بعد فتره بسيطه
وعند عوده طاهر امه قالت له ابقي تعالي المغرب ياطاهر شويه اما ابوك يجي
طاهر :حاضر ياامه
وعندما طلع طاهر وزوجته
ليلي:امك عوزاك ف ايه
طاهر:انا عارف قال ياخبر بفلوس لما انزل اعرف
ليلي:بقولك ايه ماتيجي ناجر جمب شغلنا بدل السفر والبهدله كل يوم
طاهر:انتي اجننتي اما اخويا يموت ومالهمش غيري  اسيبهم لوحدهم اوعي اسمعك تقولي كده
...................
ونزل فعلا عند عوده ابوه من الارض

امه:شوفو بقي قاعده حوريه كده وسطينا مش هتنفع البت حلوه وصغار ووارثه اي حد يغويها ويجي يقاسمنا ف ارضنا وهي مش هتقعد عازبه كده طول العمر وكمان  عشان نربي لحمناولا عاوزين غريب يربي ولدنا
طاهر:وانا مالي بالموضوع ده
امه:مالك ايه هو في غيرك يجوزها
طاهر:انتي عاوزه تخربي بيتي ياامه
امه:وليه يعني مانت بقالك سنه ولسه ولا شوفنالك عيل ودي بت زي لهطه القشطه مش احسن من السنكوحه بتاعتك
طاهر:انا مالي ماتلهطيها انتي وانا بحب مراتي
امه:ماتشبع بيها حد قالك تسيبها انت هتجوز مرات اخوك بس نلم لحمنا وتربي ابن اخوك
والله لو كسرت كلامي لاانت ابني ولا اعرفك  ومش عاوزه اشوفك هنا تاني
طاهر:ياامه ابوس ايدك بلاش كده
امه:اخرتها عاوز راجل غريب يربي سعيد دا انت ابوه التاني بعد موت ابوه
واديك لحد دلوقت لا شوفنالها خلف ولا حاجه
طاهر:ربنا اللي بيرزق ياامه ولسه النصيب
ابوه:كلام امك كله زين وانا موافق عليه ولو مانفذتوش تبقي قطيعه يا طاهر
طاهر :والله دا خراب بيوت ياامه
امه:لو بتحبك صحيح هتراعي اللي احنا فيه وتقدر
ولو زعلت يومين هترجع طالما بتحبك لو مابتحبكش يبقي ماتبقيش علي حد باعك
طاهر :ربنا يسهل
...................
وطلع طاهرلزوجته لا يدري كيف يبدا  الموضوع ومن اين
ليلي:خير كانو عاوزين ايه
طاهر :عاوزني اجوز مرات اخويا
ليلي:يانهاااار اسود.دول اكيد اتجننو مش عارفين انك متجوز ولا عشان امك مابتحبنيش ماصدقت
طاهر:ياحبيبني انتي عارفه اني مابحبش غيرك ودا جواز مصلحه ع الورق وانا هفهمها كده عشان بس الارض ماتروحش لغريب وكمان ابن اخويا انا اولي بنربيته لكن انا عمري ماانام ف فرشه اخويا مهما حصل
ليلي:وعاوزني اصدق الكلام الاهبل ده
طاهر:اقسملك بالله ده اللي هيحصل وهي اكيد نفس الشعور
ليلي:ليه وهي هتلاقي زيك فين تعليم عالي ومحاسب وامور وصغير مش احسن من اخوك اللي كان تخين وكبير عليها
طاهر:الجواز لا بشكل ولا سن  خضر كان جوزها وابو ابنها
والله ياحبيبتي صدقيني من اول يوم هفهمها كده بس مش هعرف امي عشان ماتزنش علي دماغي عشان كده لازم ابقي عندها شويه وهنا شويه
ليلي:والله وتبيت هناك ليه طالما ع الورق
طاهر:عشان امي ماتاخدش بالها وكمان اراعي ابن اخويا
ليلي:هنبتدي حجج اهو
طاهر:والله مابكدب انتي عارفه حبي ليكي ومافيش واحده تملي عيني غيرك انت ياجمبل
ولو اكتشفتي عكس كده اعملي اللي انتي عوزاه فيا

......................
جاء دور ام خضر تتحدث لسعاد
وطبعا سعاد تعلم انه الحل الامثل لان اهل خضر لن يقبلو احد غريب وسطيهم
فذهبت لبنتها تحدثها
حوريه:يانهار مش فايت هتبعوني مره تانيه يامه وانا اترملت ولسه عبله ومعايا طفل
امها:شوفي بقي ماهو انتي مش هتقعدي عازبه وعمرهم ماهيسبوكي تجوزي من بره  وهيعملو  مشاكل
معلش يابنتي ارضي بقسمتك ونصيبك  يمكن فيه الخير والعوض وكمان مافيش احن منه علي ابنك  دا عمه يعني ف مقام ابوه بدل ما واحد غريب يبهدلك
حوريه:اعملو اللي تعملوه يامه انا زهقت من حياتي يارب خدني وريحني عشان ترتاحو كلكو مني
امها:بعد الشر عليكي ياهبله هو في زي طاهر
..............